ÀfaꞋa 1:15 - Mundani

¹⁵ Èli ko e li ntsè, bòt bu bɔ zì mèntɨ̧ɨ̧ mɔb ane Yesò la, bɔ bù̧ù̧te a si mbɔ̀ŋè ènkɨ̀ nè èghem yebe. Pità lɔ̀Ꞌɔ a si ndàꞋ èngà̧ waa abua yɔb, nê,

ÀfaꞋa 1:15 ပူးပေါင်းရင်းမြစ်များ

Matìù 13:31

Yesò li mè ntème èngà̧ ko abua yɔb nê, “Kèfɔ̧̀ Mbɔ̧ɔ̧mà wu mbɨ̀Ꞌɨ̀ èsaãaãme èwuu maŋkaŋa kǒ wòt kǒ sǎ a mbȩ zi la.

Lûk 22:32

Ka mâ tsàꞋte a Mbɔ̧ɔ̧mà àtsəa yê àwɔ̀ Simùn mbɨ̀Ꞌɨ̀ ka à tsì èntɨ̧ɨ̧ wê ane yaã. Ka aa me kua akwèn nkɨ̀Ꞌa abua am à zì mèntɨ̧ɨ̧ bɔnyɨ bè.”

Jɔ̌n 14:12

Ane nkûŋ, tsiꞋ è shua wɨ̧ nê, wòt tà zǐ èntɨ̧ɨ̧ vi ane yaã la naa me ghɨ̀ mènəè maa e ngɨ̀à la mɨ̧̂, e meè ghɨ̌ fɔɔle me è tsě màa la, nkàà nê e tsiꞋa nga ekwene ane tǎt am.

Jɔ̌n 21:23

Èngà̧ waa Yesò shu la e bùà a kètsìà bɔnyɨ bu nê, tà laꞋnê wakatè waa ka li tsi epfəa, mbɔ̂ me làꞋ ale, Yesò kà lem nê, wakatè mbɔŋ ka li epfəa. Tà li shu wuê nê, “E kɔ̀ŋkà nê tà tseke yû̧ tè è ndi nkɨ̀Ꞌɨ̂, àyê adù̧ wu ghà à?”

ÀfaꞋa 10:23

Pità nê, bɔ̀ nyi a lob bɔ̂ tò ba è li. ÈtsəꞋ e tsi tà tàŋkê ngà bɔ̂ tò ba. ÀbəèꞋ àko ane bɔnyɨ bu bɔ dzəèa a Jopà la e gha bɔ̂ tò ba nɔ̂.

ÀfaꞋa 11:1

Bɔntu̧ Yesò nè bɔnyɨ ba adzìꞋ àgème àlaꞋ a Jùdià e li ndzə nê bòt kà wu Bèjuê e zə èngǎ̧ Mbɔ̧ɔ̧mà tè mbɨ̧̀ɨ̧̀nê mɨ̧̂.

ÀfaꞋa 11:12

Fo Mbɔ̧ɔ̧mà è shu abua am nê è nga ba tò ba kà lȩ̀ȩ̀tè. Bɔnyɨ ba baa bantùa a Jopà la, e gha a Sìsalìà ba tò ba nyi a lob Kɔ̀nelìà.

ÀfaꞋa 11:26

Tà ye atò, ta nɨ atò nkɨ̀Ꞌɨ̂ a Antìɔ̀k. Ane èngùꞋebȩ ngaa ègème, bɔ̀ɔ̀ wu babe la e me fàꞋà nɔ̂ nè bòt chɔsì mè nyɨ̀Ꞌta mènəè Yesò abua ènɔ̧̂ bòt. È li ndɔ̀Ꞌ ngu a Antìɔ̀k və bɔ li mbɨ̀ ntɔ bɔkatè Yesò nê wu Bèklɨtèn la.

ÀfaꞋa 11:29

Bɔkatè Yesò bu e làŋkè nê waa waa ane yɔb chùbtè àghɨa ye bɔ la, bɔ tsaa nɨŋ ntɨ̀ŋe bɔnyɨ bɔb bu a Jùdià la.

