ÀfaꞋa 18:24 - Mundani

²⁴ Wòt Juê kǒ li nkɨ̀Ꞌɨ̂ a Efesɔ̀s èlen tò wû Àpolòs la. Bɔ̀ le bi atò a Àlèkzandìà, tà bɔ̂ ntaꞋa ko a màndaꞋa, mè ntaꞋa ko mènəè bɔ shɨ a èbem èdziꞋi èkatè Mbɔ̧ɔ̧mà la.

ÀfaꞋa 18:24 ပူးပေါင်းရင်းမြစ်များ

Matìù 13:52

Tà mè shu abua yɔb nê è wu ale, nyɨꞋtà mbɨ̧tsə tà tsiꞋi wakatè a kèfɔ̧̀ Mbɔ̧ɔ̧mà la, wu mbɨ̀Ꞌɨ̀ tǎt lob wu tàa ngɨ̀ tà tsɔꞋɔ àtsəa lob zi ntsì èghɨ ntsɔ̧̀ fi bi nè èbe nyaꞋ àfɨꞋa tà kɔ̀ŋkè la.

Lûk 24:19

Yesò mè mbììte nê, “Ka ànəê à?” Bɔ bɨ̀ɨ̀lè nê, “Ànəa a ghɨ̀ ane Yesò wu, tà wu wòt Nazàlet la. Tà lè wu ndàꞋàtɔŋ Mbɔ̧ɔ̧mà, mbɔ̂ bɔbȩ e li nɨa tò mbɨ̀Ꞌɨ̀ wòt tàa ngɨ̀à mènəè kà ye fɨ̀Ꞌ ane èghɨ ègème tàa shuà mè ngɨ̀à la.

ÀfaꞋa 18:19

Bɔ̀ ghà tê bɔ̀ nyi a Efesɔ̀s, è wû àpfəè yu tàa lɔ̀Ꞌɔ ntɔ a Plìsilà bɔ̂ Àkwilà abot la, tà ntsè nga a lob Mbɔ̧ɔ̧mà Bèjuê me kàànè bɔ̂ tò ba.

ÀfaꞋa 18:21

mbɔ̂ shu abua yɔb wuê nê, “Mbɔ̧ɔ̧mà è bɨ̧̀ɨ̧̀nâ nê e mě nkɨ̀Ꞌɨ̂, ko maa kɨꞋɨ.” Tà làꞋ ale, tà nyi a èbem ànkànuꞋ a Efesɔ̀s və me ghǎ.

ÀfaꞋa 18:28

Bɔ̂ Bèjuê e li ngua nkàànà mènəè Yesò àsà̧aã èwen, tà tɔ èdziꞋ èkatè Mbɔ̧ɔ̧mà nyɨ̀Ꞌte awɔb ndɨ Yesò wu Fɔ̧̀ wu Mbɔ̧ɔ̧mà li ndzɔꞋ ntsà la, tè mètsəê mɔb lem.

ÀfaꞋa 19:1

Àpolòs li ngu a Kɔlìn ale, Pɔ̂l me ghȩ̀ȩ̀nè àzi a èbem àlaꞋ a Esìà tè ngà nyi a Efesɔ̀s. Tà nyi abàꞋ və, tà ye bɔkatè ko,

ÀfaꞋa 27:6

Bà nyi abot, wajûŋ banyà̧ wu ye taꞋà ànkànuꞋ ako a lɔ̀Ꞌɔ Àlèkzandìà me ghǎ àlaꞋ a Itàlì la, ba tò ba e nyi a èbèm.

