ÀfaꞋa 13:15 - Mundani

¹⁵ Bɔ̀ tɔ mbɨ̧te Musì, nè àkata bèndàꞋàtɔŋ Mbɔ̧ɔ̧mà, bòt àtsəa lob Mbɔ̧ɔ̧mà Bèjuê e tsàà ntu̧ abua yɔb nê, “Bɔnyɨ ba baa nkɨà nê bɨ̀ làꞋa èngà̧ abua bòt baa, na bɨ bɔ èngà̧ e kɨɨte awɔb la.”

ÀfaꞋa 13:15 ပူးပေါင်းရင်းမြစ်များ

Ntu̧ Ntsɔ̧̀ MAK 5:22

Wajûŋ kǒ a èbem lob Mbɔ̧ɔ̧mà èlen tò wu Jalùs la, kɨꞋɨ̀, tà ye a Yesò, tà tèmè tènjûŋ ti a si a mbì tò

Lûk 16:16

“Bòt e li ngua ndzəa wuê mènəè mbɨ̧te Musì nè mèngǎ̧ bèndàꞋàtɔŋ Mbɔ̧ɔ̧mà eghǎ edzəâ ane àfɨ̀Ꞌ Jɔ̌n ndzìà èdzî. E bùꞋu àfɨꞋa mbɔŋ Ntu̧ Ntsɔ̧̀ kèfɔ̧̀ Mbɔ̧ɔ̧mà wu a mètsəê bòt bɔ̀ tsɔ̀tà, tè waa waa tà zə la tsiꞋa nùà ane ètɨ̧̂ nkɨ enyi a èbem.

ÀfaꞋa 1:16

“Bɔnyɨ bɔ̧, èngǎ̧ Mbɔ̧ɔ̧mà wu Fo Kèfə li ngɨ̀ Fɔ̧̀ Dàbid làꞋà ane ànəa Judàs la, e li mbɔ̌ ndɨ àa wu nkûŋ la. Fɔ̧̀ Dàbid li shu ndɨ Judàs wu wòt tàa li tɨ̧ɨ̧ a mbì e ghɨ̌ ka bɔɔ baãaã a Yesò la.

ÀfaꞋa 13:27

Bòt bu a Jèlusalèm la nè bɔɔjuŋ bɔb e li bɔ̀ ka ko nê Yesò wu wòt tàa ŋàa mèmpème kàlìà la. Bɔ̀ ka lem nko mèngà̧ mu bɔ̀ɔ ntɔ a èbem àkatè bèndàꞋàtɔŋ Mbɔ̧ɔ̧mà àliapfəè Bèjuê àgème la. Ka mbɔ̂ ngɨ̀ mèngà̧ mu bèndàꞋàtɔŋ Mbɔ̧ɔ̧mà è le wua ndàꞋà la è te, ndɨ̀ wu bɔ li mbuŋe a Yesò la.

ÀfaꞋa 15:21

Ngu nê ebuꞋu te àlia mbì bɔ taꞋa wua ntɔ mbɨ̧te Musì a èbem lobte Mbɔ̧ɔ̧mà àliapfəè Bèjuê àgème mè mbèla ntɔ wuê tùà a èpfəè nɨ̧ ègème.”

ÀfaꞋa 15:7

Bɔ bù̧ù̧te a si ale, ndaꞋ ane àfɨ̀Ꞌ à seè, ka àtsə à ka wuê. Pità tseke tè ndɔ̀Ꞌ a si nê, “Bɔnyɨ bɔ̧, bɨ ko nê è li ngu te àfɨ̀Ꞌ àko Mbɔ̧ɔ̧mà e lȩ̀ am a kètsìà wɨ̧ nê è ntsɔ̀te Ntu̧ Ntsɔ̧̀ abua bòt kà wu Bèjuê mbɨ̀Ꞌɨ̀ bɔɔ zə e zì mèntɨ̧ɨ̧ mɔb ane Yesò.

ÀfaꞋa 18:17

ÀfɨꞋa mbɔŋ, bɔ̀ɔgème e baãaã a Sostènès wu, tà lè wu àtsəa lob Mbɔ̧ɔ̧mà yɔb la, ndène atò a mbì èsaꞋa wu. Ka ànəa ngaa à ka lem mbùꞋ kèmbǎ̧ ane Galiò.

ÀfaꞋa 18:8

Klipùs wu tà lè wu àtsəa lob Mbɔ̧ɔ̧mà Bèjuê yu la li ndzì èntɨ̧ɨ̧ vi ane Tè Yesò bɔ̂ bòt bi bàgème. Bòt ko nyaŋ a Kɔlìn e li ndzəâ èngǎ̧ Pɔ̂l ale, e ghɨ̀ bɔ tsiꞋi bòt Yesò tè bɔ zì àwɔb a èdzî.

