ÀfaꞋa 15:11 - Mundani

¹¹ A ntsě ale! Baa zì mèntɨ̧ɨ̧ ma ane Yesò, Mbɔ̧ɔ̧mà ghɨ̀ ba bɔ mèmpème wuê mbɨ̀Ꞌɨ̀ bɔ̀ɔ̀ba, nkàà ntsɔ̧̀ Yesò Lefɨ̀Ꞌ.”

ÀfaꞋa 15:11 ပူးပေါင်းရင်းမြစ်များ

Lûm 3:24

Mbɔ̧ɔ̧mà nɨa ntsɔ̧̀ vi ngɨ̀ bòt e tsiꞋi mbɨ̀Ꞌɨ̀ bòt bɔ tɨ̧ɨ̧ ndɨŋndɨ̀ŋ a mbì tò la, àku. Tà li ngɨ̀ anè, nkàà èvə lu Yesò Klistò li mpfə nchùꞋù àtsə bòt bàgème ane kàbɔ̀ŋ wɔb la.

Lûm 5:15

Ka betsiꞋa bɔ̀ ka fɨꞋnè àghɨ yu Mbɔ̧ɔ̧mà nɨa ntsɔ̧̀ vi ngɨ̀ la ane àghɨ yu Adàm li ngɨ̀ a màmpaata mbɨ̧ la. Wòt wemɔ̀Ꞌ li ngɨa kàbɔ̀ŋ nɨ̀ èvə ekɨꞋɨ adù̧ wòt ègème, ka àghɨa Mbɔ̧ɔ̧mà ghɨ̀ la a taꞋa tsè àyaa. Mbɔ̧ɔ̧mà li ntsè ane wòt wemɔ̀Ꞌ, è wu Yesò Klistò la, nyɨ̀Ꞌte a ntsɔ̧̀ vi ànyaꞋne abua bòt bàgème àku.

Lûm 6:23

Àbȩ̀ a kàbɔ̀ŋ wu èvə, ka àghɨa Mbɔ̧ɔ̧mà nàa ŋa mbɨ̀Ꞌɨ̀ tà kɔ̀ŋkè la wu mèmpème kàlìà, ndɨ̀ wu bàà tsiꞋi àghɨ yeamɔꞋ nè Yesò Klistò Lefɨ̀Ꞌ wa la.

1 Kɔlìn 16:23

Maà shù̧ù̧ta nê Yesò Lefɨ̀Ꞌ nyɨꞋte a ntsɔ̧̀ vi abua yɨ̧.

2 Kɔlìn 13:14

Maà ntsàꞋtà nê Lefɨ̀Ꞌ Yesò Klistò nyɨꞋte a ntsɔ̧̀ vi abua yɨ̧, bɨ̀ mě ndzè èkɔŋ Mbɔ̧ɔ̧mà, Fo Kèfə e ghɨa bɨ̀ wu ane ètsəê wemɔꞋ bɨ̀agème.

2 Kɔlìn 8:9

Bɨ ko ndɨ Yesò Klistò Lefɨ̀Ꞌ wa li nyɨ̀Ꞌte a ntsɔ̧̀ vi abua ya la. Tà li ngu wòt nè èghɨ bi, ka nga ambo yɨ̧ ntsìꞋi wòt kà ye àghɨa zi. Tà li ngɨ anè mbɨ̀Ꞌɨ̀ bɨa tsiꞋi bòt bɔ bɔ àyɔb la a mbì Mbɔ̧ɔ̧mà.

Gàlashìà 1:6

A taꞋa tsě am ndɨ bɨ bê ntsìꞋa sà Mbɔ̧ɔ̧mà wu tà li ntsè ane tèsȩte Yesò Klistò ka ntɔ awɨ̧ la, ntsìꞋa mbɨ̧̀ɨ̧̀na Ntu̧ Ntsɔ̧̀ kǒ tsa la.

Gàlashìà 2:16

e ko nê, betsiꞋa wòt kà tɨ̧ɨ̧ ndɨŋndɨ̀ŋ a mbì Mbɔ̧ɔ̧mà nkàà wuê na tàa nkùŋà mbɨ̧te Musì la. Wu èntɨ̧ɨ̧ wu wòt zi ane Yesò Klistò la ka àa ngɨ̀à Mbɔ̧ɔ̧mà nɨ̀a ŋut mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la. Bàa mbɔŋ e bɨ̧ɨ̧nè ane Yesò Klistò. Ba ghɨ̀ ale, mbɨ̀Ꞌɨ̀ Mbɔ̧ɔ̧mà naa nɨa wa ane bòt bɔ tɨ̧ɨ̧ ndɨŋndɨ̀ŋ a mbì li nkàà èntɨ̧ɨ̧ wu ba zi ane Yesò Klistò la. E ntsě mbɨ̧te Bèjuê wòt nàa nkùŋà la ka betsiꞋa te ghɨa tò ale la, nkàà nê betsiꞋa wòt kà tɨ̧ɨ̧ ndɨŋndɨ̀ŋ e mbì Mbɔ̧ɔ̧mà wuê ambo na tàa nkùŋà mbɨ̧tsə la.

Tȩtɔ̀s 2:11

Bòt è ghɨ̌ a èlɨ̀ waa nkàà nê Mbɔ̧ɔ̧mà è nèètè nyɨ̀Ꞌte a ntsɔ̧̀ vi abua waa waa mbɨ̀Ꞌɨ̀ baa peme.

Ètsə 5:9

Bɔ me kɔ̧ ètsəkù̧ fi shua nê, “Wu àwɔ̀ à kùꞋa mànɨa àkatè yu etsi àmènà yu adù̧ la, nkàà nê bɔ li mbùŋè awê, àlo̧ yê a chùꞋù ètsə bòt, mè nɨa awɔb nkɨ̀Ꞌɨ̂ abua Mbɔ̧ɔ̧mà. Bòt ngaa à li ngɨ̀ bɔ pem la, e dzəa èndà̧ ègème, nè èlaꞋ ègème, nè ndɨ̧ tègème, mè ndzəè ayɔɔ tèwuute bòt tègème.