ÀfaꞋa 13:46 - Mundani

⁴⁶ Ale, Pɔ̂l bɔ̂ Bànabasì e bê mpàa ndàꞋ kà bɔɔ̀. “À nyɨꞋtè nê bà bɨa ndàꞋ èngǎ̧ Mbɔ̧ɔ̧mà abua yɨ̧. Ka ndɨ̀ wu bɨ tu̧ èngǎ̧ wu la, bɨ̀ ka meè nɨ awɨ̧ mbɨ̀Ꞌɨ̀ bòt betsiꞋa bɔ̀ ka bɔ mèmpème kàlìà la, baa sà àwɨ̧ etsiꞋi eghǎ me tsɔ̀te ntu̧ yaa abua bòt kà wu Bèjuê.

ÀfaꞋa 13:46 ပူးပေါင်းရင်းမြစ်များ

Matìù 10:6

Ka bɨ ghà wuê abua bòt Izəèlȩê bu bɔ̀ wu mbɨ̀Ꞌɨ̀ njɨ̀te te nyɔ la.

Matìù 21:41

Bɔ bɨ̀ɨ̀lè nê “Ko taa bùŋe bòt kàbɔ̀ŋ mbɔŋ kà ku tèsȩ, ebɔ ŋa mbȩ mbɔŋ abua bòt tsa bɔɔ me faꞋa ŋa èwe tò nè èghàb àfɨꞋa ntsɔ̧̀.”

Matìù 21:43

“Ale, Yesò mè nê ‘TsiꞋ è shua wɨ̧ nê bɔɔ nɨ àdziꞋ yu Mbɔ̧ɔ̧mà ŋa abua yɨ̧ a èbem Kèfɔ̧̀ vi la eŋa abua bòt bɔɔ ghɨ̌ àghɨa Mbɔ̧ɔ̧mà nàa nkɨà la.’ ”

Matìù 25:46

“ÀfɨꞋa mbɔŋ ko bòt kàbɔ̀ŋ bu aa gha àdziꞋa kà ngoꞋ wu li elìa, èbe ntsɔ̧̀ bu e egha àdziꞋa mèmpème kàlìà.”

Lûk 24:47

Mè nê, bòt e bɔ̂ ndɨ bɔ̀ɔ bùꞋu a Jèlusalèm e tsɔ̀te abua bòt èlaꞋ ègème, ane èlen tò, nê bòt è kubte mènəè kàbɔ̀ŋ mɔb, mbɨ̀Ꞌɨ̀ Mbɔ̧ɔ̧mà naa waꞋa bèkàbɔ̀ŋ bɔb la.

Jɔ̌n 1:11

Tà kɨꞋɨ abua bòt àlaꞋ yu è wù àyea tò la, bɔ̀ ka sèè atò.

Jɔ̌n 4:22

Bɨ̀a bòt Sàmalìà aa ngùꞋtà wòt kà ko atò, ka bàa Bèjuê e ko wòt ba wùꞋta la, nkàà nê, Mbɔ̧ɔ̧mà li ndàà Bèjuê nê bɔ̀ shu bòt ndɨ yèa ŋǎ mèmpème la.

ÀfaꞋa 13:14

Bɔ lɔ̀Ꞌɔ a Pegà nga a Antìɔ̀k a èbem Pìsidìà. È wu àliapfəè a Bèjuê bɔ gha a lob Mbɔ̧ɔ̧mà yɔb ntsèke a si.

ÀfaꞋa 13:26

“Bɔnyɨ bɔ̧, bòt àndǎ̧ Abàlàghâm, nè bòt kà wu Bèjuê a si ŋàa bɔ̀ɔ nguꞋta a Mbɔ̧ɔ̧mà la, bɨ̀ zə. Ntu̧ mèmpème kàlìà yaa wu abua ya.

ÀfaꞋa 13:5

Bɔ ghà tê bɔ̀ nyi àpfəèà nɨ̧ yu è wu Sàlamì la, bɔ làꞋ èngǎ̧ Mbɔ̧ɔ̧mà a èbem lobte tò. Bɔ me gha ale nɨa Jɔ̌n Mak nê tà ghǎ me tɨŋe awɔb.

ÀfaꞋa 19:9

Ka bòt àtsə àkekweelè ko ane yɔb è ka wua nkɨ ebɨ̧ɨ̧ne, bɔ tsiꞋi me làꞋà mènəè kàbɔ̀ŋ ane Alu̧ Yesò waa a mbì ndzɔ̀ŋ bòt yu. Ale, Pɔ̂l sà bèŋût, ntsìꞋi nɨ wuê bɔkatè Yesò bu. Àli àgème bɔ̂ tò ba e me baãaãte èngǎ̧ Mbɔ̧ɔ̧mà a èbem tsâ̧ wu Tìlanùs li ngua ndàꞋà abua bòt la.