ÀfaꞋa 2:29

“Bɔnyɨ bɔ̧, maà làꞋa tê bɨa ko ndɨ tǎt nyaꞋ wa Dàbid li ngu la. Tà li mpfə bɔ tu atò, tè àtsəasì atò a bele nè laane waa ba yea.

ÀfaꞋa 2:37

Mbɨ̀Ꞌɨ̀ bòt bu abot la e zə èngà̧ waa la, e baãaãte awɔb a mèntɨ̧ɨ̧ mɔb. Bɔ biitè a Pità nè bɔntu̧ Yesò ko bu nê, “Bɔnyɨ ba, baa chɨɨme ghɨ̀ naà?”

ÀfaꞋa 2:4

AfɨꞋa mbɔŋ Fo Kèfə nyi a mèntɨ̧ɨ̧ mɔb tè waa waa tsiꞋi me làꞋà ane ndɨ̧te èlaꞋ tsa tsa, mbɨ̀Ꞌɨ̀ Fo Kèfə è ŋa wɔb mètàŋ la.

ÀfaꞋa 20:2

Tà me ghǎ, tà tsè èdziꞋ ko nyaŋ ndàꞋà mèngǎ̧ nɨŋ ndɔ̀ktè bòt Yesò. Ndɔ̀Ꞌ a edziꞋi mbɔŋ nga a àlaꞋ a Glɨ̂k,

ÀfaꞋa 22:1

Pɔ̂l nê, “Bètǎt bɔ̧ nè bɔnyɨ bɔ̧, bɨ̀ yute èngǎ̧ am mbɨ̀Ꞌɨ̀ è nkɨ etsǐ ànəê àtsə am a mbì lɨ̧ anè la.”

ÀfaꞋa 4:36

Eyaa wu ndɨ Jòsêb wu tà li ngu wòt àndǎ̧ Levì bɔ bi atò àlaꞋ a Sȩplùs la, li ngɨ̀ la. Bɔntu̧ Yesò e li ngua ntɔ atò nê Bànabasì (ngua shua nê, “Wòt tàa ndzìà èntɨ̧ɨ̧ bɔnyɨ bi la”).

ÀfaꞋa 7:2

Stifèn bɨ̀ɨ̀lè nê, “Bɔnyɨ bɔ̧ nè bètǎt bɔ̧, bɨ̀ yute èngǎ̧ am. Mbɔ̧ɔ̧mà wu ènɨ̧ tò e ghe la li saꞋa a mbì tǎt nyaꞋ wa Abàlàghâm, afɨꞋa tà li ngua ntsèka àlaꞋ a Mèsòpòtamìà ka li eghǎ me tseke àpfəèà nɨ̧ a Alàn la.

Lûm 12:8

Wòt èwe tò nè èghàb wu màndzìa mèntɨ̧ɨ̧ bòt la, tà me zǐ, wòt èwe tò wu màŋa èghɨ abua bòt la, tà me ŋa ka kuule abua. Wòt tà wu àtsə bòt la, me fàꞋa ntsɔ̧̀, wòt tàa ngɨa ntsɔ̧̀ la me ghɨ nê àŋwàŋne.

1 Kɔlìn 14:3

Ane àbâ ko, wòt wu tàa ndaꞋa ane àtɔŋ Mbɔ̧ɔ̧mà la laꞋa abua bɔbȩ, ntɨ̀ŋa bɔnyɨ bɔb ngɨ̀à mèntɨ̧ɨ̧ mɔb kweelà, mè ndzìà mèntɨ̧ɨ̧ mɔb.

2 Kɔlìn 3:14

Bɔ li ngu bɔ̀ɔ ngɨ̀ bɔ̀ zə ndɨ wòt tɔ àkata mènkàꞋa kèkweelè nyǎꞋ Mbɔ̧ɔ̧mà la, bɔ̀ ka ko ànəa a shua la, ngu nê ètsə bɔb e li è ka ghaꞋtè. Eyaa wu èlɨ ètsə bɔb ngaa è bele ekɨꞋɨ dzəè laane la. Wòt nàa ngɨ̀ tà tsìꞋi àghɨ yeamɔꞋ nè Yesò Klistò, ka ndǐ mbɔŋ bɔ̂ ndzə a èsi tò.

1 Tèsàlonikà 2:3

Ba li me nyɔ̀Ꞌta nkɨà bòt aa bɨ̧ɨ̧ne ànəa Ntu̧ Ntsɔ̧̀ Mbɔ̧ɔ̧mà ale, mèfà̧ kà wu adù̧, bà ka bɔ mèmɨ̀ɨ̀te kàbɔ̀ŋ, bà ka mê ngua fìbla wòt kǒ.

Ebùlù 13:22

Bɔnyɨ bɔ̧, bɨ̀ yute èngà̧ waa e nɨa nkɨ̀ɨ̀ta wɨ̧ la ntsɔ̧̀. Letà waa mâ shɨ abua yɨ̧ la wu kètem àkatè.