ÀfaꞋa 10:34 - Mundani

³⁴ Pità bùꞋ me làꞋà nê, “Maà ndzèa àfɨ̀Ꞌ yaa nê, wu nkûŋ nê Mbɔ̧ɔ̧mà nàà mbà̧à̧tâ wòt ègème kà lȩ èsi.

ÀfaꞋa 10:34 ပူးပေါင်းရင်းမြစ်များ

Matìù 22:16

Ale, bɔ tsà bɔkatè bɔb nè bòt bu bɔ̀ɔ nkuŋa Elɔ̀d la abua Yesò, bɔ kɨꞋɨ̀ mbììte atò nê, “NyɨꞋtà, baa ko nê àà ndàꞋà wuê nkûŋ, mè nyɨ̀Ꞌta mènəè Mbɔ̧ɔ̧mà wuê mbɨ̀Ꞌɨ̀ nàa la, kà wua njùta ànəa bòt àa ndàꞋà la. Nkàà nê àà kà nɨ àghɨa wòt wu yùà la mbɨ̀Ꞌɨ̀ àghɨa ko.

Matìù 5:2

tà bùꞋ me nyɨꞋte awɔb mèngà̧ maa shua nê;

Lûk 20:21

Bòt bu e biite a Yesò nê, “NyɨꞋtà, ba ko nê èghɨ àa shua mè nyɨ̀Ꞌta la wu nkûŋ. À kà wua njùta ànəa bòt àa ndàꞋà la, ka mbɔ̂ me nyɨꞋte bòt nkûŋ ndɨ Mbɔ̧ɔ̧mà nàa nkɨà nê bòt è wu la.

ÀfaꞋa 10:33

Ale, e mbê ntu̧ ntɔ awê. À ghɨ̌ ntsɔ̧̀ na à kɨꞋɨ la. Bàa gème e wu anè adzìꞋ yaa a mbì Mbɔ̧ɔ̧mà nkɨ ezə ànəa tà tu̧u̧ awê nê à kɨꞋɨ shu awa la.”

ÀfaꞋa 15:9

Tà li nyɨ̀Ꞌte nê ba tò ba e tsiꞋi àghɨ yeamɔꞋ, ndzòò mèntɨ̧ɨ̧ mɔb, ndɨ̀ wu bɔ zì mèntɨ̧ɨ̧ mɔb ane Yesò la.

ÀfaꞋa 8:35

Filìb è bùꞋ ane àdziꞋa àkatè yu mbê wu wua ntɔ la shu atò Ntu̧ Ntsɔ̧̀ yu ane Yesò la.

Lûm 2:11

Mbɔ̧ɔ̧mà naa ghɨ̀ anè nkàà nê tàà saꞋa bòt kà lȩ mèsi.

Lûm 3:29

Kò wu nê Mbɔ̧ɔ̧mà wu wuê Mbɔ̧ɔ̧mà Bèjuê le è? Tè tà ntsě Mbɔ̧ɔ̧mà bòt kà wu Bèjuê mɨ̧̂? Tà wu Mbɔ̧ɔ̧mà bòt kà wu Bèjuê mɨ̧̂,

Gàlashìà 2:6

Èbɔ è me wu ebu bɔ li ngu mbɨ̀Ꞌɨ̀ bɔɔjuŋ la, (kò bɔ li ngu ghà leꞋ, ko àyu a li à ka ye am, nkàà nê Mbɔ̧ɔ̧mà nàà kà lȩ mèsi bòt kà sàꞋ àwɔb.) Bɔɔjuŋ mbɔŋ e li bɔ̀ ka kweꞋnè ànəa fi ako ane èngǎ̧ am.

Efesɔ̀s 6:9

Bɨ̀a wu bɨ bɔ èbùꞋ la, bɨ̀ me baãaã wɔb ntsɔ̧̀ mɨ̧̂, bɨ̀ ka me kàà wɔb, nko nê tǎt wu tà bɔ awɨ̧ bàgème la wu a ègwet. Tàà saꞋa bòt kà lȩ mèsi.

Kɔ̀losìà 3:11

Mbɔ̧ɔ̧mà ghɨ a èlɨ̀ waa ale, Bèjuê è ka tsi ngu tsa, bòt kà wu Bèjuê aa wu tsa. Bòt bɔ naŋè àwɔb la è ka wu tsa, èbe kà bɔ naŋè àwɔb aa wu tsa. Bòt Sintìà è ka mê ngu tsa, bòt tèbemtebàꞋ aa wu tsa, èbùꞋ è ka wu tsa, bòt kà wu èbùꞋ aa wu tsa. Wòt bɔ yea àfɨ̀Ꞌ yaa la wu ndàꞋ Yesò Klistò, è mè ngu tòà tà wu ane yɨ̧ bɨ̀agème la.

Kɔ̀losìà 3:25

Waa Waa tàa ngɨa kàbɔ̀ŋ la naa li ye ngoꞋ nkàà kàbɔ̀ŋ vi, ka ŋut màà ngu wu wà leꞋ, nkàà nê Mbɔ̧ɔ̧mà nàà sàꞋa bòt kà lȩ mèsi.

Jimsì 2:1

Bɔnyɨ bɔ̧, ndɨ̀ wu bɨ zì mèntɨ̧ɨ̧ mɨ̧ ane Yesò Klistò Lefɨ̀Ꞌ wa wu ènɨ̧ tò e ghe la, bɨ̀ ka me baãaãte bòt ndȩ̀à mèsi.

Jimsì 2:4

Bɨ ghɨ̀ ale, ko aa wua nyɨ̀Ꞌta nê, bɨa mbà̧à̧ta bòt a kètsìà wɨ̧ ndȩ̀à mèsi, mè sàꞋa bòt ane èlɨ kàbɔ̀ŋ.

Jimsì 2:9

Ka è wu nê, bɨà mbà̧à̧ta bòt ndȩ̀à mèsi, ko bɨ ghɨa kàbɔ̀ŋ, mbɨ̧te Mbɔ̧ɔ̧mà te mè mbà̧à̧ àwɨ̧ mbɨ̀Ꞌɨ̀ bòt bɔ̀ɔ mpààtà mbɨ̧tsə la.

1 Pità 1:17

Ndɨ̀ wu bɨ̀a ntɔa Mbɔ̧ɔ̧mà ane Tǎt wɨ̧ la, e wu tàa saꞋa wòt ègème kà lȩ mèsi mbɨ̀Ꞌɨ̀ mènəè tò nyɨꞋte la, bɨ̀ me ŋa kènuke abua tò, ndzəa tò ane mèntsèke mɨ̧ adzìꞋ yaa mbɨ̀Ꞌɨ̀ bègɨ̧̀.