ÀfaꞋa 12:17

Tà mɨ̀Ꞌtè àbu azi nê bɔ̀ ka tsi ndàꞋ, mbɔ̂ shu awɔb ndɨ Mbɔ̧ɔ̧mà è ghɨ̂ ka ntsì àvi a tèfȩ la. Mbɔ̂ mè nê, “Bɨ̀ shu a Jimsì bɔ̂ bɔnyɨ ba ko bu nê, mâ dzəè a tèfȩ tu.” Mbɔ̂ ngà adzìꞋa tsa.

ÀfaꞋa 14:2

Ka Bèjuê bu bɔ tu̧ ezə èngǎ̧ Mbɔ̧ɔ̧mà la e lute bòt kà wu Bèjuê tè ntsòkè ètsə bɔb bɔ tsiꞋi me pààbe bɔnyɨ ba bu.

ÀfaꞋa 15:1

Bòt ko e li ndɔ̀Ꞌɔ àlaꞋ a Jùdià nkɨ̀Ꞌɨ̂ a Antìɔ̀k me nyɨꞋte bɔnyɨ ba ko bu nê, “Bɔ bakà naŋe wòt mbɨ̀Ꞌɨ̀ mbɨ̧te Musì tèa nyɨ̀Ꞌta la, Mbɔ̧ɔ̧mà kà nɨa ŋut ane wòt vi.”

ÀfaꞋa 15:3

Bòt chɔsì bu e nɨa awɔb ngà ntsaa alu̧. Mbɨ̀Ꞌɨ̀ bɔɔ ntsea àlaꞋ a Fònisìà nè Sàmalìà la, bɔ me shu bòt ndɨ bòt kà wu Bèjuê e kubte tê ntsìꞋi bòt Mbɔ̧ɔ̧mà la. ÀfɨꞋa bɔnyɨ bu bàgème e zə ntu̧ yaa la, ànəa ngaa a taꞋa bɔ̀ àwɔb.

ÀfaꞋa 16:2

Bɔnyɨ ba bu a Lislà nè Èkonìòm la e li ntàꞋa wua ndàꞋà mènəè ntsɔ̧̀ ane Tɔ̀màtià mbɔŋ.

ÀfaꞋa 16:40

Pɔ̂l bɔ̂ Sȩlàs e dzə a lob tèfȩ yu nga a lob Lidìà, nkwene ane bɔnyɨ bɔb bu abot la ndàꞋa abua yɔb nê bɔ̀ me nɨ èngǎ̧ Mbɔ̧ɔ̧mà ngà wuê nè mbì, mbɔ̂ ndzə àpfəèà nɨ̧ yu me ghà àwɔb.

ÀfaꞋa 17:10

Nyèm lɔ̀Ꞌ mbê me fene, bɔnyɨ ba bu e tsaa a Pɔ̂l bɔ̂ Sȩlàs àpfəèà nɨ̧ yu è wu Belìà la. Bɔ ghà tê bɔ̀ nyi abàꞋ və, bɔ tsè nga a lob Mbɔ̧ɔ̧mà.

ÀfaꞋa 17:14

KwàꞋ àfɨꞋa mbɔŋ bɔnyɨ ba bu e nɨ a Pɔ̂l ngà ntsaa a ngèt *èdzî. Sȩlàs bɔ̂ Tɔ̀màtià e bɔ̂ ntsèke awɔb a Belìà.

ÀfaꞋa 17:6

Ka mbɨ̀Ꞌɨ̀ bɔ bəꞋə àpfəè yu nkɨ awɔb kekaŋ la, bɔ səèŋnè a Jasɔ̀n bɔ̂ bɔnyɨ ba ko nga a mbì bɔɔjuŋ àpfəèà nɨ̧ və mbɔ̂ ŋȩ nê, “Bòt baa e lɔ̀ke ngoꞋ adzìꞋ àgème,

ÀfaꞋa 18:18

Pɔ̂l li ntsèke bɔ̂ bɔnyɨ ba ko bu ane èli nyaŋ a Kɔlìn. Tà lɔ̀Ꞌɔ ebàꞋ və, bɔ̂ Plìsilà nè Àkwilà e nyi a èbem ànkànuꞋ me ghà ne àlaꞋ a Silìà. Me laꞋnê yea ngà ale, ndzì nkà̧ a mbì Mbɔ̧ɔ̧mà a Sènkliyà, tè mù fɔ̀ɔ̀lè àtsə azi.

