ÀfaꞋa 19:21 - Mundani

²¹ Mbɨ̀Ꞌɨ̀ mènəè maa è tsè la, Pɔ̂l è kwàꞋtè nê yea ghǎ a Màsèdonìà, nga àlaꞋ Akayà, mbɔ̂ ntsè ngà nè mbì tè ngu a Jèlusalèm. Tà ghɨ̀ ale, tà mè nkwàꞋtè nê, ye ghà tè ngu abàꞋ və, ko yea ghà tê wu a Luêm.

ÀfaꞋa 19:21 ပူးပေါင်းရင်းမြစ်များ

ÀfaꞋa 16:12

Ndɔ̀Ꞌɔ abàꞋ və, ngȩ̀ȩ̀ne a si nga a Filìpȩ, è wu àpfəèà nɨ̧ a kekweelè àbâ àlaꞋ a Màsèdonìà, mbɔ̂ mè ngu a èten àlaꞋ a bòt Luêm la. Ba ghà ale ntsèke abàꞋ və ane èli nyaŋ.

ÀfaꞋa 18:12

È li ngu àfɨꞋa bòt Luêm e yɔꞋɔ a Galiò ane gɔvanɔ̀ bòt àlaꞋ a Akayà la, Bèjuê e bù̧ù̧tè mbǎ̧ a Pɔ̂l nɨŋ nga a mbì èsaꞋa.

ÀfaꞋa 18:21

mbɔ̂ shu abua yɔb wuê nê, “Mbɔ̧ɔ̧mà è bɨ̧̀ɨ̧̀nâ nê e mě nkɨ̀Ꞌɨ̂, ko maa kɨꞋɨ.” Tà làꞋ ale, tà nyi a èbem ànkànuꞋ a Efesɔ̀s və me ghǎ.

ÀfaꞋa 19:22

Ale, tà tsaa Èlastùs bɔ̂ Tɔ̀màtià, è wû bòt bɔ̀ɔ ntɨ̀ŋa atò la a Màsèdonìà, mbɔ̂ mè ntèꞋà zìambɔŋ ane àfɨ̀Ꞌ àko àbâ àlaꞋ a Esìà.

ÀfaꞋa 19:29

Bɔ ghɨ̀ ale, ŋȩ̀ tê bòt nyaŋ àpfəèà nɨ̧ yu e tsiꞋa ŋȩ̀a ŋȩ mɨ̧̂. Ènɔ̧̂ bòt bu e baãaã a Gayɔ̀s bɔ̂ Àlistakùs è wû bòt Màsèdonìà babe, bɔ̀ le wua ngȩ̀ȩ̀nà bɔ̂ Pɔ̂l ba la, nɨ̀ àwɔb ndùùlà nga adzìꞋa waa waa àpfəèà nɨ̧ və nàa mbù̧ù̧tà la.

ÀfaꞋa 20:16

Pɔ̂l li taŋke tsè a ngèt Efesɔ̀s mbɨ̀Ꞌɨ̀ ye tsòke àfɨ̀Ꞌ àbâ àlaꞋ a Esìà. Tà li ngua ntèmna enyi a Jèlusalèm ka àlia èghɨjɨ Pentekɔ̀s aa kùꞋu.

ÀfaꞋa 20:22

“Maa ghǎ a Jèlusalèm àfɨ̀Ꞌ yaa mbɨ̀Ꞌɨ̀ e ghɨ mbɨꞋɨ̀ Fo Mbɔ̧ɔ̧mà è shu la, mbɔ̂ è nka lem nko àghɨa nga ghɨ̌ ane yaã abàꞋ və la.

ÀfaꞋa 21:17

Ba li ngà tè bà nyi a Jèlusalèm, bɔnyɨ ba bu abàꞋ və la e taꞋa sèè awa.

ÀfaꞋa 21:4

Ba dzə ale ndze bòt Yesò ko abàꞋ və, ntsèke èli besà̧à̧mbe ba tò ba. Fo Mbɔ̧ɔ̧mà è ghɨ̀ bɔ shu abua Pɔ̂l nê tà ka nga a Jèlusalèm.

ÀfaꞋa 23:11

È lɔ̀Ꞌ me wu ètsəꞋ, Waã Mbɔ̧ɔ̧mà è kɨ̀Ꞌɨ̂ è shu abua Pɔ̂l nê, “Ka mbɔ̀a! Mbɨ̀Ꞌɨ̀ à nyɨꞋte nkûŋ yu à ko ane yaã a Jèlusalèm ŋaa la, à bɔ ndɨ àa ghɨ̀ wuê a èlɨ mbɔŋ a Luêm la.”

