ÀfaꞋa 18:12 - Mundani

¹² È li ngu àfɨꞋa bòt Luêm e yɔꞋɔ a Galiò ane gɔvanɔ̀ bòt àlaꞋ a Akayà la, Bèjuê e bù̧ù̧tè mbǎ̧ a Pɔ̂l nɨŋ nga a mbì èsaꞋa.

ÀfaꞋa 18:12 ပူးပေါင်းရင်းမြစ်များ

Matìù 27:19

Mbɨ̀Ꞌɨ̀ Pȩlèt è tseke a ègwet atɨ̧ kèfɔ̧̀ vi la, vi tò tsà ntu̧ abua tò nê, “Mbê wu bakà ko ànəê, è wu ale à ka ngɨ̀ àghɨa ko ane tò. Mâ me li ndzě ndzò̧ ko ane tò è taꞋa saa am.”

Jɔ̌n 19:13

Mbɨ̀Ꞌɨ̀ Pȩlèt zə mèngà̧ maa la, tà nɨa Yesò ndzə àbȩ, ntsèke a ègwet àtɨ̧ a saꞋa, àdzìꞋ àko bɔ bɔ̧ɔ̧ ane àti a ko bɔ̀ɔ ntɔ ane ndɨ̧ Ebùlù nê Gabatà la.

ÀfaꞋa 13:12

Mbɨ̀Ꞌɨ̀ gɔvanɔ̀ wu ye àghɨa a ghɨ̀ la, tà zì èntɨ̧ɨ̧ vi ane Yesò, mè ndzè na èngǎ̧ Mbɔ̧ɔ̧mà mbɔŋ bɔ làꞋa abua zi àfɨꞋa ngaa la e ghe la.

ÀfaꞋa 13:50

Ka Bèjuê e tsòkè ètsə bɔɔjuŋ bu àpfəèà nɨ̧ və la, fɔ̀ɔ̀lè ne bèzi kekweelè bu kà wu Bèjuê bɔ̀ɔ nkùkta Mbɔ̧ɔ̧mà la. Bɔ bùꞋ me kɨ̀ŋe a Pɔ̂l bɔ̂ Bànabasì tè fəè àwɔb àlaꞋ və.

ÀfaꞋa 13:7

Tà li ngu shu̧ gɔvanɔ̀ wu abàꞋ və la. Èlen gɔvanɔ̀ wu li ngu Segiɔs Pàɔlùs, è wu wòt tà taꞋa bɔ èyì la. Gɔvanɔ̀ mbɔŋ tɔ a Bànabasì bɔ̂ Sɔ̂l nê bɔ̀ kɨꞋɨ ndàꞋa èngǎ̧ Mbɔ̧ɔ̧mà yè zə.

ÀfaꞋa 13:8

Ka wòt tèkàŋ wu bɔ̀ɔ ntɔ atò ane ndɨ̧ Glɨ̂k nê Èlimàs la me kɨ ekele a gɔvanɔ̀ wu nê mbɨ̀Ꞌɨ̀ tà zì èntɨ̧ɨ̧ vi ane Yesò.

ÀfaꞋa 14:19

Bèjuê ko e li ndɔ̀Ꞌ a Antìɔ̀k wu a Pìsidìà la, nè Èkonìòm nkɨ̀Ꞌɨ̂ ntsòkè àtsəa bòt bu, bɔ temte a Pɔ̂l ane àti, səŋne atò nɨŋ ndzə àpfəèà nɨ̧ yu ntanda nê tà pfə tê ndɔ̀Ꞌ.

ÀfaꞋa 14:2

Ka Bèjuê bu bɔ tu̧ ezə èngǎ̧ Mbɔ̧ɔ̧mà la e lute bòt kà wu Bèjuê tè ntsòkè ètsə bɔb bɔ tsiꞋi me pààbe bɔnyɨ ba bu.

