ÀfaꞋa 10:36 - Mundani

³⁶ Bɨ koê ntu̧ yu tà lè tsaa abua bòt Izəèlȩê la. Ntu̧ Ntsɔ̧̀ mbɔŋ nàà shua ndɨ baa bɔ àlàŋkè nè Mbɔ̧ɔ̧mà mbɨ̀Ꞌɨ̀ ba zì mèntɨ̧ɨ̧ ma ane Yesò Klistò wu, tà wu Fɔ̧̀ àtsəa bòt bàgème a sitsǎꞋ ŋàa la.

ÀfaꞋa 10:36 ပူးပေါင်းရင်းမြစ်များ

Matìù 10:6

Ka bɨ ghà wuê abua bòt Izəèlȩê bu bɔ̀ wu mbɨ̀Ꞌɨ̀ njɨ̀te te nyɔ la.

Matìù 11:27

“Tǎt am è ŋa èghɨ ègème abua am. Wòt kǒ tà lâ ko waã, kà wu tǎt tò la tsě; wòt kǒ tà meè ndâ ko a tǎt waã kà wu waã mbɔŋ la ka wu, nè bòt waã wu kɔ̀ŋkè nê bɔ̀ ko atò la.

Matìù 28:18

Yesò kɨ̀Ꞌɨ̂ a ngèt yɔb shu abua yɔb nê, “Mbɔ̧ɔ̧mà ŋa mètàŋ nàa ègwet nè sitsǎꞋ la ègème abua am.

Lûk 1:79

eŋa èkaꞋà ane bòt bu a èbem ndzěm yu è wuê mbɨ̀Ꞌɨ̀ mbàꞋ èvə la, e ghɨ̌ bàa ghȩ̀ȩ̀ne ane alu̧ àlàŋkà èntɨ̧ɨ̧.”

Lûk 24:47

Mè nê, bòt e bɔ̂ ndɨ bɔ̀ɔ bùꞋu a Jèlusalèm e tsɔ̀te abua bòt èlaꞋ ègème, ane èlen tò, nê bòt è kubte mènəè kàbɔ̀ŋ mɔb, mbɨ̀Ꞌɨ̀ Mbɔ̧ɔ̧mà naa waꞋa bèkàbɔ̀ŋ bɔb la.

ÀfaꞋa 10:37

Bɨ koê taꞋa ànəê yu a li ngɨ̀ a èbem àlaꞋ a Jùdià la, e bùꞋ àlaꞋ a Galìlî, afɨꞋa Jɔ̌n li ndàꞋ èngǎ̧ ànəa màndzia a èdzî la.

ÀfaꞋa 11:19

Bòt Yesò bu e li ntààte afɨꞋa bɔ li mbùŋe a Stifèn me kɨ àtsəa yɔb enɨ la. ÀbəèꞋ àko ane yɔb a li ngà tè ngu àlaꞋ a Fònisìà, nè àlaꞋ a Sȩplùs, nè Antìɔ̀k, ngȩȩna a èdzìꞋ baa ntsɔ̀tà Ntu̧ Ntsɔ̧̀ yu wuê abua Bèjuê.

ÀfaꞋa 13:32

“Ba wu a si ŋàa e tsɔ̀te Ntu̧ Ntsɔ̧̀ e laꞋ ànəê yu Mbɔ̧ɔ̧mà li shu abua bètǎt nyaꞋ ba nê yea ghɨ̀ la.

ÀfaꞋa 13:46

Ale, Pɔ̂l bɔ̂ Bànabasì e bê mpàa ndàꞋ kà bɔɔ̀. “À nyɨꞋtè nê bà bɨa ndàꞋ èngǎ̧ Mbɔ̧ɔ̧mà abua yɨ̧. Ka ndɨ̀ wu bɨ tu̧ èngǎ̧ wu la, bɨ̀ ka meè nɨ awɨ̧ mbɨ̀Ꞌɨ̀ bòt betsiꞋa bɔ̀ ka bɔ mèmpème kàlìà la, baa sà àwɨ̧ etsiꞋi eghǎ me tsɔ̀te ntu̧ yaa abua bòt kà wu Bèjuê.

ÀfaꞋa 2:36

“Bɨ̀a bòt Izəèlȩê bàgème, bɨ ko nkûŋ nkûŋ nê, Mbɔ̧ɔ̧mà lȩ̂ a Yesò wu bɨ li ngù̧ù̧te atò a mbɨ̧̀ mbasa la ane Tǎt wa, mè ndzɔ̀Ꞌɔ atò mbɨ̀Ꞌɨ̀ Fɔ̧̀ wu ye tsàà la.”

ÀfaꞋa 5:31

Mbɔ̧ɔ̧mà li ndɔke atò ntsìà àbâ àbualu̧ azi mbɨ̀Ꞌɨ̀ Fɔ̧̀ nè Mpemnà. Tà li ndɔ̀ke atò mbɨ̀Ꞌɨ̀ eŋa bòt Izəèlȩê èlu̧ bɔ̀ɔ kubte ane mènəè kàbɔ̀ŋ mɔb yea waꞋa a kàbɔ̀ŋ wɔb mɨ̧̂.

