ÀfaꞋa 13:8 - Mundani

⁸ Ka wòt tèkàŋ wu bɔ̀ɔ ntɔ atò ane ndɨ̧ Glɨ̂k nê Èlimàs la me kɨ ekele a gɔvanɔ̀ wu nê mbɨ̀Ꞌɨ̀ tà zì èntɨ̧ɨ̧ vi ane Yesò.

ÀfaꞋa 13:8 ပူးပေါင်းရင်းမြစ်များ

Jɔ̌n 1:41

Ale, tà bê ngà nkɨ wanyɨ vi Simùn shu abua tò nê, “Ba yea Klistò, Fɔ̧̀ wu Mbɔ̧ɔ̧mà li ndzɔꞋ etsàà la.”

ÀfaꞋa 13:12

Mbɨ̀Ꞌɨ̀ gɔvanɔ̀ wu ye àghɨa a ghɨ̀ la, tà zì èntɨ̧ɨ̧ vi ane Yesò, mè ndzè na èngǎ̧ Mbɔ̧ɔ̧mà mbɔŋ bɔ làꞋa abua zi àfɨꞋa ngaa la e ghe la.

ÀfaꞋa 18:12

È li ngu àfɨꞋa bòt Luêm e yɔꞋɔ a Galiò ane gɔvanɔ̀ bòt àlaꞋ a Akayà la, Bèjuê e bù̧ù̧tè mbǎ̧ a Pɔ̂l nɨŋ nga a mbì èsaꞋa.

ÀfaꞋa 19:38

È wu laꞋ nê Dèmetulùs bɔ̂ bɔfàꞋ bi e baãaã wòt kǒ nê tà ghɨ̀ ànəê àko, bɔ nɨŋ nga abua bèkěm ane èli bu bɔ̀ɔ sàꞋa mèsaꞋa la.

ÀfaꞋa 6:7

Ale, èngǎ̧ Mbɔ̧ɔ̧mà e me paa nga a èdziꞋ èdziꞋ. Bɔkatè Yesò e mè ntaꞋa kwèꞋne a Jèlusalèm tè bèntsìà mèpɨ̧̀ Mbɔ̧ɔ̧mà nyaŋ e zə ndzì mèntɨ̧ɨ̧ mɔb ane Yesò mɨ̧̂.

ÀfaꞋa 8:9

Wòt kǒ li ngu àpfəa nɨ̧ və bɔ me tɔ atò nê Simùn. Tà ghɨ̀ tà lute tèkaŋtsə tè ànəa ngaa a bê ntsè wòt ègème a Sàmalìà. Simùn waa ghɨ̀ tà me wu̧u̧ nkùꞋ zi shua nê ye ghe.

ÀfaꞋa 9:36

Àvi kǒ li ngu a Jopà, èlen tò wu Tàbità, tà wu wakatè Yesò la. (Ane ndɨ̧ Glɨ̂k èlen tò lu wu Dɔkàs, ngua shua nê tà wu èmvə.) Tà li ntàꞋa wua ngɨ̀à ntsɔ̧̀ mè ntɨ̀ŋa bòt ntseb àfɨ̀Ꞌ àgème.

2 Tɔ̀màtià 3:8

Bòt mbɔŋ bɔ̀ɔ ngèèba ale la aa ntù̧a mènəè nkûŋ wuê mbɨ̀Ꞌɨ̀ Janèsìs bɔ̂ Jamblès è le tu̧u̧ mènəè mu Musì li ngua ndàꞋà la. Eyaa wu bòt bɔ̀ɔ ka tsi nko nkwàꞋtè mènəè ntsɔ̧̀, mèntɨ̧ɨ̧ mɔb ka meè ndâ ngu ane Yesò la.