ÀfaꞋa 17:24 - Mundani

²⁴ “Wu tòà tà lè ghɨ ngɔ̀ŋ nè àghɨ àgème àa a èbèm la, è mè ngu tòà tà bɔ ègwet nè sitsǎꞋ la. Tàà kà tseke a èbem mpɨ̀Ꞌnetsə bɔbȩ e ghɨ̀ la.

ÀfaꞋa 17:24 ပူးပေါင်းရင်းမြစ်များ

Matìù 11:25

ÀfɨꞋa mbɔŋ Yesò nê, “Tê, Fɔ̧̀ ègwet nè sitsǎꞋ, mâ kɔ̀ŋkè àwê na à lô̧ èghɨ bàa abua bòt èyì nè bòt àkatè, mbɔ̂ nyɨ̀Ꞌte abua bòt kà ko èdziꞋ la.

Matìù 5:34

Ka e ngua shua wɨ̧ nê, ko mbɨ̀Ꞌɨ̀ wòt bê ndi ndɔ̀Ꞌ ndzì nkà̧. Wòt ka nkà̧ ègwet nkàà nê wu àdziꞋa atɨ̧ Mbɔ̧ɔ̧mà wù la,

Lûk 10:21

AfɨꞋa mbɔŋ Fo Kèfə ghɨ̀ èntɨ̧ɨ̧ Yesò e lu̧u̧ nê mèngùꞋte, Tà nê, “Tê, Fɔ̧̀ ègwet nè sitsǎꞋ leꞋ, mâ kɔ̀ŋke àwê na à lô̧ èghɨ bàa abua bòt èyì nè bòt àkatè, mbɔ̂ nyɨ̀Ꞌte abua bòt kà ko èdziꞋ la. Oò Tê, à li ngɨ̀ àyaa ane mènkɔ̀ŋke mê, mè nè ndɨ àa bɔ̀ àwê la.

Jɔ̌n 1:1

Ngɔ̀ŋ li me bùꞋu, Èngǎ̧ wu e yaŋe wu. Èngǎ̧ mbɔŋ e li ngu bɔ̂ Mbɔ̧ɔ̧mà nɔ̂, Èngǎ̧ wu li ngu àzi Mbɔ̧ɔ̧mà.

ÀfaꞋa 14:15

Bɔ̀ gha abot bɔ biite bòt bu nê, “Bèshu̧ ba, bɨ ghɨ̀ na ka me ghɨ̀ èwuu ànəê yaa à? Ba wu bɔbȩ mbɨ̀Ꞌɨ̀ bɨ̀a mbɔŋ? Ba wu a si ŋàa nkɨ etsɔ̀te Ntu̧ Ntsɔ̧̀ Yesò abua yɨ̧, mbɨ̀Ꞌɨ̀ bɨa kubte ane ejuke ènəê baa, etsiꞋi me kùŋè wuê a Mbɔ̧ɔ̧mà yu̧ wu tà ghɨ̀ ègwet nè sitsǎꞋ, mè ngɨ̀ mèleb nè èghɨ ègème aa tèbèm la.

ÀfaꞋa 4:24

AfɨꞋa bɔ zə la, bɔ̀ɔgème e fɔtè ntsàꞋtè a Mbɔ̧ɔ̧mà nê, “Mbɔ̧ɔ̧mà, wu àwɔ̀ à ghɨ̂ ègwet nè sitsǎꞋ, ngɨ̀ mèleb, nè èghɨ ègème àa tèbèm la.

ÀfaꞋa 7:48

“A batè ngu ale, ka ndàꞋàtɔŋ Mbɔ̧ɔ̧mà bɔ̂ nê, Mbɔ̧ɔ̧mà Àtsèàngɔ̀ŋ nàà kà tseke a èbem lobte bɔbȩ e vəèəè la.

Lûm 1:19

BetsiꞋa waa waa ko àghɨa Mbɔ̧ɔ̧mà wu yùà la, ndɨ̀ wu Mbɔ̧ɔ̧mà zìambɔŋ è nyɨꞋte abua yɔb la.

Ebùlù 1:2

Ka nè àfɨ̀Ꞌ yaa ngɔ̀ŋ tsìꞋa ndìa lìa la, tà tsiꞋi tsàà Waã vi tà me làꞋa abua ya. Waã mbɔŋ wu wòt wu tà tsě ane tò ngɨ̀ ngɔ̀ŋ yaa, mbɔ̂ nê taa tɨ̧ɨ̧ àtsəa èghɨ ègème la.

Ebùlù 3:4

Lob ègème bɔ wòt tà bɔ̧ la, ka Mbɔ̧ɔ̧mà bɔ̂ ngu wòt tà ghɨ àghɨa àgème la.

Ètsə 20:11

ÀfɨꞋa mbɔŋ e ndze taꞋa àtɨ̧a kèfə. Wòt kǒ wu a ègwet tà tseke la. SitsǎꞋ bɔ̂ ègwet e nyɔ̂ a mbì ŋut tè bɔ̀ ka tsi ndze.