ÀfaꞋa 1:14 - Mundani

¹⁴ Bɔ li ntaꞋa wua mbu̧u̧ta adzìꞋ yeamɔꞋ ntsàꞋta Mbɔ̧ɔ̧mà bɔ̀ɔgème fɔ̀ɔ̀le ne bèzi, nè Màlià nyɨ̌ Yesò, ndɔ̀Ꞌ nè bɔnyɨ tò.

ÀfaꞋa 1:14 ပူးပေါင်းရင်းမြစ်များ

Matìù 12:46

MbɨꞋɨ Yesò bèla ndàꞋà bɔ̂ bòt bu la, nyɨ̌ tò bɔ̂ bɔnyɨ tò e kɨꞋɨ ntɨ̧ɨ̧ àbȩ me kɨa e mù bɔ̂ tò ba.

Matìù 21:22

Bɨ mè me biite àghɨ abua Mbɔ̧ɔ̧mà bɨ̧̀ɨ̧̀ne a mèntɨ̧ɨ̧ mɨ̧ nê tàa ŋa, ko bɨa bɔ yùà.”

Matìù 27:55

Bèzi nyaŋ e li ngu abot mɨ̧̂ bɔ tɨ̧ɨ̧ a endɨ̌ me lȩ̀ la. Eyaa wu bèzi bu bɔ li ndzə a Galìlî me ghȩ̀ȩ̀ne akwene Yesò ntɨ̀ŋa tò la.

Ntu̧ Ntsɔ̧̀ MAK 15:40

Bèzi ko e li ngu abot bɔ tɨ̧ɨ̧ a endɨ̌ me ye àghɨa ngɨ̀à la. Màlià Màdàlin nè Màlià nyɨ̌ Jimsì tèchɨɨle bɔ̂ Jòsêb nè Sàlomè, e li ngu ayɔɔ bèzi mbɔŋ.

Ntu̧ Ntsɔ̧̀ MAK 16:1

Àliapfəèa Bèjuê yu a tsè, Màlià Màdàlin bɔ̂ Màlià nyɨ̌ Jimsì nè Sàlomè, e yu̧ èghɨbə ntàŋke enɨ gha yɔꞋɔ àpfəꞋte a Yesò.

Lûk 11:13

Tè bɨ̀a wàa bɨ̀ wu bòt kàbɔ̀ŋ la, e wu ko eŋa èghɨ ntsɔ̧̀ abua bɔ̧ bɨ̧, è me wu tǎt wɨ̧ wu a ègwet la tà kà ŋa Fo Kèfə abua bòt bɔ lo̧ abua tò la tè ntsě?

Lûk 18:1

Yesò ghɨ̀ ale, shu bɔkatè bi èngà̧teme wàa nɨŋ nyɨ̀Ꞌte awɔb nê, bɔ bɔ̂ ndɨ bɔ̀ɔ me dɨ̀a abua Mbɔ̧ɔ̧mà àfɨ̀Ꞌ àgème kà kaã la.

Lûk 23:49

Bòt bàgème bɔ̀ le ko a Yesò la eghǎ dzəâ ane bèzi bu bɔ̀ le lɔ̂Ꞌ a Galìlî nkùŋè atò la, e tɨ̧ɨ̧te a endɨ̌, me ye àghɨa ngɨ̀à la.

Lûk 23:55

Bèzi bu bɔ ghɨ̂ ndzə a Galìlî nkùŋè a Yesò nkɨ̀Ꞌɨ̂ la, e ghà bɔ̂ Jòsêb ba ndze èsî lu nè ndɨ tà zìà àpfəꞋte a Yesò a èbèm la.

Lûk 24:10

Bèzi mbɔŋ li ngu Màlià Màdàlin, bɔ̂ Jòanà, nè Màlià nyɨ̌ Jimsì, ndɔ̀Ꞌ nè, bèzi ko bu bɔ̂ tò ba la, bɔ ghà shuê ànəê yaa abua bɔntu̧ Yesò la.

Lûk 24:33

Bɔ ghɨ̀ ale, nkȩ a si kwàꞋ àfɨꞋa mbɔŋ ngwènè a Jèlusalèm, nkwène ane bɔkatè Yesò bu bɔ tsiꞋi èghem ntsɔ̀b wemɔ̀Ꞌ la, bɔ bu̧u̧te àdzìꞋ yeamɔꞋ bɔ̂ beko la.

Lûk 24:53

Bɔ ghà ale me tseka nga a èbem lob nɨ̧ Mbɔ̧ɔ̧mà àfɨ̀Ꞌ àgème ngùꞋtè atò.

Lûk 8:20

Wòt kǒ shu abua tò nê, “Nyɨ̌ wè nè bɔnyɨ bè bɔ wu àbȩ nkɨ eye awê.”

ÀfaꞋa 2:1

Àlia Pentekɔ̀s a li me kɨꞋɨ, bòt bu bɔ zì mèntɨ̧ɨ̧ mɔb ane Yesò la e bu̧u̧te adzìꞋ yeamɔꞋ.

ÀfaꞋa 2:42

AfɨꞋa bɔ bɨ̧̀ɨ̧̀ne èngǎ̧ Yesò la, bɔ zì ètsə bɔb mbɨ̀Ꞌɨ̀ eko èghɨ bɔntu̧ Yesò bu e nyɨꞋtà la. Bɔ ghɨ̀ ale, ntsìꞋa ngɨ̀à mènəè mɔb ègème ane ètsəê wemɔꞋ, njɨ̀a èghɨjɨ bɔb mè ntsàꞋtè a Mbɔ̧ɔ̧mà adzìꞋ yeamɔꞋ.

ÀfaꞋa 2:46

Bɔ li ngua mbù̧ù̧tà ane ènɔ̧̂ wemɔꞋ a èbem lob nɨ̧ Mbɔ̧ɔ̧mà a Jèlusalèm àli àgème. Bɔ li ngua njɨ̀a èghɨjɨ bɔb adzìꞋ yeamɔꞋ a èpfəè bɔb, nè èntɨ̧ɨ̧ kèfə mè ngùꞋtà wɔb.

ÀfaꞋa 6:4

Bɨ ghɨ̀ ale, ko bàambɔŋ aà nga tsiꞋi baãaã wuê àfaꞋa màntsaꞋta a Mbɔ̧ɔ̧mà nè màndaꞋa èngǎ̧ tò.”

Lûm 12:12

Bɨ̀ me wùꞋtè àwɨ̧ mbɨ̀Ꞌɨ̀ bɨ̀a nchɨ̀Ꞌà àghɨ yu Mbɔ̧ɔ̧mà nàa ghɨ̌ ane yɨ̧ la, nkùùla mèntɨ̧ɨ̧ mɨ̧ a èbem ngoꞋ, mè ntsàꞋta Mbɔ̧ɔ̧mà kà kaã.

1 Kɔlìn 14:13

È wu ale, wòt ndaꞋa ane ndɨ̧ tsǎ la ye nê ye tsàꞋta Mbɔ̧ɔ̧mà shù̧ù̧ta tò nê tà ghɨa ye ko shu mènəè mu ye làꞋà ane ndɨ̧ tsǎ la abua bòt ntsɔ̧̀.

Efesɔ̀s 6:18

Bɨ̀ me tsàꞋte a Mbɔ̧ɔ̧mà mbɨ̀Ꞌɨ̀ Fo tò nàà ŋwèta àwɨ̧ la, ndò̧a ètɨŋe abua tò. Bɨ̀ me tsàꞋta Mbɔ̧ɔ̧mà ane èghɨ ègème bɨ baãaã me ghɨ̀ la. Bɨ̀ ka ngwàꞋà ndo̧o̧na bɨ̀ ka nkaã. Bɨ̀ me tsaꞋta Mbɔ̧ɔ̧mà àfɨ̀Ꞌ àgème ane bòt tò bàgème.

Kɔ̀losìà 4:2

TsiꞋ è shu abua yɨ̧ bàgème àfɨ̀Ꞌ yaa nê bɨ̀ me tsàꞋte Mbɔ̧ɔ̧mà àfɨ̀Ꞌ àgème. Bɨ̀ ghɨ̀ bɨ̀ me tsàꞋte, bɨ me zə wuê ànəa bɨ shua abua tò la, mè me ŋa mènkɔ̀ŋke abua tò.