ÀfaꞋa 15:22 - Mundani

²² AfɨꞋa mbɔŋ, bɔntu̧ bu nè bòt chɔsì bàgème, fɔ̀ɔ̀lè ne bɔɔjuŋ ayɔɔ ayɔb, e làŋkè nê, bɔ̀ tsi bòt ko ayɔɔ ayɔb ntù̧ àwɔb a Antìɔ̀k bɔ̂ Pɔ̂l ba nè Bànabasì. Bɔ li ndȩ a Judàs wu bɔ̀ le wua ntɔ nê Bàsabàs la, nè Sȩlàs è wu bòt bɔnyɨ ba e li ngua ntsènà nkùkta wɔb la.

ÀfaꞋa 15:22 ပူးပေါင်းရင်းမြစ်များ

ÀfaꞋa 1:23

Ale, bɔ ŋa tèlente bòt babe. Bòt mbɔŋ li ngû Jòsêb wu bòt ko e li ngua ntɔ̌ nê Bàsabàs, (èbeko e tɔ nê Justùs) la, nè Màtiàs.

ÀfaꞋa 11:19

Bòt Yesò bu e li ntààte afɨꞋa bɔ li mbùŋe a Stifèn me kɨ àtsəa yɔb enɨ la. ÀbəèꞋ àko ane yɔb a li ngà tè ngu àlaꞋ a Fònisìà, nè àlaꞋ a Sȩplùs, nè Antìɔ̀k, ngȩȩna a èdzìꞋ baa ntsɔ̀tà Ntu̧ Ntsɔ̧̀ yu wuê abua Bèjuê.

ÀfaꞋa 11:20

Ka bòt ko, bɔ dzəa Sȩplùs nè Silenè la, e gha a Antìɔ̀k me tsɔ̀te Ntu̧ Ntsɔ̧̀ Yesò Lefɨ̀Ꞌ abua bòt kà wu Bèjuê mɨ̧̂.

ÀfaꞋa 11:22

AfɨꞋa chɔsì wu a Jèlusalèm la e zə ànəê yaa la, bɔ tsɔꞋɔ a Bànabasì ntu̧ a Antìɔ̀k.

ÀfaꞋa 11:27

ÀfɨꞋa mbɔŋ wu àfɨꞋa bèndàꞋàtɔŋ Mbɔ̧ɔ̧mà ko e li ndɔ̀Ꞌ a Jèlusalèm nchu nga a Antìɔ̀k la.

ÀfaꞋa 15:23

Bɔ li ntsàà àkatè yaa abua yɔb nê, Bàa bòt Yesò nè bɔɔjuŋ ayɔɔ aya nè bɔntu̧ tò, aà ntsàꞋtà awɨ̧ bɨ̀a bòt Yesò bu bɨ̀ wu bɔnyɨ ba a Antìɔ̀k, nè Silìà, nè Sìlisìà kà wu Bèjuê la.

ÀfaꞋa 15:25

Ale, baa tsèke a si, ndàŋkè bàgème nê, bà lȩ̀ bòt babe è ntsà bɔ̀ kɨꞋɨ nkwène ane yɨ̧. Bòt ngaa e ghȩ̀ȩ̀nè ne ngule bɔnyɨ ba Bànabasì bɔ̂ Pɔ̂l,

ÀfaꞋa 15:27

Ale, ba tsàa a Judàs bɔ̂ Sȩlàs nê bɔ̀ kɨꞋɨ shu awɨ̧ bɔ̀ɔmbɔŋ mèngà̧ maa ba shɨ a si la.

ÀfaꞋa 15:3

Bòt chɔsì bu e nɨa awɔb ngà ntsaa alu̧. Mbɨ̀Ꞌɨ̀ bɔɔ ntsea àlaꞋ a Fònisìà nè Sàmalìà la, bɔ me shu bòt ndɨ bòt kà wu Bèjuê e kubte tê ntsìꞋi bòt Mbɔ̧ɔ̧mà la. ÀfɨꞋa bɔnyɨ bu bàgème e zə ntu̧ yaa la, ànəa ngaa a taꞋa bɔ̀ àwɔb.

ÀfaꞋa 15:30

Bɔ tsàà bɔntu̧ bu, bɔ gha a Antìɔ̀k, èfète bòt Yesò bàgème adzìꞋ yeamɔꞋ, ŋǎ àkatè yu abua yɔb.

ÀfaꞋa 15:32

Judàs bɔ̂ Sȩlàs wu bɔ̀ le wu bèndàꞋàtɔŋ Mbɔ̧ɔ̧mà bɔ̀ɔ mbɔŋ la e li ntàꞋa làꞋà mèngǎ̧ nɨŋ nkààtè bɔnyɨ ba bu.

ÀfaꞋa 15:40

Pɔ̂l bɔ̂ nɨ a Sȩlàs, bɔnyɨ ba bu e zì àwɔb a tèkitebu Mbɔ̧ɔ̧mà, bɔ bɔ̂ sà abot.

ÀfaꞋa 16:19

AfɨꞋa bòt bu bɔ bɔ waàvi wu la e ye nê àyɨt a èkab ayɔb a ghà la, bɔ baãaã a Pɔ̂l bɔ̂ Sȩlàs səèŋnè nga a mbì bèkěm àsà̧aã èwen.

