ÀfaꞋa 17:19 - Mundani

¹⁹ Bɔ ghɨ̀ ale, bɔ nɨ a Pɔ̂l nga a mbì èsaꞋa wu bɔ̀ le wua ntɔ̀ nê Àliopagùs la mbɔ̂ nê, “Baà nkɨ ko èngà̧ fi wàa à nyɨ̀Ꞌta la.

ÀfaꞋa 17:19 ပူးပေါင်းရင်းမြစ်များ

Matìù 10:18

Bɔɔ li esəèŋnè àwɨ̧ enɨ ghǎ a mbì bègɔvanɔ̀, nè bèfɔ̧̀ ambo yaã, bɨa shu ànəa bɨ ye mè ko ane yaã la a mbì lɔb bɔ̂ bòt kà wu Bèjuê.

Ntu̧ Ntsɔ̧̀ MAK 1:27

Ànəa ngaa a bê ntsè bòt bu abot la tè bɔ bùꞋ ntsiꞋa mbììta a kètsìà wɔb nê, “Eyaa wu ghà à? Wu àghɨa fi tà nyɨ̀Ꞌta la à? Mbê waa e bɔ àtɔŋ tè tàa ngɨ̀ tà shu ànəê abua fote kàbɔ̀ŋ, te bê ngɨ̀ wuê mbɨ̀Ꞌɨ̀ tà shu la!”

Jɔ̌n 13:34

“Mâ ŋa awɨ̧ mbɨ̧ fi nê, bɨ̀ me kɔ̀ŋkè bɔnyɨ bɨ̧. Mbɨ̀Ꞌɨ̀ ndɨ maa wua nkɔ̀ŋkà àwɨ̧ la, bɨ̀ me kɔ̀ŋkè bɔnyɨ bɨ̧ mɨ̧̂.

ÀfaꞋa 17:20

Mènəè kǒ bàa ndzəa à làꞋà la wu mènəè kà ba li tè mè zə. È wu ale, ba me kɨ ezə ləte mèngǎ̧ mbɔŋ.”

ÀfaꞋa 17:22

AfɨꞋa mbɔŋ, Pɔ̂l è lɔ̀Ꞌɔ a si a kètsìà èsaꞋa Àliopagùs nê, “Bòt Atèns, mâ ye nê, ane balu̧ bàgème, bɨ taꞋa wua ngùꞋtà bèmbɔ̧̀ɔ̧̀mà.

ÀfaꞋa 17:34

Bòt ko e kuŋe atò, ntsìꞋi bòt Yesò. ÀbəèꞋ àko ane bòt ngaa li ngu Dìònisɔ̀s kǒ tà lè wu wòt èsaꞋa Àliopagùs wu la, nè àvi kǒ èlen tò lè wu Dàmàlìs la, ka nè bòt ko tsa.

ÀfaꞋa 23:19

Tǎt banyà̧ wu zìambɔŋ baãaã àbu atò, nɨ atò nga a ntsèm, mbììte atò nê, “Wu ka ànəê à kɨ eshu abua am à?”

ÀfaꞋa 24:24

Èli ko e li ntsè, Felìk è kɨ̀Ꞌɨ̂ bɔ̂ vi vi Dùsilà tà wu waàvi Juê la. Tà kɨꞋɨ ale, tà tu̧ bɔ tɔ a Pɔ̂l, tà kɨꞋɨ ndàꞋ abua yɔb ndɨ bòt e wu zì mèntɨ̧ɨ̧ mɔb ane Yesò Klistò la.

ÀfaꞋa 25:22

Aglipà me zə tê è shu abua Festɔ̀s nê, “Wòt ngaa me wu ale ndàꞋ abua am zìambɔŋ, ko a bɔ̌ am.” Festɔ̀s bɨ̀ɨ̀lè nê, “Maa sàꞋa atetsɔꞋ e ghɨ̌ taa làꞋa, aa zə.”

ÀfaꞋa 26:1

ÀfɨꞋa mbɔŋ, fɔ̧̀ Aglipà shu abua Pɔ̂l nê, “BùꞋu èngǎ̧ wè àwɔ̌ mbɔŋ me nɨa ngà nè mbì.” Pɔ̂l è lɔ̀kè àbu azi ntsaa ègwet, ndàꞋ èngà̧ waa nɨŋ ntsì ànəê àtsə azi: