ÀfaꞋa 10:1 - Mundani

¹ Wòt kǒ li ngu àpfəè ako bɔ̀ɔ ntɔ nê Sìsalìà la, èlen tò wu Kɔ̀nilìà. Tà wu tǎt bèshujà à Luêm. Bɔ li ngua ntɔ bèshujà tò nê, “Àlaã bèshujà Itàlì.”

ÀfaꞋa 10:1 ပူးပေါင်းရင်းမြစ်များ

Matìù 27:27

ÀfɨꞋa mbɔŋ bèshujà Pȩlèt e nɨ a Yesò nɨŋ nga a tsâ̧ wɔb, mbɔ̂ fète àlaã bèshujà bɔ ghaale atò ndzì a kètsìà.

Matìù 27:54

Mbɨ̀Ꞌɨ̀ tǎt bèshujà bu, nè bèshujà bu be li ngu bɔ̂ tò ba mbààba Yesò la, e ye ndɨ sitsǎꞋ nyìꞋnè la, nè àghɨa a ghɨ̀ la, bɔ taꞋa bɔa tè nê, “Ane nkûŋ, mbê waa li ngu Waã Mbɔ̧ɔ̧mà.”

Ntu̧ Ntsɔ̧̀ MAK 15:16

Bèshujà bu e nɨ a Yesò nɨŋ nga a tsâ̧ ntɔꞋ Gɔvanɔ̀, mbɔ̂ fète àbəèꞋ bèshujà bu.

Lûk 7:2

Tǎt bèshujà Luêm kǒ wu a èbem àpfəè və, àbùꞋ a èkɔŋ tò a wua ngò̧ò̧nà te ntsìꞋi we pfəâ.

Jɔ̌n 18:12

ÀfɨꞋa mbɔŋ àlaã bèshujà yu nè tǎt wɔb ndɔ̀Ꞌ nè bèmbaabà Bèjuê bu e baãaã Yesò nkùùle atò.

Jɔ̌n 18:3

Judàs kɨ̀Ꞌɨ̂ abot nè àlaã bèshujà, bɔ̂ bèmbaabà lob nɨ̧ Mbɔ̧ɔ̧mà, bètǎt bèntsìà mèpɨ̧̀ Mbɔ̧ɔ̧mà nè Bèfalèsiì e tsàà wɔb la. Bɔɔ nkɨ̀Ꞌa ale mbèà mèkàꞋà bɔ̂ mbȩ̀tsə bɔ tò̧ la, nè èghɨ èbet.

ÀfaꞋa 10:24

ÈtsəꞋ e mè me tsi, tà kɨ̀Ꞌɨ̂ tè ndzə a Sìsalìà, àdziꞋ yu Kɔ̀nelìà bɔ̂ bòt bi nè bèshu̧ bi è lè wua nchɨ̀Ꞌà atò la.

ÀfaꞋa 21:31

Ènɔ̧̂ bòt bu aa nkɨ ebùŋe a Pɔ̂l ale, wòt kǒ lùùlà ngà shu abua tǎt banyà̧ Luêm nê ngoꞋ è dzə a Jèlusalèm ègème.

ÀfaꞋa 21:8

ÈtsəꞋ e tsi, ba lɔ̀Ꞌ nga a àpfəè yu è wu Sìsalìà la, me tseke a lob Filìb kǒ tà lè wu wòt tàa ntsɔ̀tà Ntu̧ Ntsɔ̧̀ Yesò la. Filìb mbɔŋ li ngu wòt kǒ ane bòt bu basà̧à̧mbe bɔ̀ le lɔꞋɔ ndàà àwɔb a Jèlusalèm la.

ÀfaꞋa 22:25

Ka àfɨꞋa bɔ gha te nkùùle atò me kɨ eshu̧u̧ la, Pɔ̂l bììte wajûŋ banyà̧ bu abot la nê, “Mbɨ̧tsə te bɨ̧ɨ̧nè nê, bɨ̀ shu̧u̧ wòt Luêm kà lem saꞋa atò eye nê tà ghɨ ànəa kàbɔ̀ŋ?”

ÀfaꞋa 23:23

ÀfɨꞋa mbɔŋ, tǎt banyà̧ wu tɔ bɔɔjuŋ banyà̧ ko babe, shu abua yɔb nê, “Bɨ̀ taŋke banyà̧ ènkɨ̀ yebe, bɔ̀ɔ gha Sìsalìà la. Bɨ̀ taŋke beko èghem yesà̧à̧mbe bèa kɔꞋɔ a ègwet bèloà la, fɔ̀ɔ̀lè ne èbeko ènkɨ̀ yebe bèa bèà tèghɔŋtsə la. Bɨ̀ me taŋke ale, bɨ ko nê, naa me wu ane nyèm tebəèꞋa ètsəꞋ waa, bɨ lɔꞋɔ a mànga.

ÀfaꞋa 23:33

Bɔ nɨ atò tè bɔ̀ ghǎ bɔ̀ nyi a Sìsalìà, bɔ ŋa àkatè yu abua gɔvanɔ̀ wu, mbɔ̂ ndzi a Pɔ̂l a tèkitebu tò.

ÀfaꞋa 25:1

Èli e li ntsè betat mbɨ̀Ꞌɨ̀ Festɔ̀s è nyi àbâ àlaꞋ və tè nɨ atɨ̧ vi la, tà lɔꞋ a Sìsalìà nga a Jèlusalèm.

ÀfaꞋa 25:13

È me wu àfɨ̀Ꞌ àko, Fɔ̧̀ Aglipà bɔ̂ Bènisì e kɨꞋɨ a Sìsalìà etsàꞋte a Festɔ̀s e mě esèe atò.

ÀfaꞋa 27:1

È li ngu àfɨꞋa bɔ laŋkè nê bà nyi a èbem ànkànuꞋ nga a Itàlì la, bɔ zi a Pɔ̂l bɔ̂ bɔtefȩ ko a tèkitebu Juliɔ̀s, wajûŋ àtsəa bèshujà Luêm bu bɔ̀ɔ ntɔ awɔb nê, “Banyà̧ Fɔ̧̀ Nɨ̧” la.

ÀfaꞋa 27:31

Ka Pɔ̂l shu abua wajûŋ banyà̧ wu bɔ̂ banyà̧ ko bu nê, “BɔfàꞋ baa e lùùlà, ko ba nɨ̧̀ ba è ka peme a.”

ÀfaꞋa 27:43

Ka wajûŋ bèshujà bu kele awɔb, ndɨ̀ wu tà li tà kà wua nkɨ̀a nê Pɔ̂l pfə la. Tà tsiꞋi shu abua wòt ègème tàa ko eyɔꞋɔ la nê, bɔ̀ kȩ ndebe a èbem mèleb, ndzɔꞋ nga aguŋ,

ÀfaꞋa 8:40

Filìb me ye ntsìꞋa a èbem àpfəèà nɨ̧a Azotùs. Ngà me ghȩȩna ntsɔ̀tà Ntu̧ Ntsɔ̧̀ Yesò a èpfəè nɨ̧ ègème tè ngà ngu a Sìsalìà.