Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ÀfaꞋa 14:15 - Mundani

15 Bɔ̀ gha abot bɔ biite bòt bu nê, “Bèshu̧ ba, bɨ ghɨ̀ na ka me ghɨ̀ èwuu ànəê yaa à? Ba wu bɔbȩ mbɨ̀Ꞌɨ̀ bɨ̀a mbɔŋ? Ba wu a si ŋàa nkɨ etsɔ̀te Ntu̧ Ntsɔ̧̀ Yesò abua yɨ̧, mbɨ̀Ꞌɨ̀ bɨa kubte ane ejuke ènəê baa, etsiꞋi me kùŋè wuê a Mbɔ̧ɔ̧mà yu̧ wu tà ghɨ̀ ègwet nè sitsǎꞋ, mè ngɨ̀ mèleb nè èghɨ ègème aa tèbèm la.

အခန်းကိုကြည့်ပါ။ ကော်ပီ




ÀfaꞋa 14:15
67 ပူးပေါင်းရင်းမြစ်များ  

Simùn Pità bɨ̀ɨ̀lè nê “À wu Fɔ̧̀ wu Mbɔ̧ɔ̧mà yɔꞋ ntsà la, Waã Mbɔ̧ɔ̧mà yû̧.”


KwàꞋ ane ndɨ Mbɔ̧ɔ̧mà nàa ngɨ̀a bòt e bɔ mèmpème la, wu wuê a èlɨ mbɔŋ tà ghɨ̂ Waã tò me ŋa mèmpème la.


Wòt tàa ndaꞋa ane èlen li zìambɔŋ la wua nkɨà mbɨ̀Ꞌɨ̀ bòt aa me ŋeꞋe atò a ègwet, ka wòt tàa nkɨà nê bɔ̀ ŋeꞋe wuê èlen wòt wu tà tsàà avi la, wua ndàꞋa nkûŋ, ànəa ko à ka wu ane tò è wu ànəa fɨte la.


Pità ghɨ̀ tà lɔꞋɔ a si. Tà shu abua tò nê, “Lɔ̀Ꞌɔ a si, nkàà nê e ngu wɔ̀bȩ̂ mbɨ̀Ꞌɨ̀ àwɔ̀.”


“Ba wu a si ŋàa e tsɔ̀te Ntu̧ Ntsɔ̧̀ e laꞋ ànəê yu Mbɔ̧ɔ̧mà li shu abua bètǎt nyaꞋ ba nê yea ghɨ̀ la.


Pɔ̂l bɔ̂ Bànabasì e li ntsɔ̀tè Ntu̧ Ntsɔ̧̀ yu a Debì tè bòt nyaŋ e tsiꞋi bɔkatè Yesò. Bɔ lɔꞋɔ abot nkua akwèn nga a Lislà, ndɔ̀Ꞌ nga a Èkonìòm, mbɔ̂ ntsè nga a Antìɔ̀k è wu a Pìsidìà la.


Bɔ gha abot ale, me tsɔ̀te Ntu̧ Ntsɔ̧̀ Yesò.


Tà ghɨ̀ ale, tà nɨ̀ àwɔb nga àbȩ mbɔ̂ mbììte nê, “Tê, màa ghɨ̀ na ka ebɔ mèmpème à?”


“Banɔ̧̀, mâ ye nê lèghȩ̀ȩ̀nè wa elɔ̀Ꞌɔ a si ŋàa eghà ne mbì wu kwàꞋa we kàbɔ̀ŋ. Ntsɔ̧̀ ka dzəâ ane ànkànuꞋ yaa nè èghɨ bu a èbèm la a. Bɔbȩ aà leme mɨ̧̂.”


Mbɨ̀Ꞌɨ̀ bòt bu e tseke ane àfɨ̀Ꞌ à seè kà jɨ èghɨjɨ la, Pɔ̂l è lɔ̀Ꞌɔ a si a kètsìà wɔb nê, “Banɔ̧̀, bɨà me wu ale njùtê ànəa e shua la, ko ba bakà lɔꞋɔ a Klît. Ko èghɨ baa e bɨ, àfeme a mè ntsòke la, e bakà ghɨ̀ ale.


È wu ale, wòt ègème ane yɨ̧ ka mbɔ̀â, nkàà nê mâ zì èntɨ̧ɨ̧ am ane Mbɔ̧ɔ̧mà mè nko nê ànəê àgème aà tsè wuê mbɨ̀Ꞌɨ̀ bɔɔ shu am la.


AfɨꞋa bɔ zə la, bɔ̀ɔgème e fɔtè ntsàꞋtè a Mbɔ̧ɔ̧mà nê, “Mbɔ̧ɔ̧mà, wu àwɔ̀ à ghɨ̂ ègwet nè sitsǎꞋ, ngɨ̀ mèleb, nè èghɨ ègème àa tèbèm la.


ÈtsəꞋ e tsi, tà ye bòt Izəèlȩê ko babe nùà la, nê ye kɨ ètsəꞋne àyɔ̀ŋ àyɔb, shu abua yɔb nê, ‘Bɨ̀ zə, bɨ ghɨ̀ na ka me nû, bɨ wu bɔnyɨ la à?’


