ÀfaꞋa 2:10 - Mundani

¹⁰ nè bòt bɔ ndzəè fɔ̀ɔ̀le a Fligìà nè Pàmfilìà, ka ŋè èbe Ejìb, nè Libìà a ngèt àpfəèa Silenè, mè nè èbe be dzəè a Luêm la,

ÀfaꞋa 2:10 ပူးပေါင်းရင်းမြစ်များ

Matìù 2:15

Bɔ ghǎ abàꞋ və ale ntsèke tè Elɔ̀d li mpfə. A li ngua anè mbɨ̀Ꞌɨ̀ àghɨa Mbɔ̧ɔ̧mà li ngɨ̀ ndàꞋàtɔŋ vi shu la aa wu nkûŋ nê, “Mâ tɔ waã am nê tà dzə a Ejìb.”

Matìù 23:15

“Aa li bɨa wɨ̧, bɨ̀a bènyɨꞋtà mbɨ̧te Musì nè Bèfalèsiì, bɨ̀a wu bɨ̀a shua nê bɨ̀ wu àghɨa kà wu yùà la! Bɨ̀a ngɨ̀ bɨ ntu̧ mèdzî, ntsè èlaꞋ mbɨ̀Ꞌɨ̀ bɨ̀ wuê e ghɨ̌ ka wuê wòt wemɔ̀Ꞌ naa kùŋe a Mbɔ̧ɔ̧mà ane wɨ̧ ne alu̧. Bɨ̀ bɔ bɨ̀ ghɨ̀ ale, bɨ tsoke a ŋut kwat tè tà mè mbɨɨ tê ntsiꞋi èwe tàa bɨ̌ nyi a èwet Satàn a mbì lɨ̧ la.

Matìù 27:32

Mbɨ̀Ꞌɨ̀ bɔ lɔꞋ me ghà la, bɔ ye wòt Silenè kǒ èlen tò wu Simùn la, mbà̧à̧ atò tà ŋèꞋe mbasa Yesò.

Ntu̧ Ntsɔ̧̀ MAK 15:21

Bɔ li ndzèa Simùn wòt Silenè, tǎt Àlèkzandà bɔ̂ Lufùs alu̧ tà dzəa àbâ àlaꞋ àko me kɨꞋɨ àpfəèà nɨ̧ la. Bèshujà bu e baãaã atò, ŋɨ̀Ꞌa tò tà ŋèꞋe mbasa Yesò.

ÀfaꞋa 11:20

Ka bòt ko, bɔ dzəa Sȩplùs nè Silenè la, e gha a Antìɔ̀k me tsɔ̀te Ntu̧ Ntsɔ̧̀ Yesò Lefɨ̀Ꞌ abua bòt kà wu Bèjuê mɨ̧̂.

ÀfaꞋa 13:1

BèndàꞋàtɔŋ nè bènyɨꞋtà èngǎ̧ Mbɔ̧ɔ̧mà e li ngu ayɔɔ bòt chɔsì bu àpfəèà nɨ̧ yu è wu Antìɔ̀k la. Bòt ngaa li ngu Bànabasì, nè Simiòn (wu bɔ̀ le wua ntɔ̀ atò nê wòt kèfen la), nè Lusiɔ̀s (wu tà lè dzəa àpfəè yu è wu Silenè la), nè Manèn (wu tà li ntsə àpfəa fɔ̧̀ Elɔ̀d la), nè Sɔ̂l.

ÀfaꞋa 13:13

Pɔ̂l bɔ̂ bòt bi e li ndɔ̀Ꞌɔ a Pafɔ̀s, ntu̧ a èbem ànkànuꞋ nga a Pegà, a èbem àlaꞋ a Pàmfilìà. Me ghà ale, Jɔ̌n Mak è sà àwɔb ngwènè a Jèlusalèm.