ÀfaꞋa 16:25

È lɔ̀Ꞌ me wu a èntɨ̧ɨ̧ ètsəꞋ Pɔ̂l bɔ̂ Sȩlàs e me tsàꞋtè a Mbɔ̧ɔ̧mà, mè nkɔ̧̀ɔ̧ mètsəkù̧ abua tò. Bɔtefȩ ko bu e me yute ndɨ bɔ kɔ̧ɔ̧ la.

ÀfaꞋa 16:29

Mbê mbɔŋ lo̧o̧ èkaꞋà, nde ndèbà a èbem lob tèfȩ yu, nkwen a tèkate Pɔ̂l bɔ̂ Sȩlàs ntsìꞋa mbènta bente.

ÀfaꞋa 17:10

Nyèm lɔ̀Ꞌ mbê me fene, bɔnyɨ ba bu e tsaa a Pɔ̂l bɔ̂ Sȩlàs àpfəèà nɨ̧ yu è wu Belìà la. Bɔ ghà tê bɔ̀ nyi abàꞋ və, bɔ tsè nga a lob Mbɔ̧ɔ̧mà.

ÀfaꞋa 17:14

KwàꞋ àfɨꞋa mbɔŋ bɔnyɨ ba bu e nɨ a Pɔ̂l ngà ntsaa a ngèt *èdzî. Sȩlàs bɔ̂ Tɔ̀màtià e bɔ̂ ntsèke awɔb a Belìà.

ÀfaꞋa 17:4

ÀbəèꞋ àko ane yɔb a bɨ̧ɨ̧nè ànəa Pɔ̂l shua la tè fɔ̀te awɔb bɔ̂ Sȩlàs. Èngǎ̧ wu e ghɨ̀ tè bòt Glɨ̂k nyaŋ bɔ̀ɔ ngùꞋtà Mbɔ̧ɔ̧mà la nè bèzi kekweelè ko e fɔte ane Pɔ̂l ba mɨ̧̂.

ÀfaꞋa 18:5

Sȩlàs bɔ̂ Tɔ̀màtià e li ndɔ̀Ꞌ a Màsèdonìà nkɨ̀Ꞌɨ̂, Pɔ̂l tsiꞋi ŋa àfɨ̀Ꞌ àzi àgème a màntsɔta Ntu̧ Ntsɔ̧̀ yu, nèètà nyɨ̀Ꞌta Bèjuê nê, Yesò wu Fɔ̧̀ wu Mbɔ̧ɔ̧mà li ndzɔꞋ etsàà la.

ÀfaꞋa 8:14

ÀfɨꞋa bɔntu̧ Yesò bu a Jèlusalèm e zə nê bòt Sàmalìà e zə èngǎ̧ Mbɔ̧ɔ̧mà tè mbɨ̧̀ɨ̧̀ne la, bɔ tsaa Pità bɔ̂ Jɔ̌n nê bɔ ghǎ kwene ane yɔb.

2 Kɔlìn 1:19

Yesò Klistò Waã Mbɔ̧ɔ̧mà wu ba Tɔ̀màtià nè Silvanùs àa ndàꞋà ànəa tò a kètsìà wɨ̧ la nàà kà laꞋa èngà̧ yebe, e bɨ̧ɨ̧ne ànəê e mě tu̧u̧. Tàa ngɨ̀ tà shu ànəê tà bê ngɨ̀ wuê mbɨ̀Ꞌɨ̀ tà shu la.

1 Tèsàlonikà 1:1

Letà Pɔ̂l bɔ̂ Silvanùs nè Tɔ̀màtià, Abua bòt chɔsì wu a Tèsàlonikà, bɔ̀ wu bòt Tǎt wa Mbɔ̧ɔ̧mà bɔ̂ Yesò Klistò Lefɨ̀Ꞌ la. Baa ntsàꞋtà nê Tǎt wa wu me nyɨꞋte a ntsɔ̧̀ vi abua yɨ̧ mè ngɨ̀ bɨ̀ bɔ àlàŋkè.

2 Tèsàlonikà 1:1

Letà Pɔ̂l bɔ̂ Silvanùs nè Tɔ̀màtià, Abua bòt chɔsì wu a Tèsàlonikà, bɔ̀ wu bòt Tǎt wa Mbɔ̧ɔ̧mà bɔ̂ Yesò Klistò Lefɨ̀Ꞌ la.

1 Pità 5:12

Wu wanɔ̧ Silvanùs ka tà tɨŋe am è shɨ̀ kètem àkatè faa la. Mâ lâ nko nê tàà nkuŋa Yesò Klistò nkûŋ nkûŋ. E shɨa anè mbɨ̀Ꞌɨ̀ elɔ̀ktè mèntɨ̧ɨ̧ mɨ̧, e mě shua wɨ̧ ndɨ Mbɔ̧ɔ̧mà nàa ndâ nkɔ̀ŋkà àwɨ̧, nkua tèsȩ tɨ̧ la. Ale, bɨ̀ baãaã ànəê yaa ntsɔ̧̀ mè ndɨ̀Ꞌà wɨ̧ wuê ane Mbɔ̧ɔ̧mà.