ÀfaꞋa 27:1

È li ngu àfɨꞋa bɔ laŋkè nê bà nyi a èbem ànkànuꞋ nga a Itàlì la, bɔ zi a Pɔ̂l bɔ̂ bɔtefȩ ko a tèkitebu Juliɔ̀s, wajûŋ àtsəa bèshujà Luêm bu bɔ̀ɔ ntɔ awɔb nê, “Banyà̧ Fɔ̧̀ Nɨ̧” la.

ÀfaꞋa 27:24

‘Pɔ̂l, ko mbɨ̀Ꞌɨ̀ à bɔ̀â. À bɔ̂ ndɨ àa ghǎ tê e tɨ̧ɨ̧ a mbì empelɔ̀ la. Mbɔ̧ɔ̧mà nɨ ntsɔ̧̀ vi wu tà nyɨꞋte abua yê la, nket mbɨ̀Ꞌɨ̀ wòt kǒ ane bòt baa a èbem taꞋà ànkànuꞋ yaa bɨ tò ba la pfə.’

ÀfaꞋa 28:16

Mbɨ̀Ꞌɨ̀ ba nyi a Luêm la, bɔ sa a Pɔ̂l nê, tà me tseke zìa zìa, mbɔ̂ ntsìꞋi eŋa wuê shujà wemɔ̀Ꞌ nê tà me ghȩ̀ȩ̀na mbààbe atò.

Lûm 1:11

Maa ndâ nkɨ e kɨꞋɨ ye awɨ̧ mbɨ̀Ꞌɨ̀ nyɨꞋte awɨ̧ mènəè Mbɔ̧ɔ̧mà kǒ, bɨa me kweele ane èntɨ̧ɨ̧ wɨ̧ wu bɨ zi ane Yesò la.

Lûm 1:13

Bɔnyɨ bɔ̧, bɨ̀ ko nê mâ taŋke ngò̧ nyaŋ nê e nkɨ kɨꞋɨ e ye awɨ̧ (ka àghɨa ko a kele am e kɨꞋɨ e dzə àfɨ̀Ꞌ yaa). E nkɨ kɨꞋɨ mbɨ̀Ꞌɨ̀ ghɨ̌ bòt ko aa zì mèntɨ̧ɨ̧ mɔb ane Yesò, mbɨ̀Ꞌɨ̀ mâ ghɨ̌ ayɔɔ bòt kà wu Bèjuê a èdzìꞋ èko la.

Lûm 1:15

Eyaa wu lə màa ndâ nkɨ tsɔ̀te Ntu̧ Ntsɔ̧̀ yaa mɨ̧̂ abua yɨ̧ wu a Luêm la.

1 Kɔlìn 16:5

Maa li ntse a Màsèdonìà nkɨ̀Ꞌɨ̂ ndzè àwɨ̧. E shua ale nkàà nê, maa nkɨ tsě a èlu̧ Màsèdonìà ka kɨꞋɨ.

1 Kɔlìn 4:19

Ka e mbele yàŋe kɨꞋɨ ye awɨ̧ na Tè Yesò bɨ̧̀ɨ̧̀na la. Maa kɨꞋɨ eye àghɨa bòt bu ŋèꞋa tèkwȩ tɔb la e ghɨ̀à la. È nka kɨꞋa ezə wuê ànəa bɔ làꞋà la.

2 Kɔlìn 10:16

A wu anè ko baa ko etsɔ̀te Ntu̧ Ntsɔ̧̀ Yesò Klistò te egheebe awɨ̧ egha a èlaꞋ ko tsa. Bà ka me ghàꞋtè àwa ane àfaꞋa bòt ko e ghɨ a èdzìꞋ ko tsa la a.

Gàlashìà 2:1

ÈngùꞋebȩ e li ntsè ntsɔ̀b yekwì, e nga a Jèlusalèm bâ Bànabasì, me ghǎ ale nɨ̀a Tȩtɔ̀s.

1 Tèsàlonikà 1:7

Bɨ li ngɨ̀ a èlɨ̀ waa ale a nyɨꞋte ndɨ bòt Yesò bàgème a Màsèdonìà bɔ̂ Akayà e bɔ ndɨ bɔ̀ɔ me tseke la.