ÀfaꞋa 17:13

Ka àfɨꞋa Bèjuê bu a Tèsàlonikà la e zə nê Pɔ̂l wua Belìà ndàꞋà èngǎ̧ Mbɔ̧ɔ̧mà la, bɔ kɨꞋɨ abot mbùꞋ me tsòkè àtsəa ndzɔ̀ŋ bòt yu.

ÀfaꞋa 17:5

Ànəa mbɔŋ a lɔ̀ke a ghòꞋnà a èbem Bèjuê ko, tè bɔ fete bayo̧o̧te bòt ko a balu̧, bɔ̂ tò ba e ghɨ̀ àbɨꞋta ndzɔ̀ŋ ko. ÀbɨꞋta ndzɔ̀ŋ yu a lɔ̀kè ngoꞋ àpfəè və tè mbəꞋ fɔ̀ɔ̀le àpfəèa Jasɔ̀n, nê bɔ kɨa Pɔ̂l ba bɔ̂ Sȩlàs etsàà àwɔb àbȩ bòt aa ghɔɔ awɔb.

ÀfaꞋa 18:11

Mbɨ̀Ꞌɨ̀ Mbɔ̧ɔ̧mà è làꞋ ale la, Pɔ̂l tsèke abàꞋ və ane èngùꞋebȩ wemɔꞋ nè àtem, me nyɨꞋte bòt èngǎ̧ tò.

ÀfaꞋa 18:27

Àpolòs tsèkê tè nê yea ghǎ Akayà, ale bɔnyɨ ba bu a Efesɔ̀s la e tɨŋe atò, è shɨ àkatè ntsaa abua bòt bu a Glɨ̂k və la nê bɔ̀ baãaã atò ntsɔ̧̀. AfɨꞋa tà nyi abàꞋ və la, tà wu taꞋà ètɨŋe abua bòt bu Mbɔ̧ɔ̧mà è kɔ̀ŋkè àwɔb tè ngɨ̀ bɔ tsiꞋi bòt Yesò la.

ÀfaꞋa 19:21

Mbɨ̀Ꞌɨ̀ mènəè maa è tsè la, Pɔ̂l è kwàꞋtè nê yea ghǎ a Màsèdonìà, nga àlaꞋ Akayà, mbɔ̂ ntsè ngà nè mbì tè ngu a Jèlusalèm. Tà ghɨ̀ ale, tà mè nkwàꞋtè nê, ye ghà tè ngu abàꞋ və, ko yea ghà tê wu a Luêm.

ÀfaꞋa 25:10

Pɔ̂l bɨ̀ɨ̀lè nê, “E ngu anè a mbì bòt èsaꞋa Empelɔ̀ Luêm. Eyaa wu àdziꞋa bɔ̀ɔ saꞋa am la. Mbɨ̀Ꞌɨ̀ àwɔ̀ mbɔŋ à ko la, e mbakà ghɨ̀ ànəa kàbɔ̀ŋ ako abua Bèjuê.

Lûm 15:26

Bòt Mbɔ̧ɔ̧mà bu a Màsèdonìà la, nè è bu a Akayà la e li ŋa èghɨ abua bòt ntseb bu ayɔɔ bòt Mbɔ̧ɔ̧mà bu a Jèlusalèm la nè mèngùꞋte.

Lûm 16:5

Bɨ̀ tsàꞋte bòt chɔsì bu bɔ̀ɔ mbù̧ù̧ta a lob yɔb la mɨ̧̂. Bɨ̀ tsàꞋtè ngule shu̧ yaã Èpanetùs. Wu wòt mbì tà li ndzì èntɨ̧ɨ̧ vi ane Yesò Klistò àlaꞋ a Esìà la.

1 Kɔlìn 16:15

Bɔnyɨ bɔ̧, bɨ ko nê Stefanàs bɔ̂ bòt lob zi wu bòt mbì a èbem Akayà bɔ li ndzì mèntɨ̧ɨ̧ mɔb ane Yesò, mè ŋà wɔb e me faꞋa ntɨ̀ŋa bòt Mbɔ̧ɔ̧mà la.

