3 Jɔ̌n 1:8 - Mundani

⁸ Ale, bàa bòt Yesò e bɔ̂ ndɨ bàa tɨŋe bòt baa mbɨ̀Ꞌɨ̀ ezì àbu ba tò ba ane àfàꞋ yu bɔ̀ɔ fàꞋà a màndaꞋa èngǎ̧ nkûŋ la.

3 Jɔ̌n 1:8 ပူးပေါင်းရင်းမြစ်များ

Matìù 10:14

Ka wòt bakà sèe awɨ̧, mbakà yute ànəa bɨ shua la, bɨ yòò àbeb lob mbɔŋ, kò àpfəèa mbɔŋ leꞋ ane èka bɨ̧, ndèbè kwen tɨ̧ ndzəè me ghǎ.

Matìù 10:40

“Wòt sèè àwɨ̧, tà ko nê ye sèe am, èwe tà sèè am la, ko nê ye sèè atò wu tà tsàà am la.

Lûk 11:7

“Tè wòt wu a èbem lob la shu abua tò nê, ‘Ka ŋa am ngoꞋ, mâ gheba ètsələèꞋ am tè ndɔ̀Ꞌ, ba bɔ̧ bɔ̧ è nɔ̀ŋke a si. BetsiꞋa è nka tsi ndɔ̀Ꞌ a si tè ŋa awê àghɨ ako,’ ko àa wu naà?”

2 Kɔlìn 6:1

Ba nɨ̧̀ ba e wu bòt bàa faꞋa abua Mbɔ̧ɔ̧mà nɔ̂ la, ale ba me shu̧u̧te awɨ̧ nê bɨ ka nɨ ntsɔ̧̀ Mbɔ̧ɔ̧mà wu tà nyɨꞋte abua yɨ̧ la mbɨ̀Ꞌɨ̀ àghɨa àku.

2 Kɔlìn 8:23

È me wua Tȩtɔ̀s ko tà wu wòt ba tò àa fàꞋà nɔ̂ a màntɨŋa wɨ̧ la. È me wu bɔnyɨ ba ko bu nkɨ̀Ꞌa bɔ̂ tò ba la ko wu bòt bèchɔsì e tsàà la. ÀfàꞋ àyɔb aà ndɔ̀kà èlen Yesò Klistò ntsaa a ègwet.

Filìpȩ 4:3

Mè me shu abua yê, shu̧ yaã wafàꞋ ba nè àa fàꞋà nɔ̂ la nê, à tɨŋe bèzi baa mpaâ nèètè ànəa yɔb. Ba tò ba nè Klemin, nè bòt ko bu bàgème bɔ li ngua nkùŋà àwa la e li ntaꞋa fàꞋà a màntsɔta Ntu̧ Ntsɔ̧̀. Mbɔ̧ɔ̧mà shɨ tèlen tɔb bɔ̀ɔgème a èbem àkata mèmpème.

Kɔ̀losìà 4:11

Yesò wu èlen tò ko wu Justùs la nàà ntsàꞋtà wɨ̧ mɨ̧̂. Ane Bèjuê bu bɔ zì mèntɨ̧ɨ̧ mɔb ane Yesò Klistò la, wu ndàꞋà bòt baa batat ba tò ba àa fàꞋà nɔ̂ mbɨ̀Ꞌɨ̀ e ghɨ̌ Kèfɔ̧̀ Mbɔ̧ɔ̧mà naa kɨꞋɨ la. Bɔ taꞋa tɨŋe am.

1 Tèsàlonikà 3:2

bà tsàa wanyɨ wa Tɔ̀màtià, wɔ̀fàꞋ Mbɔ̧ɔ̧mà abua yɨ̧. Ba tò ba aà fàꞋà nɔ̂, a màntsɔta Ntu̧ Ntsɔ̧̀ Yesò Klistò. Ba li ntsà atò nê tà kɨꞋɨ ndɔ̀ktè mèntɨ̧ɨ̧ mɨ̧, ngɨ̀ bɨ̀ me kweele ane èntɨ̧ɨ̧ wɨ̧ wu bɨ zi ane Yesò Klistò la.

Fȩlemùn 1:2

Ba shɨa fɔ̀ɔ̀le abua wanyɨ waa waàvi wu è wu Afìà bɔ̂ Achipùs wu ba tò ba àa fɔ̀ta nua ane ànəa Yesò la, nè bòt chɔsì bu bɔ̀ɔ mbu̧u̧te a lob tò la.

Fȩlemùn 1:24

Mak bɔ̂ Àlistakùs nè Demàs, nè Luêk wu ba tò ba àa fàꞋà nɔ̂ la e tsaꞋtè mɨ̧̂.

3 Jɔ̌n 1:10

Maa me ghɨ̀ tê nkɨ̀Ꞌɨ̂, ka ndɔ̀kè mènəè ègème tà ghɨ̀ la, fɔ̀ɔ̀le ne èbɨꞋte ènəê tà shu ane yaã, nè mèfà̧ tàa ndàꞋà la. Eyaa ntsě ndàꞋà mènəè tàa ngɨ̀à la. Bɔnyɨ ba àa ngɨ̀ bɔ̀ kɨꞋɨ, tà kà sèè awɔb, mè me kele fɔ̀ɔ̀la bòt bu nkɨ esèe àwɔb la, tè fəèà àwɔb a èbem chɔsì.

3 Jɔ̌n 1:7

Ko nê, bòt baa e li me gha a lèghȩ̀ȩ̀nè wɔb ane ànəa Yesò Klistò ale, bɔ̀ ka bɨ̧ɨ̧nè enɨ àghɨa ko a dzəâ abua bòt kà wu bòt Yesò la.

3 Jɔ̌n 1:9

E ndi shɨ àkatè abua bòt chɔsì bu abàꞋ ŋu la, ka Dìòtèlefès tù̧u̧ eyute ànəa e shua la, ndɨ̀ wu tàa nkɨà nê ye wu ewu àtsəa waa waa la.