ÀfaꞋa 15:25 - Mundani

²⁵ Ale, baa tsèke a si, ndàŋkè bàgème nê, bà lȩ̀ bòt babe è ntsà bɔ̀ kɨꞋɨ nkwène ane yɨ̧. Bòt ngaa e ghȩ̀ȩ̀nè ne ngule bɔnyɨ ba Bànabasì bɔ̂ Pɔ̂l,

ÀfaꞋa 15:25 ပူးပေါင်းရင်းမြစ်များ

Matìù 11:26

Oò Tè, à li ngɨ̀ àyaa ane mènkɔ̀ŋke mê, mè nè ndɨ àa bɔ̀ àwê la.

Lûk 1:3

Mbɨ̀Ꞌɨ̀ mâ kùŋe mènəè maa ègème a mèmbùꞋu la, mâ kwaꞋtè nê è shɨ mènəè mbɔŋ a si mɨ̧̂ abua yê, àwɔ̀ Tìofilɔ̀, wuê mbɨ̀Ꞌɨ̀ è li ntsè la.

ÀfaꞋa 1:14

Bɔ li ntaꞋa wua mbu̧u̧ta adzìꞋ yeamɔꞋ ntsàꞋta Mbɔ̧ɔ̧mà bɔ̀ɔgème fɔ̀ɔ̀le ne bèzi, nè Màlià nyɨ̌ Yesò, ndɔ̀Ꞌ nè bɔnyɨ tò.

ÀfaꞋa 15:2

Pɔ̂l bɔ̂ Bànabasì e taꞋa kààne ànəê yaa mè ndzɔ̀ŋ bɔ̂ tò ba. Mbɨ̀Ꞌɨ̀ àyɔ̀ŋ yu a dzə a si la, bɔ làŋkè nê Pɔ̂l bɔ̂ Bànabasì nè èbeko nè bòt Yesò a Antìɔ̀k e gha a Jèlusalèm ndzè bɔntu̧ Yesò ko bu nè bɔɔjuŋ ayɔɔ bòt Yesò ane ànəa ngaa.

ÀfaꞋa 15:22

AfɨꞋa mbɔŋ, bɔntu̧ bu nè bòt chɔsì bàgème, fɔ̀ɔ̀lè ne bɔɔjuŋ ayɔɔ ayɔb, e làŋkè nê, bɔ̀ tsi bòt ko ayɔɔ ayɔb ntù̧ àwɔb a Antìɔ̀k bɔ̂ Pɔ̂l ba nè Bànabasì. Bɔ li ndȩ a Judàs wu bɔ̀ le wua ntɔ nê Bàsabàs la, nè Sȩlàs è wu bòt bɔnyɨ ba e li ngua ntsènà nkùkta wɔb la.

ÀfaꞋa 15:35

Pɔ̂l bɔ̂ Bànabasì e li nyaꞋa ntsèke a Antìɔ̀k, bɔ̂ bòt ko nyaŋ e me làꞋa mè nyɨ̀Ꞌta èngǎ̧ Lefɨ̀Ꞌ.

ÀfaꞋa 15:6

Bɔɔjuŋ ayɔɔ bòt Yesò nè bɔntu̧ tò bu e bù̧ù̧te a si mbɨ̀Ꞌɨ̀ ebaãaãte èngǎ̧ mbɔŋ.

ÀfaꞋa 2:1

Àlia Pentekɔ̀s a li me kɨꞋɨ, bòt bu bɔ zì mèntɨ̧ɨ̧ mɔb ane Yesò la e bu̧u̧te adzìꞋ yeamɔꞋ.

ÀfaꞋa 2:46

Bɔ li ngua mbù̧ù̧tà ane ènɔ̧̂ wemɔꞋ a èbem lob nɨ̧ Mbɔ̧ɔ̧mà a Jèlusalèm àli àgème. Bɔ li ngua njɨ̀a èghɨjɨ bɔb adzìꞋ yeamɔꞋ a èpfəè bɔb, nè èntɨ̧ɨ̧ kèfə mè ngùꞋtà wɔb.

