ÀfaꞋa 10:28 - Mundani

²⁸ Tà shu abua yɔb nê, “Bɨ̀a mbɔŋ bɨ ko ntsɔ̧̀ ntsɔ̧̀ nê, mbɨ̧te Bèjuê te bakà bɨ̧̀ɨ̧̀ne nê wòt nyi ayɔɔ bòt kà wu Bèjuê. Ka Mbɔ̧ɔ̧mà è nyɨꞋte am nê, è nka nkwàꞋtê nê wòt kǒ bakà kùꞋu wòt màa bɔ lèmù ba tò la.

ÀfaꞋa 10:28 ပူးပေါင်းရင်းမြစ်များ

Ntu̧ Ntsɔ̧̀ MAK 7:2

bɔ ye bɔkatè tò ko njɨ̀a èghɨjɨ nè èbu mèkɨ, ngua shua nê bɔ bakà shuù èbu bɔb ndɨ Bèfalèsiì e laꞋnê bòt è me shùù la.

Lûk 18:11

Wòt Falèsiì wu lɔ̀Ꞌɔ a si ntɨ̧ɨ̧ a mbì ntsàꞋtè a èntɨ̧ɨ̧ vi nê, ‘Tǎt wa Mbɔ̧ɔ̧mà leꞋ, mâ taꞋa kɔ̀ŋkè àwê na màa ka ghɨ èghoꞋ, mènəè mɔ̧ ka toŋke mbɨ̀Ꞌɨ̀ me bòt ko, è nka mèe ngua njɨ̀a àbȩ la. Mâ kɔ̀ŋkè àwê na à ghɨ̂ è nka wu mbɨ̀Ꞌɨ̀ fetà èkab taksì via la.

Jɔ̌n 18:28

È me wu kwàꞋ a ntɔtetsɔ̌Ꞌ, bɔ nɨa Yesò ndɔꞋɔ a lob Kefàs ngà a tsâ̧ gɔvanɔ̀. Bɔɔjuŋ Bèjuê e li bɔ̀ ka nyi a èbem tsâ̧ wu mbɨ̀Ꞌɨ̀ ka bɔ gha ghɨ̌ fà̧ ànəa ko, ka ntsèke kà jɨ èpǎ̧ Màntsea a ègwet.

Jɔ̌n 4:27

KwàꞋ àfɨꞋa mbɔŋ bɔkatè tò e kɨꞋɨ ndze atò ndàꞋà bɔ̂ vi Sàmalìà wu, a taꞋa tsè àwɔb, ka wòt ane yɔb ka lem mbììte atò laꞋnê, “À kɨa ghǎ abua tò à?” kò, “Ghǎ ghɨ̂ ka à me làꞋa abua tò à?”

Jɔ̌n 4:9

Vi Sàmalìà waa, bììte atò nê “Àwɔ̀ à wu wòt Juê la, à ghɨ̀ na ka me lo̧o̧ mèleb abua am e ngu vi Sàmalìà la à?” (Tàà mbììte ale ngu ndɨ̀ wu Bèjuê bɔ̂ bòt Sàmalìà àa ka fɔte èghɨ mbà̧à̧tê la.)

ÀfaꞋa 10:29

Ale, mbɨ̀Ꞌɨ̀ à ntu̧u̧ bòt nê bɔ̀ kɨꞋɨ ntɔ am la, e mbê nkɨ̀Ꞌɨ̂ kà tàŋne. Maà mbììta awê nê, ghǎ ghɨ̂ ka à tu̧u̧ bòt abua am à?”

ÀfaꞋa 11:9

“Àtɔŋ yu a mè ndàꞋ a ègwet nê, ‘Ko mbɨ̀Ꞌɨ̀ à me nɨ èghɨjɨ Mbɔ̧ɔ̧mà zìambɔŋ naŋè nê bɔ̀ me jɨ la nê wu èghɨjɨ bɔ̀ɔ shɨ̀kà la.’