ÀfaꞋa 6:9

Tàà ngɨ̀ ale, ka bòt ko e bɔ̂ me làꞋa, ntu̧a mènəè mu tà ghɨ̀à la. Bòt ngaa li ngu bòt lob Mbɔ̧ɔ̧mà yu bɔ li ngua ntɔ nê wu lob Mbɔ̧ɔ̧mà bòt bu bɔ li ngu èbùꞋ ka ndɔ̀Ꞌ ndzə a ngoꞋ la. ÀbəèꞋ àyɔb a li ngu Bèjuê be dzəèa èpfəè Silenè nè Àlèkzandìà la. Bɔ̀ɔ waa nè beko be dzə àlaꞋ a Sìlisìà nè àlaꞋ a Esìà la, e li mbùꞋ me kàànè bɔ̂ Stifèn ba.

ÀfaꞋa 7:22

Bɔ li nyɨ̀Ꞌte atò èyǐ bòt Ejìb ègème, tè tà tsìꞋi wòt nɨ̧ ane mènəè tà li ngua ndàꞋà me ngɨ̀à la.

1 Kɔlìn 1:12

Ànəa e shua la wu nê, bɨ wu a mètsəê a mètsəê. Wòt wɨ̧ nàa ngɨ̀ tà nê, “E ngu wòt Pɔ̂l”, wekǒ nê, “E ngu wòt Àpolòs” wekǒ nê “E ngu wòt Pità”, ka nè è we tàa laꞋnê “E ngu wòt Yesò Klistò” la.

1 Kɔlìn 16:12

È me wu wanyɨ wa Àpolòs, ko mâ ŋwèta atò ngò̧ nyaŋ nyaŋ nê tà kɨꞋɨ bɔ̂ bòt Yesò ko bu ndzè àwɨ̧, ka a li à ka wu a èntɨ̧ɨ̧ tò nê tà kɨꞋɨ àfɨ̀Ꞌ yaa. Taa kɨꞋɨ àfɨꞋa èlu̧ e dzə a si la.

1 Kɔlìn 4:6

Bɔnyɨ bɔ̧, mâ fɨ̀Ꞌnè mènəè maa ane ya ba Àpolòs, mbɨ̀Ꞌɨ̀ bɨa ye ane ya lə ànəa èngǎ̧ Mbɔ̧ɔ̧mà àa shua la, “Bɨ̀ ghɨa mbɨ̀Ꞌɨ̀ mbɨ̧ shuà la.” Wòt ka me ŋeꞋe tèkwȩ ti a ègwet ane èlen wòt ngwaa wekǒ.

2 Kɔlìn 10:10

Bɔɔ shua nê, màa ngɨ̀ è me shɨ letà am, e me tsoote a èbèm mè ngɨ̀ a bɔ nkȩ, ka è ngu ba nɨ̧̀ ba e me yu, mèngǎ̧ mɔ̧ ka wua nkwèèla.

Kɔ̀losìà 3:16

Bɨ̀ tsiꞋ èngǎ̧ Yesò Klistò è ghe a mèntɨ̧ɨ̧ mɨ̧. Bɨ̀ me nɨ èyì ègème ndàꞋà èngǎ̧ mbɔŋ abua bɔnyɨ bɨ̧ nkɨ̀ɨ̀ta awɔb. Bɨ̀ me kɔ̧ɔ̧ mètsəkû̧ è dzəâ a èbem àkata Mbɔ̧ɔ̧mà la, nkɔ̧̂ mètsəkû̧ Yesò, mè nkɔ̧̂ mètsəkû̧ Fo Mbɔ̧ɔ̧mà ghɨ̀ la. Bɨa me kɔ̧ɔ̧, bɨ me ŋa mènkɔ̀ŋke abua Mbɔ̧ɔ̧mà a èbem mèntɨ̧ɨ̧ mɨ̧.

Tȩtɔ̀s 3:13

NyɔꞋta ndze nê à tɨŋe a Zenàs wu tàa sàꞋa mènəè la, bɔ̂ Àpolòs ndɨ bɔ̀ɔ bùꞋu a lèghȩ̀ȩ̀nè wɔb la, mè ndze nê bɔɔ̀ ka nkɨ̀ŋkè àghɨ.