ÀfaꞋa 17:18 - Mundani

¹⁸ BènyɨꞋtà Èpikulìa nè èbe Stoik ane àliabȩ. ko e me kàànè bɔ̂ tò ba shua nê, “Àkèghɨ̧̀ mbê waa à shua anè nê ghàà.” Èbeko e nê, “A fəə ngaa mbɨ̀Ꞌɨ̀ tà làꞋ ànəa bènàmbəa ètu̧ ko tsa.” Bɔ̀ me làꞋà mènəè ale ngu ndɨ Pɔ̂l nàa ndàꞋà mèngà̧ ane Yesò mè nè ndɨ bòt àa pfə e mě yu̧u̧me la.

ÀfaꞋa 17:18 ပူးပေါင်းရင်းမြစ်များ

Ntu̧ Ntsɔ̧̀ MAK 9:14

Bɔ kua akwèn nkɨ̀Ꞌɨ̂ nkwene ane àbəꞋa bɔkatè ko bu, ndzè taꞋà ènɔ̧̂ bòt abot və. BènyɨꞋtà mbɨ̧te Musì ko be wua abot nkàànà mènəè bɔ̂ tò ba.

Lûk 11:53

Mbɨ̀Ꞌɨ̀ Yesò sà abot tè me ghǎ la, bènyɨꞋtà mbɨ̧te Musì nè Bèfalèsiì bu e bùꞋ ndâ me tsɔ̧̀ɔ̧̀te atò, mè me ŋwèèle atò mbììte atò mèngà̧ ane mènəè nyaŋ, bɔ̀ɔ ngɨ̀à ntà̧à̧ta,

ÀfaꞋa 26:23

Bɔ li nê, Fɔ̧̀ wu Mbɔ̧ɔ̧mà li ndzɔꞋ etsàà la è bɔ̂ ndɨ tàa li eye ngoꞋ te epfə, ebɔ ewu wòt mbì tàa lɔ̀Ꞌɔ eyu̧u̧me la. Nê, taa li eyu̧u̧me etsɔ̀te Ntu̧ Ntsɔ̧̀ mèmpème, è wù mbɨꞋɨ̀ èkaꞋà abua Bèjuê nè bòt kà wu Bèjuê la.”

ÀfaꞋa 4:2

Bɔ kɨꞋɨ ale me tsoo ane bɔntu̧ Yesò bu babe la, nkàà nê bɔɔ ndàꞋà shu abua bòt bu nê, Yesò pfə mè njù̧ù̧mê, è wu ale bòt bàgème e wu li eyu̧u̧me mɨ̧̂.

ÀfaꞋa 5:42

E bùꞋu àfɨꞋa ngaa eghǎ ne mbì, bɔ me ghà àli àgème a èbem lob nɨ̧ Mbɔ̧ɔ̧mà a Jèlusalèm nè èpfəè bòt, ndàꞋà mè ntsɔ̀tà Ntu̧ Ntsɔ̧̀ nê Yesò wu Fɔ̧̀ wu Mbɔ̧ɔ̧mà li ndzɔꞋ etsàà la.

ÀfaꞋa 6:9

Tàà ngɨ̀ ale, ka bòt ko e bɔ̂ me làꞋa, ntu̧a mènəè mu tà ghɨ̀à la. Bòt ngaa li ngu bòt lob Mbɔ̧ɔ̧mà yu bɔ li ngua ntɔ nê wu lob Mbɔ̧ɔ̧mà bòt bu bɔ li ngu èbùꞋ ka ndɔ̀Ꞌ ndzə a ngoꞋ la. ÀbəèꞋ àyɔb a li ngu Bèjuê be dzəèa èpfəè Silenè nè Àlèkzandìà la. Bɔ̀ɔ waa nè beko be dzə àlaꞋ a Sìlisìà nè àlaꞋ a Esìà la, e li mbùꞋ me kàànè bɔ̂ Stifèn ba.

Lûm 1:22

Bɔ batè me tseka shua nê bɔ wu bòt èyì, ka mbɔ̂ ntsìꞋi èkèghɨ̧̀.

1 Kɔlìn 3:18

Ko mbɨ̀Ꞌɨ̀ wòt fɨ̀te avi. Wòt kǒ ane yɨ̧ me mɨ̀ɨ̀te nê ye bɔ èyì ane ndɨ bòt ngɔ̀ŋ àa mɨ̀ɨ̀tà la, tà tsiꞋi nɨ avi mbɨ̀Ꞌɨ̀ àkèghɨ̧̀ mbɨ̀Ꞌɨ̀ lâ bɔ èyì.

1 Kɔlìn 4:10

Bòt aa nɨa wa ane èkèghɨ̧̀ nkàà ndɨ bà wu bɔfàꞋ Yesò Klistò la, ka bɨ bɔ̂ me mɨ̀ɨ̀te nè bɨ bɔ èyì, ndɨ̀ wu bɨ̀ tsiꞋi àghɨ yeamɔꞋ nè Yesò Klistò la. Baà njùa àghɨ a bɔbȩ, ka è me wu awɨ̧ bɨ me kweele. Bòt e me kukte awɨ̧, ka è wu awa, bɔ me waa.

Kɔ̀losìà 2:8

Bɨ̀ me ko awɨ̧ mbɨ̀Ꞌɨ̀ ka wòt kǒ nɨ mèmɨ̀ɨ̀te àkû mu nàa fɨ̀ta bòt la ngɨ̀ bɨ tsiꞋi èbùꞋ. Èwuu mèmɨ̀ɨ̀te maa dzə ane èghɨ bu bɔbȩ àa nyɨ̀Ꞌta nê bòt è me ghɨ̀ la, mè ndzə abua fo tu tèa mbǎ̧ ngɔ̀ŋ yaa la. Mènəè mbɔŋ ka dzə abua Yesò Klistò.