ÀfaꞋa 1:4 - Mundani

⁴ È li ngu àfɨ̀Ꞌ àko, Yesò bɔ̂ bɔntu̧ bi bu bɔ bu̧u̧te a si bɔ̀ɔgème, tà shu abua yɔb nê, “Bɨ̀ ko mbɨ̀Ꞌɨ̀ bɨ sà àpfəèà nɨ̧ a Jèlusalèm yaa nga adzìꞋ ako. Bɨ̀ chɨ̀Ꞌɨ àghɨ yu e ndi shu awɨ̧ nê Tǎt am e kaꞋ nê yea ŋa abua yɨ̧ la.

ÀfaꞋa 1:4 ပူးပေါင်းရင်းမြစ်များ

Matìù 10:20

È ntsě bɨ̀ambɔŋ nga me làꞋà la, wu Fo Tǎt wɨ̧ Mbɔ̧ɔ̧mà naa tsě ane yɨ̧ e làꞋà la.

Lûk 11:13

Tè bɨ̀a wàa bɨ̀ wu bòt kàbɔ̀ŋ la, e wu ko eŋa èghɨ ntsɔ̧̀ abua bɔ̧ bɨ̧, è me wu tǎt wɨ̧ wu a ègwet la tà kà ŋa Fo Kèfə abua bòt bɔ lo̧ abua tò la tè ntsě?

Lûk 12:12

Aa ale, nkàà nê Fo Kèfə naa ŋa awɨ̧ ànəa bɨa shu la àfɨꞋa ngaa.”

Lûk 24:49

Mmɔ̌ mbɔŋ, maa tsaa èlaamè wu Tǎt am li nkàꞋ àwɨ̧ la. Ka bɨ̀ tseke a Jèlusàlem tè ndɨ bɨ̀a bɔ mètàŋ mu è chu a ègwet la.”

Jɔ̌n 14:16

e mè ngu eshu̧u̧te a Tǎt am, taa ŋa wòt tsa taa me tseke bɨ tò ba ane àlia nè àlia ntɨ̀ŋa wɨ̧ la.

Jɔ̌n 15:26

“Ka wòt tàa tɨŋe awɨ̧ la nàà kɨꞋa. Tà dzə abua tǎt am, ngu Fo tò yu nàa nyɨ̀Ꞌta mènəè mu è wu nkûŋ la. Maa ghɨ̌ Tǎt am naa tsǎ atò abua yɨ̧, taa kɨꞋɨ làꞋa ànəa ye ko ane yaã la.

Jɔ̌n 20:22

Tà làꞋ ànəê yaa ale, mbɔ̂ ndzèène a ègwet lɔb, shu abua yɔb nê, “Bɨ̀ kò Fo Kèfə.”

Jɔ̌n 7:39

Yesò nàà ndàꞋà ale ngua shua ànəa Fo Mbɔ̧ɔ̧mà yu bòt bu bɔ zi èntɨ̧ɨ̧ wɔb ane tò la àa bɔ la. È li me wu àfɨ̀Ꞌ yaa ale, Mbɔ̧ɔ̧mà kà ziꞋ ntsàà Fo zi, nkàà nê Mbɔ̧ɔ̧mà li tà kà zîꞋ ndɔ̀ke a Yesò etsàa a ègwet, e ghɨ̌ taa bɔ ènɨ̧ vi.

ÀfaꞋa 10:41

Tà lè kaꞋa nyɨ̀Ꞌte avi abua waa waa, ka mbɔ̂ nyɨ̀Ꞌte avi abua ya wu Mbɔ̧ɔ̧mà laa nê bà ye, mè nkoê nê tà pfə mè njù̧ù̧me la. Baa li njɨ mè nu ne tò àfɨꞋa tà yu̧u̧me la.

ÀfaꞋa 2:33

Mbɔ̧ɔ̧mà yu̧u̧me atò ntsìà àbâ àbualu̧ azi, mè ndzì Fo Kèfə ane tò, mbɨ̀Ꞌɨ̀ Tǎt tò Mbɔ̧ɔ̧mà wu zìambɔŋ li nkàꞋ la. Èghɨ bàa bɨ ye àfɨ̀Ꞌ yaa mè ndzəèa la, wu èghɨ Yesò ghɨ̌ ane ya la.