ÀfaꞋa 13:43

Bɔ̀ taate abot bòt e me ghǎ, Bèjuê nyaŋ nè bòt kà wu Bèjuê bɔ kubtè me wùꞋte a Mbɔ̧ɔ̧mà kùŋè a Pɔ̂l bɔ̂ Bànabasì. Bɔntu̧ bu e laꞋ abua yɔb nê, bɔ̀ me baãaã èngǎ̧ Mbɔ̧ɔ̧mà ngà wuê nè mbì ngȩ̀ȩ̀ne a èten ntsɔ̧̀ tò.

ÀfaꞋa 14:24

Mbɨ̀Ꞌɨ̀ bɔ ghȩ̀ȩ̀ne àbâ àlaꞋ a Pìsidìà tè ndɔ̀Ꞌ la, bɔ gha a Pàmfilìà.

ÀfaꞋa 15:38

ka Pɔ̂l kwàꞋtè nê, a bakà bɔ̂ŋ nê bɔ̀ nɨ atò, ngu ndɨ̀ wu tà li sà àwɔb a Pàmfilìà nkua akwèn, tà kà lem ntsèke bɔ̂ tò ba aa paa àfàꞋ yu nɔ̂ la.

ÀfaꞋa 16:6

Bɔ li ngȩ̀ȩ̀nè ntse adzìꞋ yu a kètsìà èlaꞋa Fligìà bɔ̂ Gàlashìà la, nkàà nê Fo Kèfə li è kà sa awɔb nê, bɔ̀ làꞋa èngǎ̧ Yesò àlaꞋ a Esìà.

ÀfaꞋa 17:21

(Bɔɔ̀ mbììta ale ngu ndɨ bòt Atèns bàgème nè bègɨ̧̀ abàꞋ və, e li ntàꞋa wua nkɔ̀ŋkà e me shu mè ndzəa mènəè fi la.)

ÀfaꞋa 18:2

Tà ghà ale, tà kwene ane wòt Juê kǒ èlen tò wu Àkwilà, bɔ bɔ̂ mbì atò àbâ àlaꞋ a Pontùs la, tà bela nkɨ̀Ꞌa kɨꞋɨ nè àlaꞋ a Itàlì bɔ̂ vi vi Plìsilà la. Tàa nkɨ̀Ꞌa ale, ngu ndɨ̀ wu Klɔdìàs wu, è wu empelɔ̀ la è laꞋ nê Bèjuê bàgème è sa Luêm me ghǎ la. Ale, Pɔ̂l gha eye awɔb,

ÀfaꞋa 18:23

Tà tseke ane àfɨ̀Ꞌ àko abàꞋ və, tà bɔ̂ ndɔ̀Ꞌ mè me ghȩ̀ȩ̀na ntsea àbâ àlaꞋ a Fligìà bɔ̂ Gàlashìà ndɔ̀ktà bɔkatè Yesò bu bàgème a èdziꞋi mbɔŋ la.

ÀfaꞋa 2:11

Bèjuê nè bòt kà wu Bèjuê, bɔ gheblè tê ntsìꞋa nkùkta Mbɔ̧ɔ̧mà mbɨ̀Ꞌɨ̀ Bèjuê la. ÀbəèꞋ àko ane yɔb li ngu bòt Klît, nê bòt Àlabìà. AfɨꞋa mbɔŋ bòt ngaa e biitè nê, ‘Ghǎ ghɨ̂ ka ba me zə bòt baa bɔ zì mèntɨ̧ɨ̧ mɔb ane Yesò la e tsiꞋa ndàꞋà ane ndɨ̧ ta shua taꞋa mènəè Mbɔ̧ɔ̧mà ghɨ̀ la à’?”

ÀfaꞋa 23:11

È lɔ̀Ꞌ me wu ètsəꞋ, Waã Mbɔ̧ɔ̧mà è kɨ̀Ꞌɨ̂ è shu abua Pɔ̂l nê, “Ka mbɔ̀a! Mbɨ̀Ꞌɨ̀ à nyɨꞋte nkûŋ yu à ko ane yaã a Jèlusalèm ŋaa la, à bɔ ndɨ àa ghɨ̀ wuê a èlɨ mbɔŋ a Luêm la.”

