ÀfaꞋa 14:1 - Mundani

¹ Pɔ̂l bɔ̂ Bànabasì e li nga a Èkonìòm ale, mènəè bê nguê mbɨ̀Ꞌɨ̀ è li ntse a Antìɔ̀k la. Bɔ li nyi a èbem lob Mbɔ̧ɔ̧mà ndàꞋ èngǎ̧ e kweelè tè Bèjuê nyaŋ nè bòt kà wu Bèjuê e zì mèntɨ̧ɨ̧ mɔb ane Yesò.

ÀfaꞋa 14:1 ပူးပေါင်းရင်းမြစ်များ

Ntu̧ Ntsɔ̧̀ MAK 7:26

Àvi nga li ngu vi Glɨ̂k, bɔ bi atò a Sìlòfònisìà a èbem àlaꞋ a Silìà la. Tà li shù̧ù̧te a Yesò nê tà fəâ fo kàbɔ̀ŋ yu ane waã vi la.

Jɔ̌n 12:20

Bòt Glɨ̂k ko e li ngu àyɔb ayɔɔ bòt bu bɔ kɔꞋ ngà a Jèlusalèm àdziꞋa èpǎ̧ wu ewùꞋte a Mbɔ̧ɔ̧mà la.

Jɔ̌n 7:35

ÀfɨꞋa mbɔŋ Bèjuê bu e bùꞋ me biite a kètsìà wɔb nê, “Mbê waa kɨ ghà neŋǎ kà ba wu eye atò à? Tè tà kɨ ghǎ àlaꞋ a bòt Glɨ̂k, àdziꞋa bòt baa ko àa ntsèka la, mbɨ̀Ꞌɨ̀ me nyɨꞋte awɔb?

ÀfaꞋa 11:21

Mbɨ̀Ꞌɨ̀ bɔ̀ɔ ntsɔ̀tà la, mètàŋ Mbɔ̧ɔ̧mà wu ane yɔb tè bòt nyaŋ e taꞋa bɨ̧ɨ̧ne a Yesò, mè ndzì mèntɨ̧ɨ̧ mɔb ane tò.

ÀfaꞋa 13:43

Bɔ̀ taate abot bòt e me ghǎ, Bèjuê nyaŋ nè bòt kà wu Bèjuê bɔ kubtè me wùꞋte a Mbɔ̧ɔ̧mà kùŋè a Pɔ̂l bɔ̂ Bànabasì. Bɔntu̧ bu e laꞋ abua yɔb nê, bɔ̀ me baãaã èngǎ̧ Mbɔ̧ɔ̧mà ngà wuê nè mbì ngȩ̀ȩ̀ne a èten ntsɔ̧̀ tò.

ÀfaꞋa 13:46

Ale, Pɔ̂l bɔ̂ Bànabasì e bê mpàa ndàꞋ kà bɔɔ̀. “À nyɨꞋtè nê bà bɨa ndàꞋ èngǎ̧ Mbɔ̧ɔ̧mà abua yɨ̧. Ka ndɨ̀ wu bɨ tu̧ èngǎ̧ wu la, bɨ̀ ka meè nɨ awɨ̧ mbɨ̀Ꞌɨ̀ bòt betsiꞋa bɔ̀ ka bɔ mèmpème kàlìà la, baa sà àwɨ̧ etsiꞋi eghǎ me tsɔ̀te ntu̧ yaa abua bòt kà wu Bèjuê.

ÀfaꞋa 13:5

Bɔ ghà tê bɔ̀ nyi àpfəèà nɨ̧ yu è wu Sàlamì la, bɔ làꞋ èngǎ̧ Mbɔ̧ɔ̧mà a èbem lobte tò. Bɔ me gha ale nɨa Jɔ̌n Mak nê tà ghǎ me tɨŋe awɔb.

ÀfaꞋa 13:51

Bɔntu̧ bu e yò àbeb àpfəè və ntsì ane èka bɔb, me gha Èkonìòm.

ÀfaꞋa 14:19

Bèjuê ko e li ndɔ̀Ꞌ a Antìɔ̀k wu a Pìsidìà la, nè Èkonìòm nkɨ̀Ꞌɨ̂ ntsòkè àtsəa bòt bu, bɔ temte a Pɔ̂l ane àti, səŋne atò nɨŋ ndzə àpfəèà nɨ̧ yu ntanda nê tà pfə tê ndɔ̀Ꞌ.

ÀfaꞋa 14:2

Ka Bèjuê bu bɔ tu̧ ezə èngǎ̧ Mbɔ̧ɔ̧mà la e lute bòt kà wu Bèjuê tè ntsòkè ètsə bɔb bɔ tsiꞋi me pààbe bɔnyɨ ba bu.

