ÀfaꞋa 13:2 - Mundani

² Mbɨ̀Ꞌɨ̀ bɔ̀ɔ ntsèka kà jɨ èghɨjɨ mè ntsàꞋta Mbɔ̧ɔ̧mà la, Fo Kèfə shu abua yɔb nê “Bɨ̀ tsàa a Bànabasì bɔ̂ Sɔ̂l bɔ̀ ghǎ me ghɨ̌ àfàꞋ yaa mâ nɔ̀ŋe abua yɔb la.”

ÀfaꞋa 13:2 ပူးပေါင်းရင်းမြစ်များ

Matìù 17:21

[Ka è bakà wu nê, wòt naa me tseke kà jɨ àghɨ mè ntsàꞋta Mbɔ̧ɔ̧mà tà kà ko fəè èwuu yaa nè fo kàbɔ̀ŋ.]

Matìù 6:16

“Bɨ me kɨ etseke kà jɨ àghɨ mbɨ̀Ꞌɨ̀ etsàꞋte a Mbɔ̧ɔ̧mà, bɨ̀ ka màꞋà tèsȩtsə ane yɨ̧ mbɨ̀Ꞌɨ̀ bòt bu bɔ̀ɔ shua nê bɔ wu àghɨa kà wu yùà la àa ngɨ̀à la. Bɔ̀ɔ ngɨ̀ bɔ màꞋà ngɨ̧̀ɨ̧̀nè ane yɔb mbɨ̀Ꞌɨ̀ bòt aa ko nê bɔ wua ntsèka kà jɨ àghɨ. Ane nkûŋ, tsiꞋ è shua wɨ̧ nê bɔ bɔ àbȩ̀ yɔb tè ndɔ̀Ꞌ.

Matìù 9:38

È wu ale, bɨ shu̧u̧te a Tǎt mbȩ nê tà tsàa bòt màfuꞋa a mbȩ zi.”

Lûk 10:1

Yesò Lefɨ̀Ꞌ li ntsèke tè ndàà bɔkatè ko èghem yesà̧à̧mbe ntsɔ̀b babe nɨŋ nkwèꞋnè ane bɔkatè bi bu èghem ntsɔ̀b babe la. Tà ghɨ̀ ale, ntsàà àwɔb babe babe a mbì, a èpfəè nɨ̧ ègème nè èdziꞋ ègème tà bɔ̂ ndɨ yèa ghǎ la,

Lûk 2:37

Ka mbɔ̂ ngu nempfə àfɨꞋa mbɔŋ ane èngùꞋebȩ èghem yefà̧aã ntsɔ̀b yekwì. Anà mbɔŋ li ngua ntsèka a èbem lob nɨ̧ Mbɔ̧ɔ̧mà àfɨ̀Ꞌ àgème nkùkta atò ètsəꞋ bɔ̂ nèngû̧, ntsèka àfɨ̀Ꞌ àko kà jɨ èghɨjɨ mbɔ̂ me tsàꞋte wuê a Mbɔ̧ɔ̧mà.

ÀfaꞋa 10:19

Mbɨ̀Ꞌɨ̀ Pità bèla nkwàꞋtà àghɨa àtsə yu tà ghɨ̂ ndze la a shu atò la, Fo Mbɔ̧ɔ̧mà è tɔ atò nê, “Zə, bòt batat e kɨꞋɨ̀ adzìꞋ yaa me kɨ awê.

ÀfaꞋa 10:30

Kɔ̀nelìà bɨ̀ɨ̀lè nê, “Nàà lɔ̀Ꞌ ngu àfɨ̀Ꞌ yaa anè, ane èli batat, e ngua ntsàꞋtà a Mbɔ̧ɔ̧mà a lob yaã ane nyèm tetat àfɨꞋa nèngû̧. AfɨꞋa mbɔŋ wòt kǒ kwaãaã ndìte tèa nkàꞋtà la, mbê nkɨ̀Ꞌɨ̂ ntɨ̧ɨ̧ a mbì laã

ÀfaꞋa 13:3

Bɔ mè ntsàꞋte a Mbɔ̧ɔ̧mà kà jɨ èghɨjɨ, mbɔ̂ nɔ̀ŋè èbu bɔb àtsə ayɔb ntsàà àwɔb bɔ me ghǎ.

ÀfaꞋa 13:4

Mbɨ̀Ꞌɨ̀ Fo Kèfə è tu̧u̧ a Bànabasì bɔ̂ Sɔ̂l la, bɔ chu nga àpfəèà nɨ̧ yu è wu Sèlesìà la. Bɔ gha abot, bɔ nyi a èbem ànkànuꞋ nga àlaꞋ Sȩplùs yu a èbem èdzî la.