Lûm 14:9

Yesò Klistò li mpfə mè njù̧ù̧me, mbɨ̀Ꞌɨ̀ wu Tǎt abua bòt bɔ pfəꞋte la nè bòt bɔ̀ bele be yû̧ la.

Lûm 5:1

Ndɨ̀ wu Mbɔ̧ɔ̧mà nɨ awa mbɨ̀Ꞌɨ̀ bòt bɔ tɨ̧ɨ̧ ndɨŋndɨ̀ŋ a mbì li nkàà ndɨ̀ wu baa zì mèntɨ̧ɨ̧ ma ane tò la, baa bɔ àlàŋkè nè Mbɔ̧ɔ̧mà nkàà àghɨa Yesò Klistò Lefɨ̀Ꞌ wa ghɨ ane ya la.

1 Kɔlìn 15:27

Àkata Mbɔ̧ɔ̧mà a laꞋnê, “Mbɔ̧ɔ̧mà zǐ èghɨ ègème a èten èka tò”, ka àa me shu ale, à ka wu nê Mbɔ̧ɔ̧mà wu tà zǐ èghɨ ègème a èten èka Yesò Klistò la wu a eten èka tò mɨ̧̂.

1 Kɔlìn 15:47

Wòt mbì li ngu wòt sitsǎꞋ, ngu wòt bɔ nɨ ètsaꞋ ka ngɨ̀ atò la, è we kwèn wu wòt ègwet.

Filìpȩ 2:11

Èghɨ baa ègème e mè ngu elàꞋa ane mètsəê mɔb nê, Yesò Klistò wu Tǎt a ègwet àghɨ àgème, mbɨ̀Ꞌɨ̀ àghɨ àgème aa wùꞋtè èlen Tǎt tò Mbɔ̧ɔ̧mà.

Kɔ̀losìà 1:20

Mbɔ̧ɔ̧mà li ntse ane Waã vi mbɔŋ ka ngɨ̀ èghɨ ègème e mè ngwènè a èten Mbɔ̧ɔ̧mà wu. Èvə Waã Mbɔ̧ɔ̧mà a mbɨ̧̀ mbasa ka e li ngɨ̀ Mbɔ̧ɔ̧mà ghɨ̀ àlàŋkè, èghɨ ègème a ègwet nè sitsǎꞋ e mè ngwènè a èten tò la.

Ebùlù 1:2

Ka nè àfɨ̀Ꞌ yaa ngɔ̀ŋ tsìꞋa ndìa lìa la, tà tsiꞋi tsàà Waã vi tà me làꞋa abua ya. Waã mbɔŋ wu wòt wu tà tsě ane tò ngɨ̀ ngɔ̀ŋ yaa, mbɔ̂ nê taa tɨ̧ɨ̧ àtsəa èghɨ ègème la.

Ebùlù 13:20

TsiꞋ Mbɔ̧ɔ̧mà àlàŋkè wu, tà li njù̧ù̧ma Yesò Lefɨ̀Ꞌ, TaꞋà Mbaabà njɨ̀tsə la, è tsě ane àlo̧ a mènkàꞋa kèkweelè mu kà wu èli lìa la,

1 Pità 3:22

Yesò ghǎ a ègwet, tè ngu àbâ àbualu̧ a Mbɔ̧ɔ̧mà tà tseke la, nè bɔntu̧ Mbɔ̧ɔ̧mà nè ghàa ghàa a ègwet a bɔ àtɔŋ nè mètàŋ la a wu a èten tò.

Ètsə 1:18

mè ngu wòt wu tà wu yu̧ la. E ndi mpfə, ka nè àfɨ̀Ꞌ yaa e ntsiꞋi yu̧ kà wu li e tsi pfə. Mâ bɔ nkȩ̀ȩ̀te èvə nè ète àdziꞋa àlaꞋ a bèmpfəà.

Ètsə 1:5

Ntsɔ̧̀ waa nè àlàŋkè yaa a mè dzə abua Yesò Klistò wu tàa ndàꞋà wuê nkûŋ, ndɔ̀Ꞌ ngu wòt mbì Mbɔ̧ɔ̧mà li mbɨ̀ njù̧ù̧me atò, tà mè ngu àtsəa bèfɔ̧̀ bàgème a ngɔ̀ŋ ŋaa la. Yesò è kɔ̀ŋkè àwa nɨ̀ àlo̧ azi è shùù a kàbɔ̀ŋ wa, mbɨ̀Ꞌɨ̀ e ghɨ baa peme.

Ètsə 17:14

Bɔɔ nù èbet nè Wanjɨ̀ wu, ka Wanjɨ̀ wu bɔ̂ ngu tsè àwɔb, nkàà nê tà wu Tǎt bètǎt bàgème mè ngu Fɔ̧̀ bèfɔ̧̀ bàgème. Bòt tò bu tà làà àwɔb bɔ mèe me kùŋe atò nè èntɨ̧ɨ̧ wɔb wemɔꞋ la aa li wu bɔ̂ tò ba nɔ̂.”

Ètsə 19:16

Bɔ shɨ èlen ko a ègwet ndǐ tò nè ègwet ètaã tò nê, “Fɔ̧̀ bèfɔ̧̀, nè Tǎt bètàt.”