ÀfaꞋa 18:27

Àpolòs tsèkê tè nê yea ghǎ Akayà, ale bɔnyɨ ba bu a Efesɔ̀s la e tɨŋe atò, è shɨ àkatè ntsaa abua bòt bu a Glɨ̂k və la nê bɔ̀ baãaã atò ntsɔ̧̀. AfɨꞋa tà nyi abàꞋ və la, tà wu taꞋà ètɨŋe abua bòt bu Mbɔ̧ɔ̧mà è kɔ̀ŋkè àwɔb tè ngɨ̀ bɔ tsiꞋi bòt Yesò la.

ÀfaꞋa 21:17

Ba li ngà tè bà nyi a Jèlusalèm, bɔnyɨ ba bu abàꞋ və la e taꞋa sèè awa.

ÀfaꞋa 21:20

Mbɨ̀Ꞌɨ̀ bɔ zə èngǎ̧ tò la, bɔ wùꞋte a Mbɔ̧ɔ̧mà bàgème, mbɔ̂ shu abua Pɔ̂l nê, “Wanyɨ wa, à ye àwɔ̀ mbɔŋ ndɨ Bèjuê mbɔ̀ŋè bètɔsì kà pà̧ be zì mèntɨ̧ɨ̧ mɔb ane Yesò mbɔ̂ mbèla nkùŋà mbɨ̧ ta ntsɔ̧̀ la.

ÀfaꞋa 21:7

Ba nɨ lèghȩ̀ȩ̀nè wa me ghà ne mbì ndɔꞋɔ a Tȩê nga àpfəè yu è wu Tòlemè la. Bà nyi abàꞋ və, ba tsàꞋtè bɔnyɨ ba mbɔ̂ ndì àli yeamɔꞋ ba tò ba.

ÀfaꞋa 22:5

Bɨ biitè àtsəa bèntsìà mèpɨ̧̀ Mbɔ̧ɔ̧mà, bɔ̂ bòt lob èsaꞋa, ko bɔɔ shu awɨ̧ nê e ndàꞋà nkûŋ. Bɔ li ŋà mèkatè abua am nê, è nga ŋa abua Bèjuê bu è wu bòt Yesò a Dàmaskɔ̀s la. Ale, e nchu nga abàꞋ və ebaãaã bòt Yesò bu ekuule awɔb ane fȩtsə enɨ ewène a Jèlusalèm bɔɔ ŋa awɔb ngoꞋ.”

ÀfaꞋa 28:14

Bà nyi abàꞋ və, ba ye bɔnyɨ ba ko bɔ shu abua ya nê, ba tò ba è tseke ane èli besà̧à̧mbe. Eyaa wu ndɨ ba li ngɨ̀ tè nyi a Luêm la.

1 Kɔlìn 15:6

Tà li mè mpuula a mbì bɔnyɨ ba bɔ tsě ènkɨ̀ yetà̧â̧ la, àdzìꞋ yeamɔꞋ. Èbeko ane yɔb e batè mpfəèꞋtê, ka àbəèꞋ àyɔb nyaŋ a bele èbe yu̧.

Ètsə 11:13

Si bentè ànyaꞋne kwàꞋ àfɨꞋa mbɔŋ, àbâ yeamɔꞋ ane àpfəèà nɨ̧ yu bɔ ghabte ane èdziꞋ èghem la a kwèà. SitsǎꞋ kwèà ale, bòt bètɔsì basà̧à̧mbe be pfəꞋtè. È bu nè bòt kà pfəèꞋte la e bɔɔ kwàꞋ ànyaꞋne tè nkùkte a Mbɔ̧ɔ̧mà wu a ègwet la ane ènɨ̧ tò.

Ètsə 3:4

“ ‘Ka bɔlɨ bòt ko e bele ayɔɔ yɨ̧ a Sadìs və kà dɔte ndǐ tɔb. Bòt ngaa aa li kwaã ndìte kèfə e wu ba tò ba, nkàà nê bɔ kuꞋ.