ÀfaꞋa 2:11 - Mundani

¹¹ Bèjuê nè bòt kà wu Bèjuê, bɔ gheblè tê ntsìꞋa nkùkta Mbɔ̧ɔ̧mà mbɨ̀Ꞌɨ̀ Bèjuê la. ÀbəèꞋ àko ane yɔb li ngu bòt Klît, nê bòt Àlabìà. AfɨꞋa mbɔŋ bòt ngaa e biitè nê, ‘Ghǎ ghɨ̂ ka ba me zə bòt baa bɔ zì mèntɨ̧ɨ̧ mɔb ane Yesò la e tsiꞋa ndàꞋà ane ndɨ̧ ta shua taꞋa mènəè Mbɔ̧ɔ̧mà ghɨ̀ la à’?”

ÀfaꞋa 2:11 ပူးပေါင်းရင်းမြစ်များ

ÀfaꞋa 2:10

nè bòt bɔ ndzəè fɔ̀ɔ̀le a Fligìà nè Pàmfilìà, ka ŋè èbe Ejìb, nè Libìà a ngèt àpfəèa Silenè, mè nè èbe be dzəè a Luêm la,

ÀfaꞋa 2:12

Ànəa ngaa a li mbê ntsè àwɔb tè waa waa ane yɔb tsiꞋi me biite wanyɨ vi nê, “Àyaa à nyɨꞋta ne ghà à?”

ÀfaꞋa 27:12

ÀdziꞋ yu bɔ̀ɔ ngɔ̀ɔ̀bà ènkànuꞋ àbȩ la a li à ka wu àyea betsiꞋa bɔ jɨ àbɨ̂ŋ abot la. Ale, àbəꞋa bòt nyaŋ a nê, bɔ̀ nyɔꞋta ngà tè ngu àpfəè yu è wu Finìk la, na bɔ wu ko eghǎ tè enyi abot la. ÀdziꞋa ngaa wu àdziꞋa bɔ̀ɔ ngɔ̀ɔ̀bà ènkànuꞋ a Klît la. À ghɨ̀ ale, àbà ako a me ye àkɔꞋɔ, àbà ako a me ye àtsɔꞋɔ, ŋà èlu̧ ndɨ betsiꞋa bòt e jɨ àbɨ̂ŋ abàꞋ və la.

ÀfaꞋa 27:13

Mbɨ̀Ꞌɨ̀ bàa ngà nè mbì la, awa àfeme kǒ nyaꞋa ndɔ̀Ꞌ nè àtsɔꞋɔ me tsě, bòt bu e tanda nê, betsiꞋa bɔ ghɨ̀ wuê mbɨ̀Ꞌɨ̀ bɔ wua nkwàꞋtà la. Ale, bɔ lɔ̀kè àghɨa lelet yu àa mbà̧aã ànkànuꞋ mbɨ̀Ꞌɨ̀ a gha nè mbì la, mbɔ̂ mbê me ghȩ̀ȩ̀nè wuê a mbɨ̧̀ Klît.

ÀfaꞋa 27:7

Ba me ghȩ̀ȩ̀ne mpiꞋa mpiꞋa ane èli ko tè me laꞋ nê baa nyìa àpfəèa Sidùs ntàꞋa ye ngoꞋ. Àfeme a ghe, tê ànkànuꞋ yu à ka wu ko eghǎ ane abà yu a tsèà la. Ale, ba tsiꞋi me ghȩ̀ȩ̀ne ane àbà yu nkòòlà nàa nkɨ̀à àwa ane àfeme yu la. Nkòòlà yu ko nê ye wu adù̧ àlaꞋ yu a kètsìà èdzî bɔ̀ɔ ntɔ nê Klît la. Ba bɔ̂ nchu ntse a ngèt adzìꞋ yu a səèŋnè nyi a èbem èdzî bɔ me tɔ nê wu Salmòn la.

1 Kɔlìn 12:10

Fo mbɔŋ nàà ngɨ̀à wòt kǒ bɔ mètàŋ a màngɨa ngɨŋa ènəê, ngɨ̀à wekǒ làꞋà àtɔŋ Mbɔ̧ɔ̧mà, mè ngɨ̀à wekǒ nè wòt koa èghɨ e dzə abua Fo Mbɔ̧ɔ̧mà la, nè èbe kà dzə abua Fo mbɔŋ. Tàa ngɨ̀ tà gha abua wòt kǒ, tà ŋǎ tò mètàŋ a màndaꞋa ane ndɨ̧tsə tsa tsa, mè ŋǎ wekǒ mètàŋ a màngaꞋta mènəè maa bɔ làꞋa ane ndɨ̧ tàa tsa tsa la è shuà.

1 Kɔlìn 12:28

Mbɔ̧ɔ̧mà tsia waa waa àdziꞋa zi a èbem chɔsì vi. Bòt mbì tà tsia la wu bɔntu̧ Yesò Klistò, me tsɔꞋɔ ntsia bèndàꞋàtɔŋ Mbɔ̧ɔ̧mà, ndɔ̀Ꞌ ntsia bènyɨꞋtà, nè bòt bɔ̀ɔ ngɨ̀à ngɨŋa mènəè la, nè bòt bɔ̀ɔ mbəa bòt la, nè bòt bɔ̀ɔ ntɨ̀ŋa bòt la, nè bòt bɔ̀ɔ mbà̧aã bòt la, ndɔ̀Ꞌ nè èbe bɔ̀ɔ ndàꞋà ane èwuu ndɨ̧tsə tsa tsa la.

Gàlashìà 1:17

è nka lem nkɔ̀Ꞌɔ ghǎ a Jèlusalèm abua bòt bu bɔ li mbɨ̀ ngu bɔntu̧ Yesò ka maa wu. E ngà wuê nè Àlabìà, ndɔ̀Ꞌ abot mè ngèble am nkɨ̀Ꞌɨ̂ a Dàmaskɔ̀s.

Gàlashìà 4:25

Agà naa ale ngua nyɨ̀Ꞌta èbȩ Sinȩ̀ àlaꞋa Àlabìà, tà wu mbɨ̀Ꞌɨ̀ Jèlusalèm laane. Ngu nê bɔ̂ bɔ̧ bi e wu èbùꞋ.

Tȩtɔ̀s 1:12

Ka wuê ngule wòt Klît wɔb kǒ, è wu wòt àghɨ yeakwì la li nê, “Bòt Klîtan e taꞋa wua fɨ̀ta, ngɨ̀à kàbɔ̀ŋ mbɨ̀Ꞌɨ̀ nyà̧tebàꞋ, nkùa èlɔŋ, mè nkɔ̀ŋkà wuê èghɨjɨ.”

Tȩtɔ̀s 1:5

E ndi sà awê a Klît nê à taŋke mènəè mu è li mbèle kà ba taŋkè la, mè ngà a èpfəè nɨ̧ ègème, ndzì bɔɔjuŋ àtsəa bòt Yesò mbɨ̀Ꞌɨ̀ e ndi shu awê la.

Ebùlù 2:4

Mbɔ̧ɔ̧mà zìambɔŋ nɨ èlȩê, nè ngɨŋa mènəè, nè tèwuute ènəê kà ye fɨ̀Ꞌ nɨŋ nyɨ̀Ꞌte nê ànəa ngaa wu nkûŋ mɨ̧̂, ndɔ̀Ꞌ mè ngàbtè èghɨ Fo Kèfə nàa ŋǎ la abua bòt. Mbɔ̧ɔ̧mà wu nàà ŋǎ èghɨ bàa abua bòt mbɨ̀Ꞌɨ̀ tà kɔ̀ŋkè la.