ÀfaꞋa 18:8 - Mundani

⁸ Klipùs wu tà lè wu àtsəa lob Mbɔ̧ɔ̧mà Bèjuê yu la li ndzì èntɨ̧ɨ̧ vi ane Tè Yesò bɔ̂ bòt bi bàgème. Bòt ko nyaŋ a Kɔlìn e li ndzəâ èngǎ̧ Pɔ̂l ale, e ghɨ̀ bɔ tsiꞋi bòt Yesò tè bɔ zì àwɔb a èdzî.

ÀfaꞋa 18:8 ပူးပေါင်းရင်းမြစ်များ

Matìù 28:19

È wu ale, bɨ̀ ghǎ ngɨ̀ bòt èlaꞋ ègème è tsiꞋi bɔkatè bɔ̧, ngɨ̀ bɔ zì àwɔb a èdzî ane èlen Mbɔ̧ɔ̧mà, nè èlen Waã, nè èlen Fo Kèfə,

Ntu̧ Ntsɔ̧̀ MAK 5:22

Wajûŋ kǒ a èbem lob Mbɔ̧ɔ̧mà èlen tò wu Jalùs la, kɨꞋɨ̀, tà ye a Yesò, tà tèmè tènjûŋ ti a si a mbì tò

Ntu̧ Ntsɔ̧̀ MAK 5:35

Yesò bela ndàꞋà, bɔntu̧ ko e dzə àpfəa Jalùs nkɨ̀Ꞌɨ̂ shu abua tò nê, “Waã wè wu è pfə tê ndɔ̀Ꞌ, è wu ale à ka tsi ŋǎ ngoꞋ abua nyɨꞋtà wu.”

ÀfaꞋa 10:2

Ta li ngu wòt Mbɔ̧ɔ̧mà, me wùꞋtè a Mbɔ̧ɔ̧mà bɔ̂ bòt bi bàgème, mè ntàꞋa wua ntɨ̀ŋa bòt ntseb ayɔɔ Bèjuê, mè ntsàꞋtà a Mbɔ̧ɔ̧mà àfɨ̀Ꞌ àgème.

ÀfaꞋa 11:14

Taa làꞋa èngǎ̧ àa ghɨ̌ bɨ bòt bê bàgème aa peme la.’

ÀfaꞋa 13:15

Bɔ̀ tɔ mbɨ̧te Musì, nè àkata bèndàꞋàtɔŋ Mbɔ̧ɔ̧mà, bòt àtsəa lob Mbɔ̧ɔ̧mà Bèjuê e tsàà ntu̧ abua yɔb nê, “Bɔnyɨ ba baa nkɨà nê bɨ̀ làꞋa èngà̧ abua bòt baa, na bɨ bɔ èngà̧ e kɨɨte awɔb la.”

ÀfaꞋa 16:34

Ta nɨ a Pɔ̂l bɔ̂ Sȩlàs nga a lob zi ŋà àwɔb èghɨjɨ bɔ jɨ, bɔ̂ bòt bi e taꞋa wùꞋtè àwɔb nkàà nê bɔ̀ɔgème e zì mèntɨ̧ɨ̧ mɔb ane Mbɔ̧ɔ̧mà.

ÀfaꞋa 18:1

Mbɨ̀Ꞌɨ̀ àyaa a tsè la, Pɔ̂l è lɔ̀Ꞌɔ Atèns nga Kɔlìn.

ÀfaꞋa 18:17

ÀfɨꞋa mbɔŋ, bɔ̀ɔgème e baãaã a Sostènès wu, tà lè wu àtsəa lob Mbɔ̧ɔ̧mà yɔb la, ndène atò a mbì èsaꞋa wu. Ka ànəa ngaa à ka lem mbùꞋ kèmbǎ̧ ane Galiò.

ÀfaꞋa 19:1

Àpolòs li ngu a Kɔlìn ale, Pɔ̂l me ghȩ̀ȩ̀nè àzi a èbem àlaꞋ a Esìà tè ngà nyi a Efesɔ̀s. Tà nyi abàꞋ və, tà ye bɔkatè ko,

ÀfaꞋa 8:12

Mbɨ̀Ꞌɨ̀ bɔ zə Ntu̧ Ntsɔ̧̀ kèfɔ̧̀ Mbɔ̧ɔ̧mà ane èlen Yesò Klistò lu Filìb làꞋà la, wòt ègème, mbâ̧ nè àvi bɨ̧ɨ̧nè, bɔ zì atò a èdzî.

1 Kɔlìn 1:2

Abua bòt chɔsì Mbɔ̧ɔ̧mà wu a Kɔlìn la, bɔ̀ɔ wu bɔ̀ tsiꞋi àghɨ yeamɔꞋ nè Yesò Klistò, bɔ̀ tsiꞋi bòt Mbɔ̧ɔ̧mà la, nè bòt bu àdzìꞋ ègème bɔ̀ɔ ngùꞋtà èlen Yesò Klistò mbɨ̀Ꞌɨ̀ Lefɨ̀Ꞌ wɔb nè wa la.

2 Kɔlìn 1:1

Letà Pɔ̂l wantu̧ Yesò Klistò, Mbɔ̧ɔ̧mà è ghɨ ane mènkɔ̀ŋke mi la, nè wanyɨ waa Tɔ̀màtià, Abua chɔsì Mbɔ̧ɔ̧mà wu a Kɔlìn la, bɔ̂ bòt Mbɔ̧ɔ̧mà ko bu bàgème a Akayà la.

2 Kɔlìn 1:23

E ndi me tu̧u̧ e kɨꞋɨ a Kɔlìn ale ngua mbɔ̀ɔ̀ mbɨ̀Ꞌɨ̀ mèntɨ̧ɨ̧ mɨ̧ paà me ghò̧ò̧ne. Tè e me làꞋa anè ngua fɨ̀ta fɨte Mbɔ̧ɔ̧mà ghɨ̀ e ndze ngoꞋ.

2 Kɔlìn 6:11

Bòt Kɔlìn, ba làꞋa abua yɨ̧ kà lò̧ ànəa ko, mè me ghaꞋa mèntɨ̧ɨ̧ ma nɨa wɨ̧ nè èkɔŋ wu ba bɔ ane yɨ̧ la.

2 Tɔ̀màtià 4:20

Èlastùs li ntèꞋà a Kɔlìn, e saame a Tɨ̀lòfimùs a Miletùs ngu nê tà li ngua ngò̧ò̧nà.