ÀfaꞋa 15:36 - Mundani

³⁶ Àfɨ̀Ꞌ àko a li me tsě, Pɔ̂l shu abua Bànabasì nê, “Ghɨa bà wèna mù èpfəè nɨ̧ bu ègème ba li ntsè ndàꞋà èngǎ̧ Mbɔ̧ɔ̧mà la, ndzě ndɨ bɔnyɨ ba bu àa la.”

ÀfaꞋa 15:36 ပူးပေါင်းရင်းမြစ်များ

Matìù 25:36

e me ghȩȩne mbɨ̧̀ fəâ, bɨ ŋa ndǐ e nkwaã, me ghɔ̧̀ɔ̧̀ne, bɨ kɨꞋɨ̀ ntsàꞋtè am, bɔ zi am a lob tèfȩ, bɨ kɨꞋɨ̀ ndȩ̀ am.’

Matìù 25:43

e nkɨꞋɨ mbɨ̀Ꞌɨ̀ gɨ̧̀, bɨ̀ ka sèe am, e me ghȩ̀ȩ̀nè ka kwaãaã ndǐ, bɨ̀ ka ŋa ndǐ maa kwaãaã, e me ghɔ̧̀ɔ̧̀ne bɔ mè ndzì am a lob tèfȩ, bɨ̀ ka kɨꞋɨ e lȩ̀ am.’

ÀfaꞋa 13:12

Mbɨ̀Ꞌɨ̀ gɔvanɔ̀ wu ye àghɨa a ghɨ̀ la, tà zì èntɨ̧ɨ̧ vi ane Yesò, mè ndzè na èngǎ̧ Mbɔ̧ɔ̧mà mbɔŋ bɔ làꞋa abua zi àfɨꞋa ngaa la e ghe la.

ÀfaꞋa 13:4

Mbɨ̀Ꞌɨ̀ Fo Kèfə è tu̧u̧ a Bànabasì bɔ̂ Sɔ̂l la, bɔ chu nga àpfəèà nɨ̧ yu è wu Sèlesìà la. Bɔ gha abot, bɔ nyi a èbem ànkànuꞋ nga àlaꞋ Sȩplùs yu a èbem èdzî la.

ÀfaꞋa 13:51

Bɔntu̧ bu e yò àbeb àpfəè və ntsì ane èka bɔb, me gha Èkonìòm.

ÀfaꞋa 14:1

Pɔ̂l bɔ̂ Bànabasì e li nga a Èkonìòm ale, mènəè bê nguê mbɨ̀Ꞌɨ̀ è li ntse a Antìɔ̀k la. Bɔ li nyi a èbem lob Mbɔ̧ɔ̧mà ndàꞋ èngǎ̧ e kweelè tè Bèjuê nyaŋ nè bòt kà wu Bèjuê e zì mèntɨ̧ɨ̧ mɔb ane Yesò.

ÀfaꞋa 14:21

Pɔ̂l bɔ̂ Bànabasì e li ntsɔ̀tè Ntu̧ Ntsɔ̧̀ yu a Debì tè bòt nyaŋ e tsiꞋi bɔkatè Yesò. Bɔ lɔꞋɔ abot nkua akwèn nga a Lislà, ndɔ̀Ꞌ nga a Èkonìòm, mbɔ̂ ntsè nga a Antìɔ̀k è wu a Pìsidìà la.

ÀfaꞋa 14:6

Bɔntu̧ bu e me ghɨ̀ tê ndzə ànəa ngaa ndùùlà ngà àwɔb àlaꞋ a Lȩ̀konià a èbem èpfəè bu è wu Lislà nè Debì là, fɔ̀ɔ̀le a èdzìꞋ bu a ngèt èpfəè nɨ̧ ngaa la.

ÀfaꞋa 7:23

“È li ngu afɨꞋa Musì è lu̧u̧ èngùꞋ èghem yekwì la, tà nê yea ghǎ eye bɔnyɨ bi bòt Izəèlȩê.

Lûm 1:11

Maa ndâ nkɨ e kɨꞋɨ ye awɨ̧ mbɨ̀Ꞌɨ̀ nyɨꞋte awɨ̧ mènəè Mbɔ̧ɔ̧mà kǒ, bɨa me kweele ane èntɨ̧ɨ̧ wɨ̧ wu bɨ zi ane Yesò la.

2 Kɔlìn 11:28

E mbakà bàte ntɨ̧̀ɨ̧ èghɨ ba ègème, ka ànəa ko a bɔ̂ nguê àa ndèlà a èntɨ̧ɨ̧ am àfɨ̀Ꞌ àgème la. Ànəa mbɔŋ wu nê maà ntsèka mɨ̀ɨ̀tà bèchɔsì bàgème.

Filìpȩ 1:27

Ànəa nɨ̧ àfɨ̀Ꞌ yaa wu nê, bɨ̀ me ghɨ̀ mènəè mɨ̧ ègème wuê mbɨ̀Ꞌɨ̀ Ntu̧ Ntsɔ̧̀ Yesò Klistò nàa nkɨà la. Bɨ̀ ghɨ̀ ale, mbɨ̀Ꞌɨ̀ è nkɨꞋɨ e ndze awɨ̧, kò è mbaka nkɨ̀Ꞌɨ̂ leꞋ, e ndzə ndɨ bɨ̀a nèètà mbǎ̧ èngǎ̧ Yesò Klistò nè èntɨ̧ɨ̧ wɨ̧ wemɔꞋ la. Mè ndzəâ ndɨ bɨ̀a fàꞋà nè ètsəê wemɔꞋ mbɨ̀Ꞌɨ̀ bɨ fɔtà nùà nê Ntu̧ Ntsɔ̧̀ Yesò Klistò me ghà nê mbì la.

1 Tèsàlonikà 3:6

Ka nè àfɨ̀Ꞌ yaa, Tɔ̀màtià è kua àpfəè ayɨ̧ tè shu awa ànəa ntsɔ̧̀ a ghɨ̀ mèntɨ̧ɨ̧ ma me bɔ̀ la. Tà shu awa nê mèntɨ̧ɨ̧ mɨ̧ bele ane Yesò, bɨ mè mbèla nkɔ̀ŋkà bɔnyɨ bɨ̧ mè shu nê bɨà ntsèka mɨ̀ɨ̀tà àwa ntsɔ̧̀, mè nkɨ eye awa wuê mbɨ̀Ꞌɨ̀ bàa nkɨà àwɨ̧ eye mɨ̧̂ la.

2 Tɔ̀màtià 1:4

Màa ngɨ̀ è ku̧u̧te àfɨ̀Ꞌ yu e ndi me sà awê mèsi chu àghɨ ayê la, e me nùa nkɨ eye awê, mbɨ̀Ꞌɨ̀ èntɨ̧ɨ̧ am aa lu̧u̧ nè mèngùꞋte.