ÀfaꞋa 17:14 - Mundani

¹⁴ KwàꞋ àfɨꞋa mbɔŋ bɔnyɨ ba bu e nɨ a Pɔ̂l ngà ntsaa a ngèt *èdzî. Sȩlàs bɔ̂ Tɔ̀màtià e bɔ̂ ntsèke awɔb a Belìà.

ÀfaꞋa 17:14 ပူးပေါင်းရင်းမြစ်များ

Matìù 10:23

Bɔ me kɨ àtsəa yɨ̧ enɨ a èbem àpfəè àko, bɨ lùùlà ngà a yea tsa. KwàꞋ ane nkûŋ, tsiꞋ è shu awɨ̧ nê betsiꞋa bɨ̀ ka paa àfàꞋ àyɨ̧ a èbem èpfəè bòt Izəèlȩê ègème kà Waã Wòt kɨ̀Ꞌɨ̂.

ÀfaꞋa 1:15

Èli ko e li ntsè, bòt bu bɔ zì mèntɨ̧ɨ̧ mɔb ane Yesò la, bɔ bù̧ù̧te a si mbɔ̀ŋè ènkɨ̀ nè èghem yebe. Pità lɔ̀Ꞌɔ a si ndàꞋ èngà̧ waa abua yɔb, nê,

ÀfaꞋa 15:22

AfɨꞋa mbɔŋ, bɔntu̧ bu nè bòt chɔsì bàgème, fɔ̀ɔ̀lè ne bɔɔjuŋ ayɔɔ ayɔb, e làŋkè nê, bɔ̀ tsi bòt ko ayɔɔ ayɔb ntù̧ àwɔb a Antìɔ̀k bɔ̂ Pɔ̂l ba nè Bànabasì. Bɔ li ndȩ a Judàs wu bɔ̀ le wua ntɔ nê Bàsabàs la, nè Sȩlàs è wu bòt bɔnyɨ ba e li ngua ntsènà nkùkta wɔb la.

ÀfaꞋa 16:1

Pɔ̂l ba e li ngȩ̀ȩ̀nè ntse àpfəèà nɨ̧ a Debì, nga a Lislà. Wakatè Yesò kǒ li ngua ntsèka abot, èlen tò wu Tɔ̀màtià. Nyɨ̌ tò wu wòt Yesò mɨ̧̂, mbɔ̂ ngu wòt Juê, ka tǎt tò wu wòt Glɨ̂k.

ÀfaꞋa 17:10

Nyèm lɔ̀Ꞌ mbê me fene, bɔnyɨ ba bu e tsaa a Pɔ̂l bɔ̂ Sȩlàs àpfəèà nɨ̧ yu è wu Belìà la. Bɔ ghà tê bɔ̀ nyi abàꞋ və, bɔ tsè nga a lob Mbɔ̧ɔ̧mà.

ÀfaꞋa 17:15

Bòt bu bɔ ghâ etsàa Pɔ̂l la, e ghà tè ngu àpfəèà nɨ̧ yu è wu Atèns la ka ntsaa atò. Bɔ̀ me kua akwèn ngwènè a Belìà, Pɔ̂l shu abua yɔb nê, bɔɔ ghǎ bɔ shu abua Sȩlà bɔ̂ Tɔ̀màtià nê bɔ̀ kɨꞋɨ kwàla nkwène ane zi.

ÀfaꞋa 17:4

ÀbəèꞋ àko ane yɔb a bɨ̧ɨ̧nè ànəa Pɔ̂l shua la tè fɔ̀te awɔb bɔ̂ Sȩlàs. Èngǎ̧ wu e ghɨ̀ tè bòt Glɨ̂k nyaŋ bɔ̀ɔ ngùꞋtà Mbɔ̧ɔ̧mà la nè bèzi kekweelè ko e fɔte ane Pɔ̂l ba mɨ̧̂.

ÀfaꞋa 17:6

Ka mbɨ̀Ꞌɨ̀ bɔ bəꞋə àpfəè yu nkɨ awɔb kekaŋ la, bɔ səèŋnè a Jasɔ̀n bɔ̂ bɔnyɨ ba ko nga a mbì bɔɔjuŋ àpfəèà nɨ̧ və mbɔ̂ ŋȩ nê, “Bòt baa e lɔ̀ke ngoꞋ adzìꞋ àgème,

ÀfaꞋa 18:5

Sȩlàs bɔ̂ Tɔ̀màtià e li ndɔ̀Ꞌ a Màsèdonìà nkɨ̀Ꞌɨ̂, Pɔ̂l tsiꞋi ŋa àfɨ̀Ꞌ àzi àgème a màntsɔta Ntu̧ Ntsɔ̧̀ yu, nèètà nyɨ̀Ꞌta Bèjuê nê, Yesò wu Fɔ̧̀ wu Mbɔ̧ɔ̧mà li ndzɔꞋ etsàà la.

ÀfaꞋa 19:22

Ale, tà tsaa Èlastùs bɔ̂ Tɔ̀màtià, è wû bòt bɔ̀ɔ ntɨ̀ŋa atò la a Màsèdonìà, mbɔ̂ mè ntèꞋà zìambɔŋ ane àfɨ̀Ꞌ àko àbâ àlaꞋ a Esìà.

ÀfaꞋa 20:3

ntsèke èŋu yetat. È tsiꞋ àfɨꞋa tàa ntàŋka eghǎ a Silìà la, tà ye nê Bèjuê aà ntà̧aã ebùŋè àvi. Ale, tà tsiꞋi ekua akwèn ngà ntsè nè Màsèdonìà.

ÀfaꞋa 9:25

Ka è wu ètsəꞋ ane àli ako, bèshu̧ Sɔ̂l bɔ̂ tò ba e zì mèntɨ̧ɨ̧ mɔb ane Yesò la, e zi atò a èbem ankà̧ ntsaa ane èləèꞋ ko e ghaꞋa a mbɨ̧̀ àkaã yu la, tà me ghǎ.

ÀfaꞋa 9:30

ÀfɨꞋa bɔnyɨ bu e zə nê, bɔɔ̀ nkɨ ebùŋe a Sɔ̂l la, bɔ nɨ atò nchu nga a Sìsalìà, ntsàà nê tà me ghǎ a Tasɔ̀s.

1 Tɔ̀màtià 1:3

Maà nkɨà nê, à tseke a Efesɔ̀s wuê mbɨ̀Ꞌɨ̀ e ndi shu awê àfɨ̀Ꞌ yu e ndi ngu alu̧ ngà a Màsèdonìà la. Tseke abàꞋ və mbɨ̀Ꞌɨ̀ e kele bòt bu bɔ̀ɔ nyɨ̀Ꞌta bòt mènəè fɨ̀te la.

Tȩtɔ̀s 1:5

E ndi sà awê a Klît nê à taŋke mènəè mu è li mbèle kà ba taŋkè la, mè ngà a èpfəè nɨ̧ ègème, ndzì bɔɔjuŋ àtsəa bòt Yesò mbɨ̀Ꞌɨ̀ e ndi shu awê la.