ÀfaꞋa 27:5

Bà lɔ̀Ꞌɔ abot və, ba tu̧u̧ *èdzî, ndɔ̀Ꞌɔ a ngèt Sìlisìà, ntsè a ngèt Pàmfilìà, nkɨ̀Ꞌɨ̂ Milà a èbem àlaꞋ a Lȩsìàs.

ÀfaꞋa 28:15

Bɔnyɨ ba a Luêm e zə, nkɨ̀Ꞌɨ̂ tè ngu a èwen Apiɔ̀s, nè adzìꞋ yu bɔ̀ɔ ntɔ nê Lobte mèlùꞋ Tetat la, nkwène ane ya. ÀfɨꞋa Pɔ̂l è ye awɔb la, tà kɔ̀ŋkè a Mbɔ̧ɔ̧mà, èntɨ̧ɨ̧ tò e mè nkwèèlê.

ÀfaꞋa 6:5

Bɔ làꞋ ale bòt Yesò bu bàgème e kɔ̀ŋkè ànəê yu bɔntu̧ tò bu e shu la. Bɔ lȩ̀ a Stifèn wu tà li ntaꞋa zǐ èntɨ̧ɨ̧ vi ane Yesò, Fo Kèfə mè ntaꞋa wu ane tò la, mè ndȩ̀ a Filìb bɔ̂ Plòkolùs nè Nikanɔ̀, bɔ̂ Timɔ̀n, nè Pàmenàs, ndɔ̀Ꞌ nè Nikòlâs, wòt Antìɔ̀k, tà kubtè ntsìꞋi wòt Juê la.

ÀfaꞋa 6:9

Tàà ngɨ̀ ale, ka bòt ko e bɔ̂ me làꞋa, ntu̧a mènəè mu tà ghɨ̀à la. Bòt ngaa li ngu bòt lob Mbɔ̧ɔ̧mà yu bɔ li ngua ntɔ nê wu lob Mbɔ̧ɔ̧mà bòt bu bɔ li ngu èbùꞋ ka ndɔ̀Ꞌ ndzə a ngoꞋ la. ÀbəèꞋ àyɔb a li ngu Bèjuê be dzəèa èpfəè Silenè nè Àlèkzandìà la. Bɔ̀ɔ waa nè beko be dzə àlaꞋ a Sìlisìà nè àlaꞋ a Esìà la, e li mbùꞋ me kàànè bɔ̂ Stifèn ba.

Lûm 1:15

Eyaa wu lə màa ndâ nkɨ tsɔ̀te Ntu̧ Ntsɔ̧̀ yaa mɨ̧̂ abua yɨ̧ wu a Luêm la.

Lûm 1:7

Tà shɨ abua bòt Mbɔ̧ɔ̧mà bu bàgème a Luêm, Mbɔ̧ɔ̧mà nàa nkɔ̀ŋkà àwɔb mè ntɔ awɔb ane bòt bi la. Maà shù̧ù̧ta Tǎt wa Mbɔ̧ɔ̧mà bɔ̂ Yesò Klistò Lefɨ̀Ꞌ nê bɔ̀ nyɨꞋte a ntsɔ̧̀ wɔb abua yɨ̧, ngɨ̀ bɨ̀ bɔ àlàŋkè a mèntɨ̧ɨ̧ mɨ̧.

2 Tɔ̀màtià 1:17

Tà li mbê nkɨ̀Ꞌɨ̂ nyi a Luêm ale, mbùꞋ me kɨ am tè ngɨ̀ ndzè am.

Ètsə 11:8

ÈpfəꞋte bɔb aa nɔ̀ŋke a èbùꞋu èlu̧ a èbem àpfəèà nɨ̧ yu bɔ li ngù̧ù̧te a Tǎt wɔb a mbɨ̧̀ mbasa la. Èlen ntsoꞋ bòt àa nɨa ntɔ àpfəèà nɨ̧a mbɔŋ la wu Sodòm bɔ̂ Ejìb.