ÀfaꞋa 11:14 - Mundani

¹⁴ Taa làꞋa èngǎ̧ àa ghɨ̌ bɨ bòt bê bàgème aa peme la.’

ÀfaꞋa 11:14 ပူးပေါင်းရင်းမြစ်များ

Ntu̧ Ntsɔ̧̀ MAK 16:16

Wòt ègème tà bɨ̧ɨ̧ne Ntu̧ mbɔŋ tè bɔ zì atò a èdzî la, naa bɔ mèmpème. È wu wòt kà bɨ̧̀ɨ̧̀ne, ko aa li ebɨɨ a ŋut.

Lûk 19:10

Aa ale nkàà nê, Waã Wòt kɨꞋa ekɨ bòt bu bɔ nyɔ la, etsì àwɔb a èbem kàbɔ̀ŋ wɔb.”

Jɔ̌n 12:50

Mâ ko mɨ̧̂ nê èngǎ̧ wu tà li nê è me làꞋà la aa ŋǎ mèmpème kàlìà. Ale, ànəa e ndàꞋà la wu wuê ànəa Tǎt am è shu nê è ndaꞋa la.”

Jɔ̌n 20:31

Ka bɔ shɨa maa mbɨ̀Ꞌɨ̀ bɨa bɨ̧ɨ̧ne nê, Yesò wu Fɔ̧̀ wu Mbɔ̧ɔ̧mà li ndzɔꞋ etsàà la, mè ndɔ̀Ꞌ ngu Waã Mbɔ̧ɔ̧mà. Bɨ bɨ̧ɨ̧nà ndzìà èntɨ̧ɨ̧ wɨ̧ ane Yesò ko taa ghɨ̌ bɨa bɔ mèmpème.

Jɔ̌n 4:53

ÀfɨꞋa mbɔŋ tǎt waã wu ku̧u̧te nê, eyaa wu àfɨ̀Ꞌ yu Yesò nàà nê, waã vi wu naa kweele la. Ale, bɔ̂ bòt bi bàgème e bê ndzì mèntɨ̧ɨ̧ mɔb ane Yesò ntsìꞋi bòt tò.

Jɔ̌n 6:63

Fo Mbɔ̧ɔ̧mà ka nàa ngɨ̀a bòt e bɔ mèmpème la, betsiꞋa wɔ̀bȩ̂ ka bɔ mua ane mi ne mètàŋ. Mèngǎ̧ maa e ndaꞋa abua yɨ̧ la dzə abua Fo Mbɔ̧ɔ̧mà, è mè ngu mùà ka nàa ŋǎ mèmpème kàlìà la.

Jɔ̌n 6:68

Simùn wu èlen tò ko wu Pità la bɨ̀ɨ̀lè nê “Tê, à kɨa nê bà ghǎ abua waa tsa à? Wu ndàꞋ àwɔ̀ ka à bɔ mèngǎ̧ nàa ŋǎ mèmpème kàlìà la.

ÀfaꞋa 10:2

Ta li ngu wòt Mbɔ̧ɔ̧mà, me wùꞋtè a Mbɔ̧ɔ̧mà bɔ̂ bòt bi bàgème, mè ntàꞋa wua ntɨ̀ŋa bòt ntseb ayɔɔ Bèjuê, mè ntsàꞋtà a Mbɔ̧ɔ̧mà àfɨ̀Ꞌ àgème.

ÀfaꞋa 10:22

Bɔ bɨ̀ɨ̀lè nê, “Kɔ̀nelìà, tǎt bèshujà è tu̧u̧ awa. Tà wu wòt tàa nguꞋta Mbɔ̧ɔ̧mà la. Bèjuê bàgème e taꞋa wua nkùkta atò. Wantu̧ Mbɔ̧ɔ̧mà kǒ shu abua atò nê, tà kàꞋà àwê à kɨꞋɨ a lob tò, mbɨ̀Ꞌɨ̀ taa zə ànəa àa shu la.”

ÀfaꞋa 10:43

BèndàꞋàtɔŋ nyaꞋ Mbɔ̧ɔ̧mà bàgème è le laꞋa ànəa tò nê, wòt ègème tà zi èntɨ̧ɨ̧ vi ane tò la, Mbɔ̧ɔ̧mà naa waꞋa a kàbɔ̀ŋ ŋut ane mètàŋ èlen Yesò.”

ÀfaꞋa 10:6

Pità wu nàà ntsèka a lob Simùn wu tà wu wòt tàa fàꞋa ane gubtenyà̧ la. Lob tò wu a ngèt *èdzî.”

ÀfaꞋa 11:13

Tà shu ndɨ yèa lɔ̀Ꞌ ndze wantu̧ Mbɔ̧ɔ̧mà kǒ tà kɨꞋɨ nyi a lob zi la, shu abua zi nê, ‘Tsaa wòt ko a Jopà tà ghǎ ntɔ Simùn wu bɔ̀ɔ ntɔ atò nê Pità la.

ÀfaꞋa 16:15

Bɔ zì atò a èdzî bɔ̂ bòt lob tò, tà kàꞋ awa nê “Ndɨ̀ wu bɨ laꞋnê e ntsiꞋi ngule wòt Yesò la, bɨ̀ kɨꞋɨ me tseke a lob yaã.” Èngǎ̧ tò wu e ŋwèèlè awa ngɨ̀ ba gha a lob və.

ÀfaꞋa 18:8

Klipùs wu tà lè wu àtsəa lob Mbɔ̧ɔ̧mà Bèjuê yu la li ndzì èntɨ̧ɨ̧ vi ane Tè Yesò bɔ̂ bòt bi bàgème. Bòt ko nyaŋ a Kɔlìn e li ndzəâ èngǎ̧ Pɔ̂l ale, e ghɨ̀ bɔ tsiꞋi bòt Yesò tè bɔ zì àwɔb a èdzî.

ÀfaꞋa 2:39

Mbɔ̧ɔ̧mà kàꞋà mènəè maa abua yɨ̧ nè bɔ̧ bɨ̧ bàgème. Tà kàꞋà mènəè maa mɨ̧̂ abua bòt bɔ bele a endɨ̌ la, nè waa waa tàa tɔ atò nê tà kɨꞋɨ nkùŋe àvi la.”

1 Kɔlìn 1:16

(Mâ ku̧u̧te àfɨ̀Ꞌ yaa nê e ndi ndzì Stefanàs bɔ̂ bòt lob zi a èdzî mɨ̧̂, ka è mbakà tsi nko wòt kǒ tsa e ndi ndzìa tò a èdzî la, ka nè bòt baa.)