Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ÀfaꞋa 15:7 - Mundani

7 Bɔ bù̧ù̧te a si ale, ndaꞋ ane àfɨ̀Ꞌ à seè, ka àtsə à ka wuê. Pità tseke tè ndɔ̀Ꞌ a si nê, “Bɔnyɨ bɔ̧, bɨ ko nê è li ngu te àfɨ̀Ꞌ àko Mbɔ̧ɔ̧mà e lȩ̀ am a kètsìà wɨ̧ nê è ntsɔ̀te Ntu̧ Ntsɔ̧̀ abua bòt kà wu Bèjuê mbɨ̀Ꞌɨ̀ bɔɔ zə e zì mèntɨ̧ɨ̧ mɔb ane Yesò.

အခန်းကိုကြည့်ပါ။ ကော်ပီ




ÀfaꞋa 15:7
25 ပူးပေါင်းရင်းမြစ်များ  

È ntsě bɨa ka bɨ li ndȩ̀ am la, wu mmɔ̌ mbɔŋ ka e ndi ndȩ̀ awɨ̧ ntsàà nê, bɨ̀ ghǎ ngɨ̀ mènəè ntsɔ̧̀, è wù mènəè ntsɔ̧̀ mu nàa taꞋa tseke la. Bɨ ghɨ̀ ale, ko Tǎt am naa ŋa awɨ̧ àghɨ àgème bɨ lo̧ abua tò ane èlen laã la.


Bɔ làꞋ ale, Jɔ̌n bɨ̀ɨ̀lè nê, “BetsiꞋa à ka wu ane wòt ale, kà wu Mbɔ̧ɔ̧mà tà ghɨ̀ la.


“Bɔnyɨ bɔ̧, èngǎ̧ Mbɔ̧ɔ̧mà wu Fo Kèfə li ngɨ̀ Fɔ̧̀ Dàbid làꞋà ane ànəa Judàs la, e li mbɔ̌ ndɨ àa wu nkûŋ la. Fɔ̧̀ Dàbid li shu ndɨ Judàs wu wòt tàa li tɨ̧ɨ̧ a mbì e ghɨ̌ ka bɔɔ baãaã a Yesò la.


AfɨꞋa mbɔŋ bɔ tsaꞋte a Mbɔ̧ɔ̧mà nê, “Tê, à ko èntɨ̧ɨ̧ waa waa. NyɨꞋte awa wòt à lȩ̀


Mbɨ̀Ꞌɨ̀ Pità bèla nkwàꞋtà àghɨa àtsə yu tà ghɨ̂ ndze la a shu atò la, Fo Mbɔ̧ɔ̧mà è tɔ atò nê, “Zə, bòt batat e kɨꞋɨ̀ adzìꞋ yaa me kɨ awê.


È wu ale, à tàŋkê nchu a si ngà bɨ tò ba kà bɔ̀ɔ̂. Ghɨ̀ ale nkàà nê wu mmɔ̌ ka mâ tu̧u̧ awɔb la.”


Mbɨ̀Ꞌɨ̀ bɔ̀ɔ ntsèka kà jɨ èghɨjɨ mè ntsàꞋta Mbɔ̧ɔ̧mà la, Fo Kèfə shu abua yɔb nê “Bɨ̀ tsàa a Bànabasì bɔ̂ Sɔ̂l bɔ̀ ghǎ me ghɨ̌ àfàꞋ yaa mâ nɔ̀ŋe abua yɔb la.”


Simùn bê nyɨ̀Ꞌte awɨ̧ ndɨ Mbɔ̧ɔ̧mà li mbɨ̀ ndȩ̀ bòt ayɔɔ bòt kà wu Bèjuê ane bòt bi, nɨŋ nyɨ̀Ꞌte nê, yeà nkɔ̀ŋkà àwɔb bàgème la.


Pɔ̂l bɔ̂ Bànabasì e taꞋa kààne ànəê yaa mè ndzɔ̀ŋ bɔ̂ tò ba. Mbɨ̀Ꞌɨ̀ àyɔ̀ŋ yu a dzə a si la, bɔ làŋkè nê Pɔ̂l bɔ̂ Bànabasì nè èbeko nè bòt Yesò a Antìɔ̀k e gha a Jèlusalèm ndzè bɔntu̧ Yesò ko bu nè bɔɔjuŋ ayɔɔ bòt Yesò ane ànəa ngaa.


Àyɔ̀ŋ kekweelè a lɔ̀Ꞌɔ a kètsìà awɔb adù̧ ànəa mbɔŋ tè bɔ sàbtè. Bànabasì nɨ a Mak bɔ̂ tò e nyi a èbem ànkànuꞋ ngà nè àlaꞋ a Sȩplùs.


A batè ngu ale, ka è nka tsi nɨ mbɨ̧̀ yaã ane àghɨa ko, mbɨ̀Ꞌɨ̀ epaate àfaꞋa Yesò Lefɨ̀Ꞌ li ŋa abua am nê è ngɨa la. ÀfaꞋa mbɔŋ wu ndɨ màa tsɔ̀te Ntu̧ Ntsɔ̧̀ ndɨ Mbɔ̧ɔ̧mà nàa ngɨ̀à ntsɔ̧̀ adù̧ bòt bi la.


ÀbəꞋa bɔkatè Yesò ko a Sìsalìà və a nɨ awa nga ntsaa a lob wòt kǒ bà le wua nga me tseke a lob tò la. Èlen ŋut li ngu Masɔ̀n, tà bɔ̂ ngu wòt Sȩplùs. Tà li ngu wakatè Yesò e bùꞋù te ane èli mbì bu.


È li ngu tê afɨꞋa mbì, Mbɔ̧ɔ̧mà ghɨ̀ bèndàꞋàtɔŋ bi bàgème be tsɔ̀tè ndɨ Fɔ̧̀ wu tà li ndzɔꞋ etsàà la, nàa li ye ngoꞋ la. A li mbê mè ntè wuê mbɨ̀Ꞌɨ̀ tà li shuê la.


À li ndzì Fo Kèfə ane tǎt nyaꞋ wa Dàbid wu tà li ngu wɔ̀fàꞋ wê la, ngɨ̀ tà nê, ‘Ghǎ li ngɨ̀ kà bòt kà wu Bèjuê e me ghèmte anè à? Ghǎ ghɨ̂ ka bòt e me kwàꞋtè mènəè àku à?


Tè Yesò mè shu abua Ànàniàs nê, “Ghà wuê ghǎ, nkàà nê mâ lȩ̀ atò nê tà faꞋa àfàꞋ am. Nê tà tɨŋe bòt kà wu Bèjuê bɔ̂ bèfɔ̧̀ bɔb, nè bòt Izəèlȩê bàgème bɔ ko wòt è ngu wùà la.


Bɨ̀ me ghɨ̀ mènəè ègème kà wua nkùùla mèsi mɨ̧, bɨ̀ ka mè me kààne ànəê.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