ÀfaꞋa 12:19 - Mundani

¹⁹ Elɔ̀d zə ànəa ngaa nê bɔ̀ kɨ atò, ka bɔ kɨ kekaŋ. Tà mè mbììte bèmbaabà bu àdziꞋa Pità è ghà la bɔ̀ ka shu, tà nê bɔ bùŋè àwɔb a nkub. Mbɨ̀Ꞌɨ̀ mènəè maa e tsè la, Elɔ̀d è lɔ̀Ꞌɔ a Jùdià ngà ntsèke ane àfɨ̀Ꞌ àko àpfəèà nɨ̧ yu è wu Sìsalìà la.

ÀfaꞋa 12:19 ပူးပေါင်းရင်းမြစ်များ

Matìù 2:1

Bɔ li mbia Yesò a Betèlèghêm àbâ àlaꞋ a Jùdià àfɨꞋa Elɔ̀d lè wu fɔ̧̀ la. Àfɨ̀Ꞌ a me wu bòt èyì ko bɔ dzə àbâ yu nyèm nàa sàꞋa la e kɨꞋɨ̀ a Jèlusalèm.

Matìù 2:13

ÀfɨꞋa bòt èyì bu e ghà la, wantu̧ Mbɔ̧ɔ̧mà kɨ̀Ꞌɨ̂ abua Jòsêb a ndzò̧ shu abua tò nê, “Lɔ̀Ꞌɔ a si nɨ̀ waã wu bɔ̂ nyɨ̌ vi ndùùlà ngà a Ejìb. Bɨa ghǎ bɨ tseke abàꞋ və tè àfɨꞋa mâ shu nê bɨ dzəa la. E shua anè nkàà nê Elɔ̀d nàà me kɨ waã wu ebùŋe.”

Matìù 2:16

Mbɨ̀Ꞌɨ̀ Elɔ̀d tseke te ndze nê bòt èyì bu e fɨte avi la, ànəa mbɔŋ a lu̧u̧me atò kwàꞋ ànyaꞋne. Ale, tà tsà bòt nê bɔ̀ ghǎ a Betèlèghêm nè èdziꞋ ègème a ngèt və mbùŋè bɔmbâ̧ bàgème be lu̧u̧ èngùꞋebȩ yebe la, nè ebe kà zìꞋ ndù̧ èngùꞋebȩ yebe. Tà le me shu ale, nko laꞋ nê ye kwaꞋtè ebuꞋu ane àfɨ̀Ꞌ yu bòt èyì bu e le shua vi nê bɔ ye kěnto̧ fu la.

ÀfaꞋa 12:18

AfɨꞋa ètsəꞋ e tsi la, àtsəa bèmbaabà bu a bê mbɨ ane àghɨa a ghɨ ane Pità la.

ÀfaꞋa 12:4

Bɔ baãaã a Pità ale ndzi atò a tèfȩ mbɔ̂ ngɨ̀ bèshujà bakwì bakwì e me baabe atò ane èlaã bekwì. Elɔ̀d ghɨ̀ ale, me kwàꞋte nê, bɔɔ jɨ èpǎ̧ Màntsea a ègwet yea saꞋa atò a kètsìà banɔ̧̀.

ÀfaꞋa 12:6

È li ngu ètsəꞋ wu ètsəꞋ àa tsi Elɔ̀d naa tsǐ a Pità esaꞋa atò la, tà wu a kètsìà bèmbaabà babe tà nɔ̀ŋkè me li la. Bɔ kùùle atò ane fȩ tebe ngà èsele ane bèmbaabà bu babe la. Bèmbaabà ko e bɔ̂ ngu a ètsəê lob tèfȩ yu bɔ tɨ̧ɨ̧te la.

ÀfaꞋa 16:27

Wòt wu tàa nkȩ̀ ètsəê lob tèfȩ yu la lɔ̀Ꞌɔ a si me ko ètsələèꞋ wu e wu jìa, tà tanda nê bɔtefȩ bu bàgème e luulà. Ale, tà sɔ̀ anyǐ vi nê, ye kɨ esɔ̀ɔ̀bè àvi.

ÀfaꞋa 21:8

ÈtsəꞋ e tsi, ba lɔ̀Ꞌ nga a àpfəè yu è wu Sìsalìà la, me tseke a lob Filìb kǒ tà lè wu wòt tàa ntsɔ̀tà Ntu̧ Ntsɔ̧̀ Yesò la. Filìb mbɔŋ li ngu wòt kǒ ane bòt bu basà̧à̧mbe bɔ̀ le lɔꞋɔ ndàà àwɔb a Jèlusalèm la.

ÀfaꞋa 25:13

È me wu àfɨ̀Ꞌ àko, Fɔ̧̀ Aglipà bɔ̂ Bènisì e kɨꞋɨ a Sìsalìà etsàꞋte a Festɔ̀s e mě esèe atò.

ÀfaꞋa 27:42

Mbɨ̀Ꞌɨ̀ èghɨ bàa aà ngɨ̀à la, bèshujà bu e laŋkè nê bɔɔ bùŋe bòt tèfȩ bu bàgème, mbɨ̀Ꞌɨ̀ wòt kǒ ane yɔb yɔꞋ nga aguŋ ndùùlà.

ÀfaꞋa 8:40

Filìb me ye ntsìꞋa a èbem àpfəèà nɨ̧a Azotùs. Ngà me ghȩȩna ntsɔ̀tà Ntu̧ Ntsɔ̧̀ Yesò a èpfəè nɨ̧ ègème tè ngà ngu a Sìsalìà.