ÀfaꞋa 14:26

Bɔ̀ lɔ̀Ꞌɔ abot, bɔ nyi a èbem ànkànuꞋ ngwènè a Antìɔ̀k, è wù àdziꞋa bɔ̀ le zi awɔb a tèkitebu Mbɔ̧ɔ̧mà nê tà baabe awɔb bɔ̀ gha ngɨ̀ àfàꞋ yaa bɔ wu anè mpààtâ la.

ÀfaꞋa 20:28

Bɨ̀ me lɨ̀ŋkè àwɨ̧ bɨ̀ambɔŋ nè bòt bu Fo Kèfə è zì àwɔb a tèkitebu tɨ̧ la ntsɔ̧̀. Bɨ̀ me lɨ̀ŋke a chɔsì Mbɔ̧ɔ̧mà mbɨ̀Ꞌɨ̀ mbaabà nàa mbààba njɨ̀ ti la. Waã Mbɔ̧ɔ̧mà li mpfə ka ngɨ̀ bòt mbɔŋ e tsiꞋi èbe Mbɔ̧ɔ̧mà.

ÀfaꞋa 22:21

“Yesò shu abua am nê, ‘Dù, nkàà nê maa nga etsàà awê a endɨ̌ abua bòt kà wu Bèjuê.’ ”

ÀfaꞋa 4:36

Eyaa wu ndɨ Jòsêb wu tà li ngu wòt àndǎ̧ Levì bɔ bi atò àlaꞋ a Sȩplùs la, li ngɨ̀ la. Bɔntu̧ Yesò e li ngua ntɔ atò nê Bànabasì (ngua shua nê, “Wòt tàa ndzìà èntɨ̧ɨ̧ bɔnyɨ bi la”).

ÀfaꞋa 6:4

Bɨ ghɨ̀ ale, ko bàambɔŋ aà nga tsiꞋi baãaã wuê àfaꞋa màntsaꞋta a Mbɔ̧ɔ̧mà nè màndaꞋa èngǎ̧ tò.”

ÀfaꞋa 8:29

Fo Mbɔ̧ɔ̧mà shu abua Filìb nê, “Dù àlia me ghȩȩne a ngèt àkàt zia.”

ÀfaꞋa 9:15

Tè Yesò mè shu abua Ànàniàs nê, “Ghà wuê ghǎ, nkàà nê mâ lȩ̀ atò nê tà faꞋa àfàꞋ am. Nê tà tɨŋe bòt kà wu Bèjuê bɔ̂ bèfɔ̧̀ bɔb, nè bòt Izəèlȩê bàgème bɔ ko wòt è ngu wùà la.

Lûm 1:1

Letà Pɔ̂l wɔ̀fàꞋ Yesò Klistò, Mbɔ̧ɔ̧mà lè tɔ nê tà me tsɔ̀te Ntu̧ Ntsɔ̧̀ yu è dzə abua zi la.

Lûm 10:15

Wòt nàa mě tsɔ̀te èngǎ̧ Mbɔ̧ɔ̧mà na kà bɔ tu̧u̧ atò à? A wu mbɨ̀Ꞌɨ̀ bɔ shɨ a èbem Àkata Mbɔ̧ɔ̧mà la nê, “Wu kwàꞋ ànəa ntsɔ̧̀ e ye bòt bu bɔ̀ɔ nɨa Ntu̧ Ntsɔ̧̀ nkɨ̀Ꞌa la.”

Lûm 15:16

tà nɨŋ ngɨ̀ e ntsiꞋi wafàꞋ Yesò Klistò la. Maà ntsɔ̀tà Ntu̧ Ntsɔ̧̀ Mbɔ̧ɔ̧mà abua bòt kà wu Bèjuê ale, àfàꞋ am a wu mbɨ̀Ꞌɨ̀ àfaꞋa ntsìà mèpɨ̧̀, e ghɨ̌ Mbɔ̧ɔ̧mà naa nɨ awɔb mbɨ̀Ꞌɨ̀ àghɨa èpɨ̧̀ a kuꞋ, nkàà ndɨ Fo Kèfə ghɨ awɔb ane bòt Mbɔ̧ɔ̧mà la.

1 Kɔlìn 12:11

Èghɨ baa ègème nàà ŋǎ wuê Fo yaa yemɔ̀Ꞌ la mbɨ̀Ꞌɨ̀ tà kɔ̀ŋke la. Wòt ègème nàà mbɔ̌ è vi ne èghàb tsa.

