ÀfaꞋa 11:24 - Mundani

²⁴ Bànabasì li ngu wòt ntsɔ̧̀ tà taꞋa zì èntɨ̧ɨ̧ vi ane Yesò la, Fo Kèfə mè ntàꞋa lu̧u̧ a èntɨ̧ɨ̧ tò tè tà ghɨ̀ bòt nyaŋ e taꞋa zi mɔb ne mèntɨ̧ɨ̧ ane Yesò mɨ̧̂.

ÀfaꞋa 11:24 ပူးပေါင်းရင်းမြစ်များ

Matìù 12:35

Wòt ntsɔ̧̀ nàà nyɨ̀Ꞌta ntsɔ̧̀ vi ane èghɨ ntsɔ̧̀ bu a èntɨ̧ɨ̧ tò la, wòt kàbɔ̀ŋ me nyɨꞋta kàbɔ̀ŋ vi ane èghɨ kàbɔ̀ŋ bu a èntɨ̧ɨ̧ tò la.

Matìù 19:17

Yesò bɨ̀ɨ̀lè nê, “À ghɨ̀ na ka me tɔ am ane wòt ntsɔ̧̀ à? Wòt nàà ndàꞋ wemɔ̀Ꞌ tà wu wòt ntsɔ̧̀ la. À me kɨ ebɔ mèmpème kàlìà, à me nɔ̀ŋe mbɨ̧te Mbɔ̧ɔ̧mà.”

Lûk 23:50

Wòt kǒ li ngu èlen tò wu Jòsêb, tà dzəa àpfəèa Bèjuê yu bɔ̀ɔ ntɔ̀ nê Àlimàtià la. Tà li ngu wòt lob èsaꞋa mè ngu wòt ntsɔ̧̀, mènəè tò è tɨ̧ɨ̧ ndɨŋndɨ̀ŋ la. Tà li ngua nchɨ̀Ꞌà kèfɔ̧̀ Mbɔ̧ɔ̧mà nàa kɨꞋɨ. Tà li mbàte ngu wòt kǒ ane bòt saꞋa bu ale, ka tà kà bɨ̧̀ɨ̧̀nè ànəa bɔ li ngɨ̀ la.

Jɔ̌n 7:12

Ènɔ̧̂ bòt bu abot la e ghɨ̀ ale ntaꞋa làꞋa adù̧ èlen tò. Bòt ko e ghɨ̀ ale me shu nê tà wu wòt ntsɔ̧̀. Ka èbeko e me shu nê, “ChaꞋ, tàà ntsòkà ètsə bòt.”

ÀfaꞋa 11:21

Mbɨ̀Ꞌɨ̀ bɔ̀ɔ ntsɔ̀tà la, mètàŋ Mbɔ̧ɔ̧mà wu ane yɔb tè bòt nyaŋ e taꞋa bɨ̧ɨ̧ne a Yesò, mè ndzì mèntɨ̧ɨ̧ mɔb ane tò.

ÀfaꞋa 2:4

AfɨꞋa mbɔŋ Fo Kèfə nyi a mèntɨ̧ɨ̧ mɔb tè waa waa tsiꞋi me làꞋà ane ndɨ̧te èlaꞋ tsa tsa, mbɨ̀Ꞌɨ̀ Fo Kèfə è ŋa wɔb mètàŋ la.

ÀfaꞋa 2:47

Bɔ li ngua nguꞋta a Mbɔ̧ɔ̧mà tè waa waa ye nê bɔ wu bòt ntsɔ̧̀. Tè Yesò li ngua nkwèꞋnà bòt tà ŋa wɔb ngule mèmpème la ane yɔb àli àgème.

ÀfaꞋa 24:16

È wu ale, màa ngɨ̀ e me nyɔ̀Ꞌte àfɨ̀Ꞌ àgème ebɔ èntɨ̧ɨ̧ kà wua fèèlè am a mbì Mbɔ̧ɔ̧mà bɔ̂ wɔ̀bȩ̂.

ÀfaꞋa 5:14

Ka àfɨ̀Ꞌ a tsekè me wu, mbâ̧tsə nè bèzi e taꞋa zì mèntɨ̧ɨ̧ mɔb ane Tǎt wa, tè nkwèꞋnê ènɔ̧̂ bòt bu.

ÀfaꞋa 6:3

È wu ale, bɔnyɨ ba, bɨ lȩ̀ bòt basà̧à̧mbe a kètsìà wɨ̧ bɨ ko nê bòt aa ndaꞋa ntsɔ̧̀ ane tèlen tɔb, Fo Mbɔ̧ɔ̧mà mè ndù̧u̧ a mèntɨ̧ɨ̧ mɔb, bɔ mè mbɔ èyì la, bà zi ànəa yaa a tèkitebu tɔb.

ÀfaꞋa 6:5

Bɔ làꞋ ale bòt Yesò bu bàgème e kɔ̀ŋkè ànəê yu bɔntu̧ tò bu e shu la. Bɔ lȩ̀ a Stifèn wu tà li ntaꞋa zǐ èntɨ̧ɨ̧ vi ane Yesò, Fo Kèfə mè ntaꞋa wu ane tò la, mè ndȩ̀ a Filìb bɔ̂ Plòkolùs nè Nikanɔ̀, bɔ̂ Timɔ̀n, nè Pàmenàs, ndɔ̀Ꞌ nè Nikòlâs, wòt Antìɔ̀k, tà kubtè ntsìꞋi wòt Juê la.

ÀfaꞋa 6:8

Stifèn li ngu wòt Mbɔ̧ɔ̧mà tàꞋa lɔ̀ɔ̀le atò mè ntàꞋa ŋa atò mètàŋ tà nɨŋ ngɨ̀ tèwuute ènəê kà ye fɨ̀Ꞌ bɔ̂ ngɨŋa ènəê nɨŋ nyɨ̀Ꞌte mètàŋ Mbɔ̧ɔ̧mà a kètsìà bòt la.

ÀfaꞋa 9:31

Eyaa wu ndɨ a li tsè ka chɔsì wu a èlaꞋ a Jùdià, bɔ̂ Galìlî, nè Sàmalìà la e nyaꞋa ntsèke ntsɔ̧̀ la. Bɔ̀ li nkwèèlê, nkwèꞋnê ntàꞋa yaãaã, mbɨ̀Ꞌɨ̀ bɔ li ngua ntsèkâ ntsàꞋta a Tè Yesò la. A li ngu a èlɨ̀ waa nkàà nê Fo Kèfə li ngu ane yɔb.

Lûm 15:15

Ka mâ nɨ àkweela èntɨ̧ɨ̧ è shɨ abua yɨ̧ enɨ ku̧u̧te awɨ̧ ane èghɨ ko, nkàà ntsɔ̧̀ Mbɔ̧ɔ̧mà wu

Lûm 5:7

Wu ànəa kekweelè wòt nàa pfə ambo wòt tàa ndzèa tò nê tà tɨ̧ɨ̧ ndɨŋndɨ̀ŋ la, mbɔ̂ a teko betsiꞋa wòt pfəa ambo wòt ntsɔ̧̀.