Ale, è me wu ànəa mànjɨa èghɨ bɔ nɨŋ njɨ̀a bènàmbəa la, ko baà ko nê, “Àghɨa ko a mbê ndâ ntsě mbɨ̀Ꞌɨ̀ nàmbəa,” mè nko nê, “Mbɔ̧ɔ̧mà nàà ndàꞋ wemɔ̀Ꞌ.”


Ale, e ngua səèŋkà ètû̧ bɨ̧ ane àtɔŋ yu Yesò Klistò ŋa abua am la shua nê, bɨ̀ ka tsi me ghɨ̀ mènəè mɨ̧ mbɨ̀Ꞌɨ̀ bòt bu kà ko a Mbɔ̧ɔ̧mà la. Mèmɨ̀ɨ̀te mɔb wu àku.


Bòt ngaa bàgème aà ndàꞋà ndɨ bɨ li mbà̧à̧ àwa àfɨ̀Ꞌ yu ba li nkɨ̀Ꞌɨ̂ emù àwɨ̧ la, mè shua ndɨ bɨ sà bènàmbəa bɨ̧, tè ntsìꞋa ntsàꞋtà wuê ngule Mbɔ̧ɔ̧mà yû̧ la.


Ka e mbakà yàŋè nkɨ̀Ꞌɨ̂, ko letà waa naa nyɨꞋte awɨ̧ ndɨ bàa bòt àndǎ̧ Mbɔ̧ɔ̧mà e bɔ ndɨ bàa me ghɨ̀ mènəè ma la. Eyaa wu àndǎ̧ bòt chɔsì Mbɔ̧ɔ̧mà wu tà wu yû̧ la. Bɔ wu èntɔ̧ nè àtetsi yu a baãaã èngǎ̧ Mbɔ̧ɔ̧mà wu è wû nkûŋ la.


Bɔnyɨ bɔ̧, bɨ̀ me ko awɨ̧ mbɨ̀Ꞌɨ̀ ka wòt kǒ wu ane yɨ̧ nè èntɨ̧ɨ̧ kàbɔ̀ŋ, tè ntù̧u̧ a Mbɔ̧ɔ̧mà yû̧, tà kà tsi ngua nkuŋa tò.


Èlȩjà li ngu wɔ̀bȩ̂ wuê mbɨ̀Ꞌɨ̀ bàa. Tà li ndâ ntsàꞋta Mbɔ̧ɔ̧mà nè èntɨ̧ɨ̧ vi wemɔꞋ nê mbɨ̀ŋ ka ndu, èngùꞋebȩ yetat nè àbà e me tsě, kètabe mbɨ̀ŋ kè ka chɨ̧ a si.


Tà ŋȩ ane àtɔŋ nɨ̧ nê, “Bɨ̀ bɔa Mbɔ̧ɔ̧mà, ŋa mèngùꞋte abua tò, nkàà nê àfɨꞋa tàa saꞋa bòt bàgème la a kuêꞋ. È wu ale, bɨ̀ wùꞋte atò wu tà ghɨ̀ ègwet nè sitsǎꞋ nè *èdzî, mè nè badzì bàgème la.”


E mbê mbɔ̀te a si a tèkate tò e wùꞋte atò. Tà shu abua am nê, “Ka ngɨ̀ ale. E ngu wuê wafàꞋ mbɨ̀Ꞌɨ̀ àwɔb nè bɔnyɨ bè bu bɔ bɨ̧ɨ̧ne èngǎ̧ Yesò la. WùꞋte wuê a Mbɔ̧ɔ̧mà.” Èngà̧ wu Yesò làꞋà la, wu àdziꞋa bèndàꞋàtɔŋ Mbɔ̧ɔ̧mà e nɨ mèngǎ̧ mɔb la.


E mè ndze nyà̧mɔ̀Ꞌ yu bɔ̂ bèfɔ̧̀ sitsǎꞋ nè bèshujà bɔb bɔ taŋkè e màꞋà èbet adù̧ wòt wu tà tseke a ègwet loà wu la bɔ̂ èbi nê bèshujà.


tà shu abua am nê, “Ka ngɨ̀ ale. E ngu wafàꞋ wuê mbɨ̀Ꞌɨ̀ àwɔ̀ nè bɔnyɨ bè bu è wù bèndàꞋàtɔŋ la, mè nè bòt bu bàgème bɔ̀ɔ ngɨ̀à àghɨa bɔ shɨ a èbem àkatè yaa la. WùꞋte wuê a Mbɔ̧ɔ̧mà.”


“Mbɔ̧ɔ̧mà Lefɨ̀Ꞌ wa leꞋ, à kùꞋu we bòt àa me shu nê à ghe, mè nkùkta we, mè ngùꞋtà we ane mètàŋ mè la. Wu àwɔ̀ à lè ghɨ èghɨ ègème, è mě ngu ane mènkɔ̀ŋke me ka èghɨ ègème e li ngu, mè ntsìꞋi èghɨ yu̧ la.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