ÀfaꞋa 16:6 - Mundani

⁶ Bɔ li ngȩ̀ȩ̀nè ntse adzìꞋ yu a kètsìà èlaꞋa Fligìà bɔ̂ Gàlashìà la, nkàà nê Fo Kèfə li è kà sa awɔb nê, bɔ̀ làꞋa èngǎ̧ Yesò àlaꞋ a Esìà.

ÀfaꞋa 16:6 ပူးပေါင်းရင်းမြစ်များ

Lûk 1:2

Bɔ shɨ ènəê bu ba zə a ètsəê bòt bu bɔ li ndzè èghɨ mbɔŋ a mèmbuꞋu ndɔ̀Ꞌ ntsɔ̀tè la.

ÀfaꞋa 10:19

Mbɨ̀Ꞌɨ̀ Pità bèla nkwàꞋtà àghɨa àtsə yu tà ghɨ̂ ndze la a shu atò la, Fo Mbɔ̧ɔ̧mà è tɔ atò nê, “Zə, bòt batat e kɨꞋɨ̀ adzìꞋ yaa me kɨ awê.

ÀfaꞋa 11:12

Fo Mbɔ̧ɔ̧mà è shu abua am nê è nga ba tò ba kà lȩ̀ȩ̀tè. Bɔnyɨ ba baa bantùa a Jopà la, e gha a Sìsalìà ba tò ba nyi a lob Kɔ̀nelìà.

ÀfaꞋa 16:7

ÀfɨꞋa bɔ ghà tê ngu a èlɨ àlaꞋ a Misìà la, bɔ nyɔ̀Ꞌtè nê bɔ kɨ eghǎ àbâ àlaꞋ a Bìtinìà, ka Fo Yesò kà sa awɔb.

ÀfaꞋa 18:23

Tà tseke ane àfɨ̀Ꞌ àko abàꞋ və, tà bɔ̂ ndɔ̀Ꞌ mè me ghȩ̀ȩ̀na ntsea àbâ àlaꞋ a Fligìà bɔ̂ Gàlashìà ndɔ̀ktà bɔkatè Yesò bu bàgème a èdziꞋi mbɔŋ la.

ÀfaꞋa 19:10

Bɔ li ngɨ̀ àyaa ane èngùꞋebȩ yebe, tè Bèjuê bɔ̂ bòt Glɨ̂k bàgème bɔ̀ɔ ntsèka àbâ àlaꞋ a Esìà la e zə mènəè Yesò.

ÀfaꞋa 20:16

Pɔ̂l li taŋke tsè a ngèt Efesɔ̀s mbɨ̀Ꞌɨ̀ ye tsòke àfɨ̀Ꞌ àbâ àlaꞋ a Esìà. Tà li ngua ntèmna enyi a Jèlusalèm ka àlia èghɨjɨ Pentekɔ̀s aa kùꞋu.

ÀfaꞋa 20:28

Bɨ̀ me lɨ̀ŋkè àwɨ̧ bɨ̀ambɔŋ nè bòt bu Fo Kèfə è zì àwɔb a tèkitebu tɨ̧ la ntsɔ̧̀. Bɨ̀ me lɨ̀ŋke a chɔsì Mbɔ̧ɔ̧mà mbɨ̀Ꞌɨ̀ mbaabà nàa mbààba njɨ̀ ti la. Waã Mbɔ̧ɔ̧mà li mpfə ka ngɨ̀ bòt mbɔŋ e tsiꞋi èbe Mbɔ̧ɔ̧mà.

ÀfaꞋa 20:4

Sopatà, waã Pȩlùs wu è wu wòt Belìà la, li ngà bɔ̂ tò. Bɔ li ngà mɨ̧̂ nè Àlistakùs bɔ̂ Sèkundùs bɔ dzə a Tèsàlonikà la, nè Gayɔ̀s wu tà dzə a Debì la, nè Tȩ̀kɨkùs bɔ̂ Tɨ̀lòfimùs wu bɔ dzəâ àbâ àlaꞋ a Esìà la, nè Tɔ̀màtià.

ÀfaꞋa 21:27

Mbɨ̀Ꞌɨ̀ èli bu besà̧à̧mbe e tsiꞋa nkɨ emì la, Bèjuê ko bɔ dzə àbâ àlaꞋ a Esìà la e ye a Pɔ̂l a èbem lob nɨ̧ Mbɔ̧ɔ̧mà a Jèlusalèm. Bɔ ye atò, ntɔ̀te àtsəa ènɔ̧̂ bòt, a zì èbu ane tò.

ÀfaꞋa 6:9

Tàà ngɨ̀ ale, ka bòt ko e bɔ̂ me làꞋa, ntu̧a mènəè mu tà ghɨ̀à la. Bòt ngaa li ngu bòt lob Mbɔ̧ɔ̧mà yu bɔ li ngua ntɔ nê wu lob Mbɔ̧ɔ̧mà bòt bu bɔ li ngu èbùꞋ ka ndɔ̀Ꞌ ndzə a ngoꞋ la. ÀbəèꞋ àyɔb a li ngu Bèjuê be dzəèa èpfəè Silenè nè Àlèkzandìà la. Bɔ̀ɔ waa nè beko be dzə àlaꞋ a Sìlisìà nè àlaꞋ a Esìà la, e li mbùꞋ me kàànè bɔ̂ Stifèn ba.

ÀfaꞋa 8:29

Fo Mbɔ̧ɔ̧mà shu abua Filìb nê, “Dù àlia me ghȩȩne a ngèt àkàt zia.”