1 Kɔlìn 7:5

Wòt ka tù̧ù̧ èku̧ abua wekǒ kà wu ànəa bɨ làŋkè nê à wu ane kètem àfɨ̀Ꞌ, mbɨ̀Ꞌɨ̀ bɨa nɨ àfɨꞋa mbɔŋ e me tsàꞋte a Mbɔ̧ɔ̧mà la. Bɨ̀ paa bɨ mè me fɔte àdziꞋ mbɨ̀Ꞌɨ̀ Satàn kɨ̀kè àwɨ̧ nkàà ndɨ betsiꞋa bɨ̀ ka koê ntsèke kà fɔte èku̧ la.

2 Kɔlìn 11:27

Mâ fâꞋ mbɔ̀ tèbəꞋtsə, ndì àtatsi ngò̧ nyaŋ, ntsèka kà ye èghɨjɨ ejɨ kò mèleb enu leꞋ. Mâ tsèke ngò̧ nyaŋ kà jɨ àghɨ, è nka mê ndzè lob e tseke a èbèm, è nka mê ndzè ndǐ ekwaãaã a èfɨ̀Ꞌ ko.

2 Kɔlìn 6:5

Bɔ shu̧a wa, ndzì awa a tèfȩ, banɔ̧̀ e lɔ̀kè mèbet ambo ya, ba fàꞋà nkà̧aã, ndia àtatsi, mè ntsèka ndzìtsə.

Gàlashìà 1:15

Ka àfɨꞋa a li mbɔ a Mbɔ̧ɔ̧mà wu tà li ndàà am ka bɔɔ li ebi am la, tà nɨ̀ tèsȩ ti ntɔ am ane èkɔŋ vi,

Efesɔ̀s 3:7

Mbɔ̧ɔ̧mà li ngɨ̀ e ngu wafàꞋ a màntsɔta Ntu̧ Ntsɔ̧̀ yaa. E ntsɔ̀ta ane èghab wu tà ŋa abua am la. Tà li ŋa am èghab waa ane mètàŋ mi.

Kɔ̀losìà 4:17

Bɨ̀ shu abua Achipùs nê, “Ye nê à paa àfàꞋ yu bɔ̀ le ŋa abua ye nê faꞋa mbɨ̀Ꞌɨ̀ wòt ntɨ̀ŋa Tè Yesò la.”

1 Tɔ̀màtià 2:7

Eyaa wu lə Mbɔ̧ɔ̧mà li ndzì am ane wantu̧ vi nê, è me tsɔ̀te ntu̧ yaa abua bòt kà wu Bèjuê la. Tà li nê, è nyɨꞋte èngǎ̧ vi wu è wû nkûŋ la abua bòt, mbɨ̀Ꞌɨ̀ bɔɔ la ebɨ̧ɨ̧ne. È nka laꞋà mèfà̧. E shua nkûŋ.

2 Tɔ̀màtià 1:11

Mbɔ̧ɔ̧mà è lȩ̀ am ane wantu̧ vi nê è nyɨꞋte mè ntsɔ̀tè Ntu̧ Ntsɔ̧̀ yu abua bɔbȩ.

2 Tɔ̀màtià 2:2

Nɨ mèngǎ̧ Mbɔ̧ɔ̧mà mu à li ndzə e ndàꞋ abua bòt nyaŋ la ndzì a tèkitebu ngule bòt bu bɔ kùꞋu a mànyɨꞋta bòt ko la mɨ̧̂.

2 Tɔ̀màtià 4:11

Wu ndàꞋà Luêk tà tsìꞋì ba tò a si ŋàa la. Nɨ a Mak, bɨ tò è kɨꞋɨ nɔ̂, nkàà nê taa tɨŋe am ane àfàꞋ yaa.

2 Tɔ̀màtià 4:5

È wu awê, ko me baabe awê àfɨ̀Ꞌ àgème, nkìà ngoꞋ. Baãaã àfàꞋ ayê mbɨ̀Ꞌɨ̀ wòt màntsɔta Ntu̧ Ntsɔ̧̀ Yesò, mè me nɨ àfàꞋ ayê ngà wuê nè mbì mbɨ̀Ꞌɨ̀ ngule wɔ̀fàꞋ Mbɔ̧ɔ̧mà.

Ebùlù 5:4

Ba ko mɨ̧̂ nê wòt nàà kà kukte àvi zìambɔŋ e ghɨ̀ avi ane àtsəa bèntsìà mèpɨ̧̀ Mbɔ̧ɔ̧mà. Wu Mbɔ̧ɔ̧mà ka tàa ŋǎ èlen ngaa abua wòt wuê mbɨ̀Ꞌɨ̀ tà li ŋǎ abua Alɔ̀n la.