2 Tèsàlonikà 3:7 - Mundani

⁷ Bɨ̀a mbɔŋ e lâ nko nê, bɨ bɔ ndɨ bɨ̀a me ghɨ̀ mbɨ̀Ꞌɨ̀ ba li ngua ngɨ̀à a kètsìà wɨ̧ la. Ba li bà ka wua ndȩ̀ȩ̀ta ane àfàꞋ.

2 Tèsàlonikà 3:7 ပူးပေါင်းရင်းမြစ်များ

1 Kɔlìn 11:1

Bɨ̀ me fɨŋe am ane mènəè mɔ̧ wuê mbɨ̀Ꞌɨ̀ màa fɨŋa Yesò Klistò la.

1 Kɔlìn 4:16

Ale, e ngua shù̧ù̧ta wɨ̧ nê bɨ̀ me kùŋè tèka taã.

Filìpȩ 3:17

Bɔnyɨ bɔ̧, waa waa nɨ àka lèghȩ̀ȩ̀nè àzi ane yaã. Bɨ̀ me lɨ̀ŋke bòt bu bɔ̀ɔ ngɨ̀à ntsɔ̧̀ anè la, na ba tò ba e nyiꞋte awɨ̧ ndɨ bɨ wu me ghȩ̀ȩ̀nè la.

Filìpȩ 4:9

Bɨ̀ me ghɨ̀ mènəè mu mâ nyɨꞋte awɨ̧ mè ndzì à tèkitebu tɨ̧ la, nè mènəè mu bɨ li ndzə a ètsəê am mè ndzě ndɨ e ngɨ̀à la. Bɨ ghɨ̀ ale, ko Mbɔ̧ɔ̧mà wu tàa ŋàa awa àlàŋkè la naa wu ne nɨ̧̀.

1 Tèsàlonikà 2:10

Bɨ ye mè nkoê, Mbɔ̧ɔ̧mà mè nkoê nê, mènəè ma a kètsìà wɨ̧ bɨ̀a bòt Yesò li ngua mbɔ̀. Ba li mbê ngua ngɨ̀à mbɨ̀Ꞌɨ̀ ba wuê ghɨ̀ la. Àghɨa ko wòt nàa fèèlè awa adù̧ la à ka wuê.

1 Tèsàlonikà 5:14

Bɔnyɨ, baa shù̧ù̧ta awɨ̧ nê bɨ̀ səèŋke ètû̧ bèlɔŋ, ndzì mèntɨ̧ɨ̧ bòt bu bɔ̀ɔ mbɔ̀ɔ la, ntɨ̀ŋe bòt bu bɔ bɔ̀ɔ njùa la, mè me bɔɔle awɨ̧ ka ngɨ̀à mènəè nè waa waa.

2 Tèsàlonikà 3:6

Bɔnyɨ, ba wua shua wɨ̧ ane èlen Yesò Klistò Lefɨ̀Ꞌ wa nê, bɨ̀ ka mbɔ̀ àghɨa ko a màngɨa ne bɔnyɨ ba bòt Yesò bu bɔ̀ɔ ndȩȩta a màfaꞋa, bɔ̀ ka wua ngɨ̀à mbɨ̀Ꞌɨ̀ ba li nyɨ̀Ꞌte awɨ̧ nê bɨ̀ me ghɨ̀ la.

2 Tèsàlonikà 3:9

È li ngu àdziꞋa ya e shu nê bɨ̀ me tɨŋe awa, ka ba li bà ka ghɨ ale. Ba li ngua ntsèka fàꞋà àfɨ̀Ꞌ àgème mbɨ̀Ꞌɨ̀ bɨa ye ndɨ ba ghɨa la e me ghɨ̀ àyɨ̧ a èlɨ mbɔŋ.

1 Tɔ̀màtià 4:12

Ko mbɨ̀Ꞌɨ̀ à sàŋ wòt kǒ tà me waa awê nê à bele watèchɨɨle. Ka me ghɨ̀ mènəè mê ane ndɨ bòt Yesò àa me kùŋè teka tè ane ndɨ àa ndàꞋà la, nè ndɨ àa ngɨ̀à mènəè mê la, nè ndɨ àa nkɔ̀ŋkà bòt la, ka nè ndɨ à zǐ èntɨ̧ɨ̧ wê ane Mbɔ̧ɔ̧mà e me fəə la.

Tȩtɔ̀s 2:7

Àwɔ̀ mbɔŋ, à me ghɨ̀ wuê mènəè ntsɔ̧̀ ane èfàꞋa bê ègème, nɨ̀a nyɨ̀Ꞌta èkaꞋà abua bòt ko. À me nyɨꞋte ànəê, à bê ndzì àtsə nyɨ̀Ꞌte nè èntɨ̧ɨ̧ wê wemɔꞋ.

1 Pità 5:3

Bɨ̀ ka me tseke a ègwet bòt bu bɔ̀ wu a èten lɨ̧ la. Bɨ̀ me ghɨ̀ wuê èghɨ bɔ̀ɔ ye e me kùŋe teka tɨ̧ la.