Lûm 16:12

Bɨ̀ tsàꞋte Tȩ̀fenà bɔ̂ Tȩ̀fosà, è wu bòt bɔ̀ɔ fàꞋà abua Yesò Klistò la. Bɨ̀ tsàꞋtè ngule shu̧ yaã Pesìs wu tàa ndâ fàꞋa abua Yesò Klistò la.

1 Kɔlìn 1:10

Bɔnyɨ bɔ̧, e ngua shù̧ù̧ta wɨ̧ ane èlen Yesò Klistò Lefɨ̀Ꞌ wa nê, bɨ̀ wu ane ètsəê wemɔꞋ, mbɨ̀Ꞌɨ̀ àyɔ̀ŋ a wu a kètsìà wɨ̧. Bɨ̀ wu àghɨ yeamɔꞋ ane ndɨ bɨ̀a nkwàꞋtà mènəè la.

Gàlashìà 2:9

ÀfɨꞋa Jimsì bɔ̂ Pità, nè Jɔ̌n wu bɔ̀ tɔ̀ke bòt Yesò la e ye a ntsɔ̧̀ wu Mbɔ̧ɔ̧mà nyɨꞋtè am la, bɔ zi èbu abua ya baa Bànabasì, mbɔ̂ ndàŋkè nê, bà ghǎ abua bòt kà ko a Mbɔ̧ɔ̧mà, bɔ̀ɔmbɔŋ è ghǎ abua Bèjuê.

Efesɔ̀s 6:21

Tȩ̀kɨkùs, wanyɨ wa wu ba taꞋa wua nkɔ̀ŋkà tò, tà mè ngu ngule wɔ̀fàꞋ Tè Yesò Klistò la naa shu awɨ̧ ànəê am àgème, mbɨ̀Ꞌɨ̀ bɨa ko ndɨ màa la e mě ko àghɨ màa ngɨ̀à la.

Kɔ̀losìà 4:7

Tȩ̀kɨkùs, wanyɨ wa wu ba taꞋa wua nkɔ̀ŋkà tò la naa shua wɨ̧ ànəê am àgème. Tà wu ngule wɔ̀fàꞋ ba tò ba àa fɔ̀ta faꞋa abua Tè Yesò la.

Kɔ̀losìà 4:9

Tà gha ekɨꞋɨ bɔ̂ wanyɨ wa Ònesìmùs wu tà wu wòt kǒ ayɔɔ yɨ̧, mè nèètè ndzì èntɨ̧ɨ̧ vi ane Yesò la. Bɔɔ shu awɨ̧ ànəê àgème àa ntsea a si ŋàa la.

Fȩlemùn 1:16

Taa àfɨ̀Ꞌ yaa anè tà kà ntsi ngu wuê àbùꞋ, tà bɔ̀ tê ntsè àbùꞋ. Tà tsiꞋi ngule wanyɨ wa ane Yesò. Tà wu ngule wòt abua am, mè ngu ewu ngule wòt abua yê, te etsě fɔɔle ndɨ tàa abua am la, ndɨ̀ wu bɨ tò e wu bòt Yesò tà mè ngu wòt lob yê la.

2 Pità 3:15

Bɨ̀ ko nê Lefɨ̀Ꞌ wa kuule èntɨ̧ɨ̧ vi me chɨꞋɨ àfɨꞋa yèa kɨꞋɨ la, ale ngua ŋa awɨ̧ èlu̧ bɨa bɔ mèmpème, wuê mbɨ̀Ꞌɨ̀ ngule wanyɨ waa Pɔ̂l li nɨ èyì wu Mbɔ̧ɔ̧mà ŋa abua tò la, shɨ̀ àkatè abua yɨ̧ ane ànəa mbɔŋ la.