ÀfaꞋa 14:3 - Mundani

³ Bɔntu̧ Yesò bu e bɔ̂ ngɨ̀ ale ntsèkê abàꞋ və ane àfɨ̀Ꞌ à seè, me làꞋà ka bɔ̌, shua bòt bu ndɨ Mbɔ̧ɔ̧mà nàa nkɔ̀ŋkà àwɔb la. Mbɔ̧ɔ̧mà li mè ŋà àwɔb mètàŋ bɔ me nɨa ngɨ̀à tèwuute ènəê kà ye fɨ̀Ꞌ nɨa nyɨ̀Ꞌta mètàŋ tò mè ngɨ̀à ngɨŋa mènəè nɨa nyɨ̀Ꞌta nê ànəa bɔ làꞋà la wu nkûŋ.

ÀfaꞋa 14:3 ပူးပေါင်းရင်းမြစ်များ

Ntu̧ Ntsɔ̧̀ MAK 16:20

Bɔkatè Yesò e li ngà èdzìꞋ ègème ntsɔ̀te Ntu̧ Ntsɔ̧̀. Lefɨ̀Ꞌ me fàꞋa bɔ̂ tò ba, ngɨ̀à bɔ ghɨ̀à èghɨ àa nyɨ̀Ꞌta mètàŋ tò la, nɨa nyɨ̀Ꞌta nê èngà̧ wu bɔ làꞋà la wu nkûŋ.]

Jɔ̌n 4:48

Tà làꞋ ale Yesò shuê abua tò nê “Bɨa anè ngu bòt bɔ bakà ye am ngɨ̀à èghɨ àa nyɨ̀Ꞌta mètàŋ Mbɔ̧ɔ̧mà la, nè ngɨŋa mènəè, wòt ane yɨ̧ ka zî èntɨ̧ɨ̧ vi ane yaã la.”

ÀfaꞋa 13:46

Ale, Pɔ̂l bɔ̂ Bànabasì e bê mpàa ndàꞋ kà bɔɔ̀. “À nyɨꞋtè nê bà bɨa ndàꞋ èngǎ̧ Mbɔ̧ɔ̧mà abua yɨ̧. Ka ndɨ̀ wu bɨ tu̧ èngǎ̧ wu la, bɨ̀ ka meè nɨ awɨ̧ mbɨ̀Ꞌɨ̀ bòt betsiꞋa bɔ̀ ka bɔ mèmpème kàlìà la, baa sà àwɨ̧ etsiꞋi eghǎ me tsɔ̀te ntu̧ yaa abua bòt kà wu Bèjuê.

ÀfaꞋa 2:22

Pità ghɨ̀ ale, mè shu abua yɔb nê, “Bòt Izəèlȩê, bɨ̀ yute èngǎ̧ waa. Yesò wòt Nazàlet li ngu wòt Mbɔ̧ɔ̧mà yɔꞋ mè ngɨ̀ bɨ ko atò ane mènəè kà ye fɨ̀Ꞌ mu tà li ngua ngɨ̀à mè ngɨ̀à ngɨŋa mènəè, ngɨ̀à èghɨ àa nyɨ̀Ꞌta mètàŋ Mbɔ̧ɔ̧mà la. Bɨ̀a mbɔŋ bɨ koê mènəè maa nkàà nê bɨ li ngu a si àfɨꞋa mbɔŋ.

ÀfaꞋa 20:24

A batè ngu ale, ka è nka tsi nɨ mbɨ̧̀ yaã ane àghɨa ko, mbɨ̀Ꞌɨ̀ epaate àfaꞋa Yesò Lefɨ̀Ꞌ li ŋa abua am nê è ngɨa la. ÀfaꞋa mbɔŋ wu ndɨ màa tsɔ̀te Ntu̧ Ntsɔ̧̀ ndɨ Mbɔ̧ɔ̧mà nàa ngɨ̀à ntsɔ̧̀ adù̧ bòt bi la.

ÀfaꞋa 20:32

“Àfɨ̀Ꞌ yaa, mâ zì àwɨ̧ a tèkitebu Mbɔ̧ɔ̧mà me shu̧u̧te nê èngǎ̧ tò wu àa nyɨ̀Ꞌta ndɨ tàa nkɔ̀ŋkà bɔbȩ la è ghɨa bɨ̀ me kweele. Taa ko lɔ̀ktè awɨ̧ e mě ŋà àwɨ̧ èlɔ̂t wu tà paŋe abua bòt bi bàgème la.

ÀfaꞋa 4:31

ÀfɨꞋa bɔ tsàꞋte a Mbɔ̧ɔ̧mà tè ndɔ̀Ꞌ la, àdziꞋa mbɔŋ a nyìꞋnè, Fo Kèfə kɨꞋɨ nyi a mèntɨ̧ɨ̧ mɔb, bɔ bùꞋ mè làꞋa èngǎ̧ Mbɔ̧ɔ̧mà kà bɔ̀â.

ÀfaꞋa 5:32

Ba Fo Kèfə ba e ye, mè nkoê mènəê maa. Mbɔ̧ɔ̧mà è tsàa Fo zi yaa abua bòt bu bɔ̀ɔ ndzəèa tò la.”

Lûm 1:16

Maà kà bɔ àtsəa kɔꞋɔ a ane Ntu̧ Ntsɔ̧̀ Mbɔ̧ɔ̧mà, nkàà nê, wu mètàŋ Mbɔ̧ɔ̧mà màa nɨa ntsɔ̀tà Ntu̧ Ntsɔ̧̀ yu nàa ngɨ̀à waa waa tà zi èntɨ̧ɨ̧ vi ane Yesò la peme la, ebùꞋu ane Bèjuê bu èngǎ̧ mbɔŋ e li mbɨ̀ abua yɔb la, eghǎ wu ane bòt kà wu Bèjuê.

1 Tèsàlonikà 2:2

Bɨ ko ndɨ bɔ li mbɨ̀ ngɨ̧̀ɨ̧̀nè àwa mè ntsɔ̧̀ɔ̧̀tè àwa a Filìpȩ ka ba kɨꞋɨ̀ abua yɨ̧ a Tèsàlonikà la. Bòt è li mbàte ndɔ̀Ꞌte a si àpfəa yɨ̧ mɨ̧̂ me pààbè àwa, ka Mbɔ̧ɔ̧mà bɔ̂ ŋà àwa mèntɨ̧ɨ̧ kèkweelè ba tsɔ̀tè Ntu̧ Ntsɔ̧̀ yu è dzəè abua tò la abua yɨ̧.

Ebùlù 2:4

Mbɔ̧ɔ̧mà zìambɔŋ nɨ èlȩê, nè ngɨŋa mènəè, nè tèwuute ènəê kà ye fɨ̀Ꞌ nɨŋ nyɨ̀Ꞌte nê ànəa ngaa wu nkûŋ mɨ̧̂, ndɔ̀Ꞌ mè ngàbtè èghɨ Fo Kèfə nàa ŋǎ la abua bòt. Mbɔ̧ɔ̧mà wu nàà ŋǎ èghɨ bàa abua bòt mbɨ̀Ꞌɨ̀ tà kɔ̀ŋkè la.