ÀfaꞋa 18:2 - Mundani

² Tà ghà ale, tà kwene ane wòt Juê kǒ èlen tò wu Àkwilà, bɔ bɔ̂ mbì atò àbâ àlaꞋ a Pontùs la, tà bela nkɨ̀Ꞌa kɨꞋɨ nè àlaꞋ a Itàlì bɔ̂ vi vi Plìsilà la. Tàa nkɨ̀Ꞌa ale, ngu ndɨ̀ wu Klɔdìàs wu, è wu empelɔ̀ la è laꞋ nê Bèjuê bàgème è sa Luêm me ghǎ la. Ale, Pɔ̂l gha eye awɔb,

ÀfaꞋa 18:2 ပူးပေါင်းရင်းမြစ်များ

ÀfaꞋa 11:28

Bɔ ghà ale, Fo Mbɔ̧ɔ̧mà ghɨ̀ wòt kǒ ane yɔb èlen etò wu Àgabùs la lɔ̀Ꞌɔ a si nê, èchɨɨ kekweelè aà nkɨ ekɨꞋɨ a èlaꞋ ègème. (Èchɨɨ mbɔŋ e li ngɨ̀ ale nkɨ̀Ꞌɨ̂ àfɨꞋa Klɔdìàs lè wu empelɔ̀ a Luêm la).

ÀfaꞋa 18:18

Pɔ̂l li ntsèke bɔ̂ bɔnyɨ ba ko bu ane èli nyaŋ a Kɔlìn. Tà lɔ̀Ꞌɔ ebàꞋ və, bɔ̂ Plìsilà nè Àkwilà e nyi a èbem ànkànuꞋ me ghà ne àlaꞋ a Silìà. Me laꞋnê yea ngà ale, ndzì nkà̧ a mbì Mbɔ̧ɔ̧mà a Sènkliyà, tè mù fɔ̀ɔ̀lè àtsə azi.

ÀfaꞋa 18:26

Mbɨ̀Ꞌɨ̀ tà kɨꞋɨ a Efesɔ̀s ale la, tà bùꞋ me làꞋa èngǎ̧ Mbɔ̧ɔ̧mà a èbem lob tò. AfɨꞋa Plìsilà bɔ̂ Àkwilà e zə mènəè tà làꞋà la, bɔ nɨ atò nga àpfəa yɔb me paa nèètà ngàꞋte alu̧ Mbɔ̧ɔ̧mà nyɨ̀Ꞌta tò.

ÀfaꞋa 2:9

ÀbəèꞋ àya a dzə a Patìà, Medìà, nè Elàm; èbeko e dzəè a Mèsòpòtamìà, Jùdià, nè Kàpàdosìà; nè èbe be dzə a Pontùs, ndɔ̀Ꞌ nè Esìà,

ÀfaꞋa 27:1

È li ngu àfɨꞋa bɔ laŋkè nê bà nyi a èbem ànkànuꞋ nga a Itàlì la, bɔ zi a Pɔ̂l bɔ̂ bɔtefȩ ko a tèkitebu Juliɔ̀s, wajûŋ àtsəa bèshujà Luêm bu bɔ̀ɔ ntɔ awɔb nê, “Banyà̧ Fɔ̧̀ Nɨ̧” la.

ÀfaꞋa 27:6

Bà nyi abot, wajûŋ banyà̧ wu ye taꞋà ànkànuꞋ ako a lɔ̀Ꞌɔ Àlèkzandìà me ghǎ àlaꞋ a Itàlì la, ba tò ba e nyi a èbèm.

1 Kɔlìn 16:19

Bèchɔsì bu a Esìà la aa ntsàꞋtà wɨ̧. Àkwilà bɔ̂ Plìsilà nè ènɔ̧̂ bòt Mbɔ̧ɔ̧mà bu bɔ̀ɔ mbu̧u̧ta a lob yɔb la aa ntsàꞋtà wɨ̧ nè èkɔŋ bòt Mbɔ̧ɔ̧mà.

2 Tɔ̀màtià 4:19

TsàꞋte a Plìsilà bɔ̂ Àkwilà, nè bòt lob Ònesìfolùs ŋa abua am.

Ebùlù 13:24

Bɨ̀ tsàꞋte bòt bu bɔ̀ wu àtsəa yɨ̧ la bàgème, mè nè bòt Mbɔ̧ɔ̧mà bàgème. Bɔnyɨ baa bu a Itàlì la aà ntsàꞋtè awɨ̧.

1 Pità 1:1

Letà Pità, wantu̧ Yesò Klistò, Abua bòt Mbɔ̧ɔ̧mà bu bɔ taa awɔb bɔ sàbtè ntsìꞋa ntsèkâ mbɨ̀Ꞌɨ̀ bègɨ̧̀ a Pontùs, nè Gàlashìà, nè Kàpàdosìà bɔ̂ Esìà nè Bìtinìà la.