Lûm 16:5

Bɨ̀ tsàꞋte bòt chɔsì bu bɔ̀ɔ mbù̧ù̧ta a lob yɔb la mɨ̧̂. Bɨ̀ tsàꞋtè ngule shu̧ yaã Èpanetùs. Wu wòt mbì tà li ndzì èntɨ̧ɨ̧ vi ane Yesò Klistò àlaꞋ a Esìà la.

1 Kɔlìn 12:11

Èghɨ baa ègème nàà ŋǎ wuê Fo yaa yemɔ̀Ꞌ la mbɨ̀Ꞌɨ̀ tà kɔ̀ŋke la. Wòt ègème nàà mbɔ̌ è vi ne èghàb tsa.

1 Kɔlìn 16:1

Maà nkɨ làꞋa ane ànəa màfeta èkab e nɨ tɨŋe bòt Mbɔ̧ɔ̧mà bu a Jèlusalèm la, nê, bɨ bɔ ndɨ bɨ̀a ghɨ̀ àghɨa e ndi shu abua bèchɔsì bu a Gàlashìà nê bɔ̀ me ghɨ̀ la.

1 Kɔlìn 16:19

Bèchɔsì bu a Esìà la aa ntsàꞋtà wɨ̧. Àkwilà bɔ̂ Plìsilà nè ènɔ̧̂ bòt Mbɔ̧ɔ̧mà bu bɔ̀ɔ mbu̧u̧ta a lob yɔb la aa ntsàꞋtà wɨ̧ nè èkɔŋ bòt Mbɔ̧ɔ̧mà.

2 Kɔlìn 1:8

Bɔnyɨ ba, baa nkɨà bɨa ko ndɨ ba li ndzě ngoꞋ àbâ àlaꞋ a Esìà la. Ba li ndzě ngoꞋ è ghɔ̀ɔ̀ àwa tè ba tsiꞋa mɨ̀ɨ̀tà nê ba lem.

Gàlashìà 1:2

Nè bɔnyɨ ba bu bàgème bɔ̀ wu ba tò ba la, Abua bèchɔsì bu a Gàlashìà la.

Gàlashìà 3:1

Bɨ̀a bòt Gàlashìà bàa bɨ wu kwàꞋ èkèghɨ̧̀. Wàa chɨɨmè nɨ̀ èbə nɨŋ ngèble ètsə bɨ̧ nê bɨ̀ ka mbɨ̧̀ɨ̧̀ne nkûŋ à? Ka bɔ li ngàꞋte kwàꞋ a mbì lɨ̧ nyɨ̀Ꞌte ndɨ bɔ li ngù̧ù̧te Yesò Klistò a mbɨ̧̀ mbasa la à?

2 Tɔ̀màtià 1:15

À ko nê, bòt bàgème àbâ àlaꞋ a Esìà, fɔ̀ɔ̀le ne Fìgelùs nè Emogìn, e waꞋa am.

2 Tɔ̀màtià 4:10

Demàs è zì èntɨ̧ɨ̧ vi ane èghɨ ngɔ̀ŋ yaa tè ngwaꞋ am ngà àvi a Tèsàlonikà. Klesèns è ghà a Gàlashìà, Tȩtɔ̀s è ghà a Dàmatìà.

Ebùlù 11:8

Èntɨ̧ɨ̧ wu Abàlàghâm li ndzi ane Mbɔ̧ɔ̧mà la, e li ngɨ̀ tà zə ànəa Mbɔ̧ɔ̧mà shu la, ndzə àlaꞋ zi nga àlaꞋ ako Mbɔ̧ɔ̧mà li nkàꞋ nê yea ŋa abua tò la. Tàà ndzəa ngà ale, tà kà lem nko àdziꞋa ye ghà la.

1 Pità 1:1

Letà Pità, wantu̧ Yesò Klistò, Abua bòt Mbɔ̧ɔ̧mà bu bɔ taa awɔb bɔ sàbtè ntsìꞋa ntsèkâ mbɨ̀Ꞌɨ̀ bègɨ̧̀ a Pontùs, nè Gàlashìà, nè Kàpàdosìà bɔ̂ Esìà nè Bìtinìà la.

Ètsə 1:11

Àtɔŋ mbɔŋ a nê, “Shɨ àghɨa à ye la a èbem àkatè, ntsàà abua bèchɔsì bu basà̧à̧mbe la. Tsàà abua wu a Efesɔ̀s la, nè Sìmȩnà, nè Pegamùm, nè Tȩ̀tilà nè Sadìs, nè Fìlàdefìà, mè nè Làoêdisìà.”

Ètsə 1:4

Àkatè yaa shɨa Jɔ̌n: Abua bèchɔsì bu basà̧à̧mbe àlaꞋ a Esìà la. Maà shù̧ù̧ta nê Mbɔ̧ɔ̧mà nyɨꞋte a ntsɔ̧̀ vi abua yɨ̧, ngɨ̀ àlàŋkè à wua mèntɨ̧ɨ̧ mɨ̧. Wu tòà wu tàa və, tà li ndzaŋe wu, mè ngu li ekɨꞋɨ la. Ntsɔ̧̀ waa nè àlàŋkè yaa a mè ndzəa abua fote Mbɔ̧ɔ̧mà tu tesà̧à̧mbe te tɨ̧ɨ̧te a mbì àtɨ̧a kèfɔ̧̀ a tò la.