ÀfaꞋa 2:30 - Mundani

³⁰ Tà li ngu ndàꞋàtɔŋ Mbɔ̧ɔ̧mà mè nko àghɨa Mbɔ̧ɔ̧mà wu e kâꞋ nê yea ghɨ̌ abua zi la. Mbɔ̧ɔ̧mà li ndzì nkà̧ nê yea li yɔꞋɔ wòt àndǎ̧ Dàbid kǒ ane fɔ̧̀, taa wu mbɨ̀Ꞌɨ̀ Dàbid li nguê la.

ÀfaꞋa 2:30 ပူးပေါင်းရင်းမြစ်များ

Matìù 22:43

Tà mè mbììte awɔb nê, “Ale, ghǎ li ngɨ̀ ka Fo Mbɔ̧ɔ̧mà ghɨ̀ Fɔ̧̀ Dàbid me tɔ tò ane tǎt vi à? Dàbid li nê,

Matìù 27:35

Bɔ ghɨ̀ ale, ngù̧ù̧te atò a mbɨ̧̀ mbasa, mbɔ̂ màꞋà èbìt enɨ ghàbte ndìte tò.

Ntu̧ Ntsɔ̧̀ MAK 12:36

Fo Kèfə li ngɨ̀ Dàbid zìambɔŋ nê, ‘Mbɔ̧ɔ̧mà Lefɨ̀Ꞌ li shu abua Lefɨ̀Ꞌ am nê, Tseke àbâ àbualu̧ am tè è ŋà èlu̧ à tsite èka bê a ègwet bɔmbù̧ bê.’

Lûk 24:44

ÀfɨꞋa mbɔŋ tà shu abua yɔb nê, “Eyaa wu mènəè mu e ndi ngua shuà wɨ̧ àfɨꞋa e ndi mbèle ba nɨ̧̀ ba la, nê, àghɨ àgème bɔ shɨ ane yaã a èbem àkatè mbɨ̧te Musì, nè mènəè bèndàꞋàtɔŋ Mbɔ̧ɔ̧mà, nè è mu a èbem Àkata Mèkù̧ la, a bɔ ndɨ àa te la.”

ÀfaꞋa 1:16

“Bɔnyɨ bɔ̧, èngǎ̧ Mbɔ̧ɔ̧mà wu Fo Kèfə li ngɨ̀ Fɔ̧̀ Dàbid làꞋà ane ànəa Judàs la, e li mbɔ̌ ndɨ àa wu nkûŋ la. Fɔ̧̀ Dàbid li shu ndɨ Judàs wu wòt tàa li tɨ̧ɨ̧ a mbì e ghɨ̌ ka bɔɔ baãaã a Yesò la.

Lûm 1:3

Ntu̧ Ntsɔ̧̀ Mbɔ̧ɔ̧mà wua ndàꞋà ànəa Waã tò wu bɔ le mbi mbɨ̀Ꞌɨ̀ wɔ̀bȩ̂ a èbem àndǎ̧ a fɔ̧̀ Dàbid la.

Lûm 15:12

Àsayà mè nê, “Wòt bɔ̀ɔ bi atò àndǎ̧ Jesì la nàa li kɨꞋɨ, wu wòt tàa li me baãaã bòt kà wu Bèjuê la. Bɔ̀ɔ lâ me chɨ̀Ꞌɨ̀ tàa ghɨ̌ bɔ̀ɔ peme.”

2 Tɔ̀màtià 2:8

Me ku̧u̧te a Yesò Klistò, tà li mpfə mè njù̧ù̧mê la. Tà lè wu wòt àndǎ̧ Fɔ̧̀ Dàbid, mbɨ̀Ꞌɨ̀ Ntu̧ Ntsɔ̧̀ yàa e ntsɔ̀tà la nàa nyɨ̀Ꞌta la.

Ebùlù 1:1

È li ngu tê àfɨꞋa mbì, Mbɔ̧ɔ̧mà me tsàà bɔntu̧ bi bɔ me làꞋa èngǎ̧ tò abua bètǎt nyaꞋ ba a ngo̧ a ngò̧ ane balu̧ nyaŋ.

Ebùlù 3:7

Mbɨ̀Ꞌɨ̀ Fo Kèfə è shu la nê, “Bɨ zə ànəa Mbɔ̧ɔ̧mà shu la laane,

Ebùlù 4:7

Ale, Mbɔ̧ɔ̧mà mê nɔ̀ŋè àli ako me tɔ nê “Laane”. MèngùꞋebȩ ko li ntaꞋa tsě, tà ghɨ̀ Dàbid làꞋ mèngà̧ maa ba tɔ a èbem Àkata Mbɔ̧ɔ̧mà tè ndɔ̀Ꞌ la nê, “Bɨ zə ànəa Mbɔ̧ɔ̧mà shu la laane, bɨ̀ ka ngɨ̀ mèntɨ̧ɨ̧ mɨ̧ me kweele.”

Ebùlù 6:17

Mbɔ̧ɔ̧mà li me kɨ e ghɨ̌ bòt bu bɔ li mbɔ̌ ndɨ bɔ̀ɔ bɔ àghɨa tà li nkàꞋ la, aa la ko nê tà ka lɔ̀Ꞌ àlia ekubte èntɨ̧ɨ̧ vi a, tà zǐ nkà̧ nɨŋ sèntè ànəê yu ye kàꞋà la.

Ebùlù 7:21

Ka è me wu a Yesò, ko tà li me wu ntsìà mèpɨ̧̀ ale, Mbɔ̧ɔ̧mà zì nkà̧ àfɨꞋa tà li shu abua tò nê, “Lefɨ̀Ꞌ Mbɔ̧ɔ̧mà è zǐ nkà̧, tè tà kà wu tsi ekubte ànəa tà shu la, nê, ‘A wu ntsìà mèpɨ̧̀ ane àlia nè àlia.’ ”

2 Pità 1:21

Ànəa ko a ntsě a èbem Àkata Mbɔ̧ɔ̧mà bèndàꞋàtɔŋ Mbɔ̧ɔ̧mà e li ndàꞋ è wû ànəa a dzəè àtsəa wɔ̀bȩ̂ la. Wu Fo Kèfə ka è li ŋwèèlè ngule bòt Mbɔ̧ɔ̧mà bɔ làꞋà mèngǎ̧ è dzə abua Mbɔ̧ɔ̧mà wu la.

Ètsə 17:14

Bɔɔ nù èbet nè Wanjɨ̀ wu, ka Wanjɨ̀ wu bɔ̂ ngu tsè àwɔb, nkàà nê tà wu Tǎt bètǎt bàgème mè ngu Fɔ̧̀ bèfɔ̧̀ bàgème. Bòt tò bu tà làà àwɔb bɔ mèe me kùŋe atò nè èntɨ̧ɨ̧ wɔb wemɔꞋ la aa li wu bɔ̂ tò ba nɔ̂.”

Ètsə 19:16

Bɔ shɨ èlen ko a ègwet ndǐ tò nè ègwet ètaã tò nê, “Fɔ̧̀ bèfɔ̧̀, nè Tǎt bètàt.”