ÀfaꞋa 14:21

Pɔ̂l bɔ̂ Bànabasì e li ntsɔ̀tè Ntu̧ Ntsɔ̧̀ yu a Debì tè bòt nyaŋ e tsiꞋi bɔkatè Yesò. Bɔ lɔꞋɔ abot nkua akwèn nga a Lislà, ndɔ̀Ꞌ nga a Èkonìòm, mbɔ̂ ntsè nga a Antìɔ̀k è wu a Pìsidìà la.

ÀfaꞋa 16:1

Pɔ̂l ba e li ngȩ̀ȩ̀nè ntse àpfəèà nɨ̧ a Debì, nga a Lislà. Wakatè Yesò kǒ li ngua ntsèka abot, èlen tò wu Tɔ̀màtià. Nyɨ̌ tò wu wòt Yesò mɨ̧̂, mbɔ̂ ngu wòt Juê, ka tǎt tò wu wòt Glɨ̂k.

ÀfaꞋa 16:2

Bɔnyɨ ba bu a Lislà nè Èkonìòm la e li ntàꞋa wua ndàꞋà mènəè ntsɔ̧̀ ane Tɔ̀màtià mbɔŋ.

ÀfaꞋa 17:12

Bòt nyaŋ ane yɔb e li ndzì mèntɨ̧ɨ̧ mɔb ane Yesò, fɔ̀ɔ̀le bèzi Glɨ̂k kekweelè nè mbâ̧tsə mɨ̧̂.

ÀfaꞋa 17:17

Ànəa mbɔŋ a ghɨ̀ bɔ̂ Bèjuê nè bòt kà wu Bèjuê bu bèa nkùkta Mbɔ̧ɔ̧mà la, e taꞋa kààne a èbem lob Mbɔ̧ɔ̧mà. Tà bɔ̂ mè me gha àsà̧aã èwen àli àgème nkàànà mènəè nè waa waa ntsèà tsě abot la.

ÀfaꞋa 17:4

ÀbəèꞋ àko ane yɔb a bɨ̧ɨ̧nè ànəa Pɔ̂l shua la tè fɔ̀te awɔb bɔ̂ Sȩlàs. Èngǎ̧ wu e ghɨ̀ tè bòt Glɨ̂k nyaŋ bɔ̀ɔ ngùꞋtà Mbɔ̧ɔ̧mà la nè bèzi kekweelè ko e fɔte ane Pɔ̂l ba mɨ̧̂.

ÀfaꞋa 18:4

È ghɨ̀ è wu àliapfəèa àgème tà gha a lob Mbɔ̧ɔ̧mà me mù mènəè tò, nê ye kɨ e ghɨ̌ Bèjuê nè bòt kà wu Bèjuê aa zì mèntɨ̧ɨ̧ mɔb ane Yesò.

ÀfaꞋa 18:8

Klipùs wu tà lè wu àtsəa lob Mbɔ̧ɔ̧mà Bèjuê yu la li ndzì èntɨ̧ɨ̧ vi ane Tè Yesò bɔ̂ bòt bi bàgème. Bòt ko nyaŋ a Kɔlìn e li ndzəâ èngǎ̧ Pɔ̂l ale, e ghɨ̀ bɔ tsiꞋi bòt Yesò tè bɔ zì àwɔb a èdzî.

ÀfaꞋa 19:10

Bɔ li ngɨ̀ àyaa ane èngùꞋebȩ yebe, tè Bèjuê bɔ̂ bòt Glɨ̂k bàgème bɔ̀ɔ ntsèka àbâ àlaꞋ a Esìà la e zə mènəè Yesò.

ÀfaꞋa 19:17

AfɨꞋa Bèjuê nè bòt Glɨ̂k bàgème a Efesɔ̀s e zə ànəê yaa la, kèbɔa ke baãaã awɔb, tè bɔ tsiꞋi me paa ngùꞋtà èlen Yesò Lefɨ̀Ꞌ mè mbɔ̀a lùà.

ÀfaꞋa 19:8

Pɔ̂l me ghǎ a èbem lob Mbɔ̧ɔ̧mà Bèjuê ndàꞋà kà bɔ̌, bɔ̂ bòt ane èŋu yetat. Tà ghɨ̀ tà ghǎ, tà me kàànè bɔ̂ tò ba, nkɨ e ghɨ̌ tê bɔɔ ko, e mě ye àghɨa Kèfɔ̧̀ Mbɔ̧ɔ̧mà wu yùà la.

ÀfaꞋa 2:47

Bɔ li ngua nguꞋta a Mbɔ̧ɔ̧mà tè waa waa ye nê bɔ wu bòt ntsɔ̧̀. Tè Yesò li ngua nkwèꞋnà bòt tà ŋa wɔb ngule mèmpème la ane yɔb àli àgème.

