ÀfaꞋa 16:14 - Mundani

¹⁴ Wekǒ ayɔɔ bèzi bu bɔ̀ɔ njùtâ èngǎ̧ Mbɔ̧ɔ̧mà wu la, li ngu Lidìà, tà wu wòt tàa ntâ ndìte èkab la. Tà li ndzəè àlaꞋ a Tȩ̀tilà, mbɔ̂ ngu wòt tàa ngùꞋtà Mbɔ̧ɔ̧mà la. Ale, Mbɔ̧ɔ̧mà wu ghaꞋa èntɨ̧ɨ̧ tò nê tà yute mè mbɨ̧̀ɨ̧̀nê èngà̧ wu Pɔ̂l è làꞋà la.

ÀfaꞋa 16:14 ပူးပေါင်းရင်းမြစ်များ

Lûk 24:45

Tà ghɨ̀ ale, ngàꞋte ètsə bɔb ngɨ̀ bɔ ko ànəa èngǎ̧ Mbɔ̧ɔ̧mà e shuà la.

Jɔ̌n 12:20

Bòt Glɨ̂k ko e li ngu àyɔb ayɔɔ bòt bu bɔ kɔꞋ ngà a Jèlusalèm àdziꞋa èpǎ̧ wu ewùꞋte a Mbɔ̧ɔ̧mà la.

ÀfaꞋa 10:2

Ta li ngu wòt Mbɔ̧ɔ̧mà, me wùꞋtè a Mbɔ̧ɔ̧mà bɔ̂ bòt bi bàgème, mè ntàꞋa wua ntɨ̀ŋa bòt ntseb ayɔɔ Bèjuê, mè ntsàꞋtà a Mbɔ̧ɔ̧mà àfɨ̀Ꞌ àgème.

ÀfaꞋa 11:21

Mbɨ̀Ꞌɨ̀ bɔ̀ɔ ntsɔ̀tà la, mètàŋ Mbɔ̧ɔ̧mà wu ane yɔb tè bòt nyaŋ e taꞋa bɨ̧ɨ̧ne a Yesò, mè ndzì mèntɨ̧ɨ̧ mɔb ane tò.

ÀfaꞋa 13:43

Bɔ̀ taate abot bòt e me ghǎ, Bèjuê nyaŋ nè bòt kà wu Bèjuê bɔ kubtè me wùꞋte a Mbɔ̧ɔ̧mà kùŋè a Pɔ̂l bɔ̂ Bànabasì. Bɔntu̧ bu e laꞋ abua yɔb nê, bɔ̀ me baãaã èngǎ̧ Mbɔ̧ɔ̧mà ngà wuê nè mbì ngȩ̀ȩ̀ne a èten ntsɔ̧̀ tò.

ÀfaꞋa 13:50

Ka Bèjuê e tsòkè ètsə bɔɔjuŋ bu àpfəèà nɨ̧ və la, fɔ̀ɔ̀lè ne bèzi kekweelè bu kà wu Bèjuê bɔ̀ɔ nkùkta Mbɔ̧ɔ̧mà la. Bɔ bùꞋ me kɨ̀ŋe a Pɔ̂l bɔ̂ Bànabasì tè fəè àwɔb àlaꞋ və.

ÀfaꞋa 16:40

Pɔ̂l bɔ̂ Sȩlàs e dzə a lob tèfȩ yu nga a lob Lidìà, nkwene ane bɔnyɨ bɔb bu abot la ndàꞋa abua yɔb nê bɔ̀ me nɨ èngǎ̧ Mbɔ̧ɔ̧mà ngà wuê nè mbì, mbɔ̂ ndzə àpfəèà nɨ̧ yu me ghà àwɔb.

ÀfaꞋa 18:7

Tà làꞋ ale, tà ghà me tseke avi a lob wòt kà wu Juê kǒ, tàa nkùkta Mbɔ̧ɔ̧mà, èlen tò wu Tȩtɔ̀s Justùs la. Lob ŋut bê ngu kwàꞋ a ngèt lob Mbɔ̧ɔ̧mà.

ÀfaꞋa 8:27

Filìb dzəè mbà̧à̧ èlu̧, ngà kwene ane wòt nɨ̧ ko tà dzə àlaꞋ a Ètìopìà tàa nkua akwèn nga àlaꞋ yɔb la. Mbê waa li ngu wòt nɨ̧ àtsəa lob èkab Kàndasì è wu àvi tà li ngu fɔ̧̀ àlaꞋ a Ètìopìà la. Tà li ndzəè nè Jèlusalèm ewùꞋte a Mbɔ̧ɔ̧mà, mbɔ̂ ngu a ègwet èwuu àkàt ako bɔ ghɨ̂ ndzì mèliꞋ bèloà be me səè la. Tà tseke ale me ghȩ̀ȩ̀na ntɔ àdziꞋa ko a èbem àkatè yu Àsayà ndàꞋàtɔŋ Mbɔ̧ɔ̧mà li shɨŋ la.

Lûm 9:16

Ale, kò Mbɔ̧ɔ̧mà làa wòt kò tà bakà là leꞋ, ko a ntsě mbɨ̀Ꞌɨ̀ wɔ̀bȩ̂ kɨa la, a wu wuê ane tèsȩte Mbɔ̧ɔ̧mà.

Filìpȩ 2:13

Bɨ̀ me ghɨ̀ ale, nkàà nê wu Mbɔ̧ɔ̧mà ka tàa ŋa awɨ̧ mètàŋ mè ngɨ̀à bɨ kɔ̀ŋka a màngɨa èghɨ ntsɔ̧̀ bu tàa nkɨà la.

Ètsə 1:11

Àtɔŋ mbɔŋ a nê, “Shɨ àghɨa à ye la a èbem àkatè, ntsàà abua bèchɔsì bu basà̧à̧mbe la. Tsàà abua wu a Efesɔ̀s la, nè Sìmȩnà, nè Pegamùm, nè Tȩ̀tilà nè Sadìs, nè Fìlàdefìà, mè nè Làoêdisìà.”

Ètsə 3:20

Bɨ̀ ye, e ngua ètsələèꞋ mâ tɨ̧ me luꞋte la, wòt zəèa àtɔŋ am ntsɔ̀Ꞌɔ ètsələèꞋ, ko maa nyi a lob e wu ne tò, ba tò àa jɨ èghɨjɨ nɔ̂.

Ètsə 3:7

“ ‘Shɨa àkatè abua wantu̧ Mbɔ̧ɔ̧mà wu tàa ndȩa a chɔsì wu a Fìlàdefìà la nê: ‘Eyaa wu mèngǎ̧ Ngule Waã Mbɔ̧ɔ̧mà, tà mèe ngu wòt nkûŋ la. Nkȩte fɔ̧̀ Dàbid te wu abua tò. Tàa ngɨ̀ tà kȩ ètsələèꞋ, wòt kà ko ntsɔꞋ; tà ntsɔꞋ ètsələèꞋ, wòt kà ko nkȩ̀.