ÀfaꞋa 19:1 - Mundani

¹ Àpolòs li ngu a Kɔlìn ale, Pɔ̂l me ghȩ̀ȩ̀nè àzi a èbem àlaꞋ a Esìà tè ngà nyi a Efesɔ̀s. Tà nyi abàꞋ və, tà ye bɔkatè ko,

ÀfaꞋa 19:1 ပူးပေါင်းရင်းမြစ်များ

ÀfaꞋa 18:1

Mbɨ̀Ꞌɨ̀ àyaa a tsè la, Pɔ̂l è lɔ̀Ꞌɔ Atèns nga Kɔlìn.

ÀfaꞋa 18:8

Klipùs wu tà lè wu àtsəa lob Mbɔ̧ɔ̧mà Bèjuê yu la li ndzì èntɨ̧ɨ̧ vi ane Tè Yesò bɔ̂ bòt bi bàgème. Bòt ko nyaŋ a Kɔlìn e li ndzəâ èngǎ̧ Pɔ̂l ale, e ghɨ̀ bɔ tsiꞋi bòt Yesò tè bɔ zì àwɔb a èdzî.

ÀfaꞋa 19:17

AfɨꞋa Bèjuê nè bòt Glɨ̂k bàgème a Efesɔ̀s e zə ànəê yaa la, kèbɔa ke baãaã awɔb, tè bɔ tsiꞋi me paa ngùꞋtà èlen Yesò Lefɨ̀Ꞌ mè mbɔ̀a lùà.

ÀfaꞋa 19:26

Bɨ̀a mbɔŋ e ye mè ndzəè àghɨa mbê waa bɔ̀ɔ ntɔ atò nê Pɔ̂l la è ghɨ̀ la. Tàà shua nê bèmbɔ̧ɔ̧mà bàa bɔbȩ àa ngɨa ane èbu bɔb la ntsě àghɨ. Tà làꞋà èngǎ̧ vi wu tè nɨŋ ntsòkè àtsəa bòt a Efesɔ̀s ŋaa, nè àbâ àlaꞋ a Esìà ŋaa àgème.

ÀfaꞋa 20:16

Pɔ̂l li taŋke tsè a ngèt Efesɔ̀s mbɨ̀Ꞌɨ̀ ye tsòke àfɨ̀Ꞌ àbâ àlaꞋ a Esìà. Tà li ngua ntèmna enyi a Jèlusalèm ka àlia èghɨjɨ Pentekɔ̀s aa kùꞋu.

ÀfaꞋa 20:18

ÀfɨꞋa bɔ kɨꞋɨ la, tà shu abua yɔb nê, “Bɨ ko ndɨ e ndi ntàꞋa tseke ba nɨ̧̀ ba mè ntàꞋa ghɨ̀ mènəè ebùꞋu ane àlia mbì am àbâ àlaꞋ a Esìà la.

ÀfaꞋa 21:29

(Bɔɔ ndàꞋa ale, ngu ndɨ̀ wu bɔ li mbɨ̀ ndze a Tɨ̀lòfimùs wu tà dzə a Efesɔ̀s la ngȩ̀ȩ̀nà àpfəèà nɨ̧ və bɔ̂ Pɔ̂l la. Bɔ li ntanda nê Pɔ̂l è nɨ atò nyi a èbem lob nɨ̧ Mbɔ̧ɔ̧mà yu a Jèlusalèm la.)

1 Kɔlìn 1:12

Ànəa e shua la wu nê, bɨ wu a mètsəê a mètsəê. Wòt wɨ̧ nàa ngɨ̀ tà nê, “E ngu wòt Pɔ̂l”, wekǒ nê, “E ngu wòt Àpolòs” wekǒ nê “E ngu wòt Pità”, ka nè è we tàa laꞋnê “E ngu wòt Yesò Klistò” la.

1 Kɔlìn 15:32

E ndi ngɨ̀ ale ngua ndzea mènəè wuê ndɨ wɔ̀bȩ̂ nàa ndzea la, ko àbȩ̀ am e me nû nyaãtebàꞋ a Efesɔ̀s wû ghàà? È wu nê bòt aa kà pfə njù̧ù̧mê, ko “Bɨ̀ tsiꞋ bà me jɨa nua ngùꞋtà wa nkàà nê, naa me wu a tetsɔꞋ baa pfəꞋte.”

1 Kɔlìn 16:12

È me wu wanyɨ wa Àpolòs, ko mâ ŋwèta atò ngò̧ nyaŋ nyaŋ nê tà kɨꞋɨ bɔ̂ bòt Yesò ko bu ndzè àwɨ̧, ka a li à ka wu a èntɨ̧ɨ̧ tò nê tà kɨꞋɨ àfɨ̀Ꞌ yaa. Taa kɨꞋɨ àfɨꞋa èlu̧ e dzə a si la.

1 Kɔlìn 16:8

Ka maa tseke a Efesɔ̀s tè àlia Pentekɔ̀s aa kɨꞋɨ,

1 Kɔlìn 4:6

Bɔnyɨ bɔ̧, mâ fɨ̀Ꞌnè mènəè maa ane ya ba Àpolòs, mbɨ̀Ꞌɨ̀ bɨa ye ane ya lə ànəa èngǎ̧ Mbɔ̧ɔ̧mà àa shua la, “Bɨ̀ ghɨa mbɨ̀Ꞌɨ̀ mbɨ̧ shuà la.” Wòt ka me ŋeꞋe tèkwȩ ti a ègwet ane èlen wòt ngwaa wekǒ.

Efesɔ̀s 1:1

Letà Pɔ̂l wantu̧ Yesò Klistò Mbɔ̧ɔ̧mà è ghɨ̂ ane mènkɔ̀ŋke mi la. Abua bòt Mbɔ̧ɔ̧mà bu a Efesɔ̀s bɔ̀ tsiꞋi àghɨ yeamɔꞋ nè Yesò Klistò la.