ÀfaꞋa 20:21

E ndi səèŋkè ètû̧ Bèjuê, nè bòt kà wu Bèjuê nê, bɔ̀ waꞋa mènəè kàbɔ̀ŋ mɔb, nkuŋe a Mbɔ̧ɔ̧mà, mè ndzì mèntɨ̧ɨ̧ mɔb ane Yesò Klistò Lefɨ̀Ꞌ wa.

ÀfaꞋa 21:28

Bɔ baãaã atò ale, me ŋȩa shua nê, “Bòt Izəèlȩê, bɨ̀ tɨ̀ŋe awa. Eyaa wu mbê wu tàa ngȩ̀ȩ̀nà nyɨ̀Ꞌta bòt bàgème nê bòt Izəèlȩê, nè mbɨ̧te Musì, fɔ̀ɔ̀lè ne lob nɨ̧ Mbɔ̧ɔ̧mà a Jèlusalèm wu èghɨ aku la. Ye atò àfɨ̀Ꞌ yaa tà chɨɨmè nɨ bòt ko kà wu Bèjuê nyi a èbem lob nɨ̧ Mbɔ̧ɔ̧mà a Jèlusalèm tè ntsòkè lob ngaa la.”

ÀfaꞋa 9:20

Tà li ndɔ̀Ꞌɔ abot mbê ngà nè lob Mbɔ̧ɔ̧mà Bèjuê mbùꞋ me làꞋà mènəè Yesò, shua nê, “Tà wu Waã Mbɔ̧ɔ̧mà.”

Lûm 1:16

Maà kà bɔ àtsəa kɔꞋɔ a ane Ntu̧ Ntsɔ̧̀ Mbɔ̧ɔ̧mà, nkàà nê, wu mètàŋ Mbɔ̧ɔ̧mà màa nɨa ntsɔ̀tà Ntu̧ Ntsɔ̧̀ yu nàa ngɨ̀à waa waa tà zi èntɨ̧ɨ̧ vi ane Yesò la peme la, ebùꞋu ane Bèjuê bu èngǎ̧ mbɔŋ e li mbɨ̀ abua yɔb la, eghǎ wu ane bòt kà wu Bèjuê.

Lûm 10:12

Bèjuê nè bòt kà wu Bèjuê e wu àghɨ yeamɔꞋ a mbì Mbɔ̧ɔ̧mà, ndɨ̀ wu tà wu Tǎt bòt bàgème, mè me lâ ndɔ̀ɔ̀là bòt bu bàgème bɔ̀ɔ ntɔ atò la.

Gàlashìà 2:3

Tȩtɔ̀s wu ba tò e li ngà nɔ̂ la li mbàte ngu wòt Glɨ̂k ale ka bɔ̀ ka lem ŋweele atò e ghɨ̌ bɔɔ naŋe tò mbɨ̀Ꞌɨ̀ taa tsiꞋi wòt Mbɔ̧ɔ̧mà.

Gàlashìà 3:28

BetsiꞋa bɔ̀ ka tsi nê wòt Juê è kubte ane wòt Glɨ̂k, àbùꞋ à ka kubte ane wòt ka wu àbùꞋ, mbâ̧ kà kubte ane àvi, nkàà nê bɨ̀agème e tsiꞋi àghɨ yeamɔꞋ ane Yesò Klistò.

Kɔ̀losìà 3:11

Mbɔ̧ɔ̧mà ghɨ a èlɨ̀ waa ale, Bèjuê è ka tsi ngu tsa, bòt kà wu Bèjuê aa wu tsa. Bòt bɔ naŋè àwɔb la è ka wu tsa, èbe kà bɔ naŋè àwɔb aa wu tsa. Bòt Sintìà è ka mê ngu tsa, bòt tèbemtebàꞋ aa wu tsa, èbùꞋ è ka wu tsa, bòt kà wu èbùꞋ aa wu tsa. Wòt bɔ yea àfɨ̀Ꞌ yaa la wu ndàꞋ Yesò Klistò, è mè ngu tòà tà wu ane yɨ̧ bɨ̀agème la.

2 Tɔ̀màtià 3:11

À ko ndɨ bɔ li ngua nkɨà àtsə am enɨ ane ànəa Yesò la, nè ngoꞋ e ndi ndzě a Antìɔ̀k, nè Ikoniòm, bɔ̂ Lislà la. Bɔ li ntaꞋa nyɔ̀Ꞌte a mànɨa àtsəa am, ka Tǎt wa ghɨ̀ e mpeme èvə ane mènəè ngaa ègème.