ÀfaꞋa 22:21

“Yesò shu abua am nê, ‘Dù, nkàà nê maa nga etsàà awê a endɨ̌ abua bòt kà wu Bèjuê.’ ”

ÀfaꞋa 26:20

E ndi mbɨ̀ ndàꞋ èngǎ̧ Yesò a Dàmaskɔ̀s, me tsɔꞋɔ ndaꞋa a Jèlusalèm, mè ndaꞋa àlaꞋ a Bèjuê àgème, ka mbɔ̂ ndaꞋa abua bòt kà wu Bèjuê. E ndi ngua ndaꞋa shua nê, bɔ̀ ghɨ̀ mènəè mu è nyɨꞋtè nê, bɔ waꞋa mènəè kàbɔ̀ŋ mɔb la, mbɨ̀Ꞌɨ̀ etsiꞋi bòt bɔ̀ɔ nkuŋa a Mbɔ̧ɔ̧mà la.

ÀfaꞋa 28:28

Pɔ̂l è ghɨ̀ ale, tà lìà nê, “Bɨ̀ ko nê Ntu̧ Ntsɔ̧̀ yu nàa shua ndɨ Mbɔ̧ɔ̧mà nàa tsǐ bòt a èbem kàbɔ̀ŋ wɔb la, è ghà tê ngu abua bòt kà wu Bèjuê, tè bɔ̀ɔ wu e yutè.”

ÀfaꞋa 3:26

È wu ale, bɨ̀ ko nê, bɨ wu bòt mbì Mbɔ̧ɔ̧mà li ndȩ̀ Waã vi ntsaa abua yɨ̧ la. Tà li ntsaa atò nê tà ghɨa bɨ̀ sà mènəè kàbɔ̀ŋ mɨ̧ mbɨ̀Ꞌɨ̀ yea lɔ̀ɔ̀lè àwɨ̧.”

ÀfaꞋa 4:13

Bòt èsaꞋa bu e ye ndɨ Pità bɔ̂ Jɔ̌n e làꞋà kà bɔ̀â la, ànəa ngaa a bê ntsè àwɔb. A ghɨ̀ ale, mè ntsè àwɔb ezə nê Pità bɔ̂ Jɔ̌n wu bòt kànəè, kà lèm ndi me ghǎ àkatè. AfɨꞋa mbɔŋ bɔ ko nê Pità bɔ̂ Jɔ̌n e li ngua ngȩ̀ȩ̀nà bɔ̂ Yesò ba.

ÀfaꞋa 7:51

Stifèn làꞋ ale mè nê, “Bɨ ghɨ̀ na ka me kweele àtsə anè à? Mèntɨ̧ɨ̧ mɨ̧ ghɨ̀ na ka nkwèèle tè bɨ bê ntû̧ eyute èngǎ̧ Mbɔ̧ɔ̧mà à? Bɨ bê ngu wuê mbɨ̀Ꞌɨ̀ bètǎt nyaꞋ bɨ̧. Bɨ̀a mbɔŋ e taꞋa wua ntu̧a eyute ànəa Fo Kèfə nàa shua la.

ÀfaꞋa 9:20

Tà li ndɔ̀Ꞌɔ abot mbê ngà nè lob Mbɔ̧ɔ̧mà Bèjuê mbùꞋ me làꞋà mènəè Yesò, shua nê, “Tà wu Waã Mbɔ̧ɔ̧mà.”

Lûm 1:16

Maà kà bɔ àtsəa kɔꞋɔ a ane Ntu̧ Ntsɔ̧̀ Mbɔ̧ɔ̧mà, nkàà nê, wu mètàŋ Mbɔ̧ɔ̧mà màa nɨa ntsɔ̀tà Ntu̧ Ntsɔ̧̀ yu nàa ngɨ̀à waa waa tà zi èntɨ̧ɨ̧ vi ane Yesò la peme la, ebùꞋu ane Bèjuê bu èngǎ̧ mbɔŋ e li mbɨ̀ abua yɔb la, eghǎ wu ane bòt kà wu Bèjuê.

Lûm 2:10

Ka Mbɔ̧ɔ̧mà bɔ̂ ngu wùꞋte, e kukte, e mě ŋa àlàŋkà èntɨ̧ɨ̧ abua waa waa tàa ngɨ̀a ntsɔ̧̀ la, ebùꞋu ane Bèjuê bu bɔ li mbɨ̀ ndzə èngǎ̧ Mbɔ̧ɔ̧mà la, eghǎ wu ane bòt kà wu Bèjuê.

Filìpȩ 1:14

Ànəa ko yeamɔꞋ wu nê, tèfȩ tàa è ngu a èbèm la, te ghɨ̂ bɔnyɨ ba nyaŋ e paà nkweele ane ànəa Lefɨ̀Ꞌ, tè ntsìꞋa ndàꞋà èngǎ̧ tò kà bɔ̀ɔ̂.

Ebùlù 11:34

ndììme mèwet kèkweelè, ndɔ̀Ꞌ ndùùlà bòt nkɨ ebùŋè àwɔb nè nyitsə la. Bòt baa e li mbàte ngua njùa ka mbɔ̂ ntsìꞋi bòt kekweelè a mànua èbet tè ndènè bèshujà èlaꞋ tsa ngɨ̀ bɔ lùùlà.