2 Kɔlìn 1:1

Letà Pɔ̂l wantu̧ Yesò Klistò, Mbɔ̧ɔ̧mà è ghɨ ane mènkɔ̀ŋke mi la, nè wanyɨ waa Tɔ̀màtià, Abua chɔsì Mbɔ̧ɔ̧mà wu a Kɔlìn la, bɔ̂ bòt Mbɔ̧ɔ̧mà ko bu bàgème a Akayà la.

2 Kɔlìn 11:10

Mbɨ̀Ꞌɨ̀ mènəè nkûŋ màa ane ànəa Yesò Klistò bele a èntɨ̧ɨ̧ am nkwèèla la, wòt kǒ tàa kele am nê è nka tsi ngàꞋtè am nê maa kà nɨ àghɨ abua yɨ̧ la ntsě. Wòt mbê ntsě ka wuê àbâ èlaꞋ Akayà àgème.

2 Kɔlìn 11:26

Ane bèlèghȩ̀ȩ̀nè nyaŋ, e ndɨ ngua ndzea ngoꞋ a èbem mèdzî è lu̧u̧ la, ndzě ngoꞋ abua bètsɔŋ, mè ndzě ngoꞋ a tèkitebu bòt àlaꞋ bɔ̧. Mâ ye ngoꞋ a tèkitebu bòt kà wu Bèjuê, ndzě ngoꞋ a èbem èpfəè nɨ̧, ndzě ngoꞋ a èbem èlaꞋ yuube. Mâ ye ngoꞋ fɔɔle a èbem *mèdzî mè ndzě ngoꞋ a tèkitebu bòt bɔ̀ɔ fɨ̀ta shua nê bɔ wu bòt Yesò Klistò la.

2 Kɔlìn 9:2

Mâ ko nê bɨ yaŋe wua nkɨ eŋa, tè e me ghàꞋtà am ane ànəa yɨ̧ abua bòt Màsèdonìà. E ndi shu abua yɔb nê, “Bɔnyɨ ba bòt Mbɔ̧ɔ̧mà a Akayà e li ndzaŋe taŋke a màŋa tè èŋubȩ̂.” Èntɨ̧ɨ̧ waa bɨ bɔ a màŋa la e lɔ̀ktè mèntɨ̧ɨ̧ bòt nyaŋ ane yɔb.

1 Tèsàlonikà 2:14

Bɔnyɨ bɔ̧, àghɨ yu a li ngɨ̀ ane bèchɔsì Mbɔ̧ɔ̧mà bu a Jùdià bè wu àghɨ yeamɔꞋ nè Yesò Klistò la, a bê ngɨ ane yɨ̧. Bòt àlaꞋ ayɨ̧ e li ngua nkɨà àtsəa yɨ̧ enɨ wuê mbɨ̀Ꞌɨ̀ Bèjuê e li ngua nkɨà àtsəa bòt Jùdià enɨ la.

1 Tèsàlonikà 2:16

nkàà nê bɔɔ nkèla awa mbɨ̀Ꞌɨ̀ ba tsɔ̀Ꞌtè Ntu̧ Ntsɔ̧̀ Mbɔ̧ɔ̧mà yu tàa nɨa ngɨ̀à bòt e pema la abua bòt kà wu Bèjuê. Àyaa wu kàbɔ̀ŋ bɔ paà ngɨ̀ wuê mbɨ̀Ꞌɨ̀ bɔ̀ɔ ndzìà ngɨ̀à àfɨ̀Ꞌ àgème la. Ntsǒ Mbɔ̧ɔ̧mà bê nɔ̀ŋke àtsəa yɔb àfɨ̀Ꞌ yaa tè ndɔ̀Ꞌ.

Jimsì 2:6

Ka bɨa ngwàa bòt ntseb, awɨ̧ bɔ̂ ngua ngɨ̧̀ɨ̧̀nà bòt èkab. Wu bɔ̀ɔ̀ba ka bɔ̀ɔ səèŋnà wɨ̧ nɨ̀a nga a èbem lob èsaꞋa la.