2 Tèsàlonikà 3:6 - Mundani

⁶ Bɔnyɨ, ba wua shua wɨ̧ ane èlen Yesò Klistò Lefɨ̀Ꞌ wa nê, bɨ̀ ka mbɔ̀ àghɨa ko a màngɨa ne bɔnyɨ ba bòt Yesò bu bɔ̀ɔ ndȩȩta a màfaꞋa, bɔ̀ ka wua ngɨ̀à mbɨ̀Ꞌɨ̀ ba li nyɨ̀Ꞌte awɨ̧ nê bɨ̀ me ghɨ̀ la.

2 Tèsàlonikà 3:6 ပူးပေါင်းရင်းမြစ်များ

Matìù 18:17

Bɨ làꞋ ale tà bakà mè mbɨ̧̀ɨ̧̀ne, bɨ ghà shu ànəa àgème abua chɔsì, tà bakà mè njùte ànəa chɔsì è shu abua tò la, bɨ tsì àwɨ̧ ane tò mbɨ̀Ꞌɨ̀ bɨ̀a ntsìà ane wòt tàa nɨa èkab taksì nè wòt kà ko a Mbɔ̧ɔ̧mà la.

Lûm 16:17

Bɔnyɨ bɔ̧, e ngua shù̧ù̧ta wɨ̧ nê bɨ̀ me ko awɨ̧ ane bòt bu bɔ̀ɔ ndzìà àghàbtè a kètsìà wɨ̧, ntàa bòt, mè nyɨ̀Ꞌta èghɨ ko tsa kà wu èghɨ bu bɔ li nyɨ̀Ꞌte awɨ̧ la. Bɨ̀ ka mbɔ̀ àghɨa ko a màngɨa nê èwuu bòt mbɔŋ.

1 Kɔlìn 11:2

Maà ngùꞋtà wɨ̧ nkàà nê bɨa ntsèka nkù̧ù̧ta am ane àghɨ àgème e ndi ngua ngɨ̀à mè nyɨ̀Ꞌta la, mè me nɔ̀ŋè mènəè mu e ndi ndzi a tèkitebu tɨ̧ la.

1 Kɔlìn 5:4

ane èlen Yesò Lefɨ̀Ꞌ tè ndɔ̀Ꞌ. Bɨa bù̧ù̧te, èntɨ̧ɨ̧ am è wu ne nɨ̧̀, nè mètàŋ Yesò Lefɨ̀Ꞌ wa,

1 Kɔlìn 5:9

E ndi shu awɨ̧ a èbem àkatè yu e ndi shɨ abua yɨ̧ la nê, bɨ̀ ka mbɔ̀ àghɨa ko a màngɨa ne bòt bu bɔ̀ɔ mpàꞋta àbɨ̧ la.

2 Kɔlìn 2:10

Bɨ waꞋa kàbɔ̀ŋ wòt ko maa waꞋa wùà mɨ̧̂. È wu nê mâ lèènè kàbɔ̀ŋ wòt, ko e ngɨ̀à a mbì Yesò Klistò, nkàà àwɨ̧.

Efesɔ̀s 4:17

Ale, e ngua səèŋkà ètû̧ bɨ̧ ane àtɔŋ yu Yesò Klistò ŋa abua am la shua nê, bɨ̀ ka tsi me ghɨ̀ mènəè mɨ̧ mbɨ̀Ꞌɨ̀ bòt bu kà ko a Mbɔ̧ɔ̧mà la. Mèmɨ̀ɨ̀te mɔb wu àku.

Kɔ̀losìà 3:17

Bɨ̀ me ghɨ̌ àghɨ àgème, mè ndàꞋà ànəê àgème wuê ane èlen Yesò Lefɨ̀Ꞌ, mbɨ̀Ꞌɨ̀ bɨ̀a ntsea ane tò ŋǎ mènkɔ̀ŋke abua Tǎt wa Mbɔ̧ɔ̧mà la.

1 Tèsàlonikà 4:1

Enɨ lìa à bɔnyɨ ba, ba li nyɨ̀Ꞌte awɨ̧ ndɨ bɨ bɔ ndɨ bɨ̀a tseke ka aa me bɔ̌ a Mbɔ̧ɔ̧mà la. Maa shua anè, mbɔ̂ nko nê eyaa wu ndɨ bɨ̀a ntsèka la. Ka nè àfɨ̀Ꞌ yaa, ba wua shù̧ù̧ta awɨ̧ mè ngù̧a wɨ̧ ane èlen Yesò Lefɨ̀Ꞌ nê, bɨ̀ me paa ngɨ̀à wuê ale ngà nè mbì.

1 Tèsàlonikà 4:11

Waa waa ane yɨ̧ nyɔꞋta me nyaꞋa ntsèke avi bò̧ bò̧, tà ka me ŋeꞋe avi nchɨ̧̀a a èbem mènəè bòt tsa. Bɨ̀ me nɨ èbu bɨ̧ fàꞋà nkɨà ètsəèjɨ wɨ̧ mbɨꞋɨ̀ ba li ndzaŋe shu awɨ̧ la.

1 Tèsàlonikà 5:14

Bɔnyɨ, baa shù̧ù̧ta awɨ̧ nê bɨ̀ səèŋke ètû̧ bèlɔŋ, ndzì mèntɨ̧ɨ̧ bòt bu bɔ̀ɔ mbɔ̀ɔ la, ntɨ̀ŋe bòt bu bɔ bɔ̀ɔ njùa la, mè me bɔɔle awɨ̧ ka ngɨ̀à mènəè nè waa waa.

2 Tèsàlonikà 2:15

Bɔnyɨ, è wu ale bɨ̀ ka mbɨ̧̀ɨ̧̀nê àghɨa ko a tsì èntɨ̧ɨ̧ wɨ̧ ane mènəè Yesò. Bɨ̀ neeta mbà̧aã nkûŋ yu bɔ li nyɨ̀Ꞌte awa, bàambɔŋ e mè nyɨ̀Ꞌte àfɨ̀Ꞌ yu ba li ngua ndàꞋà èngǎ̧ Mbɔ̧ɔ̧mà abua yɨ̧, mè shu a èbem àkatè yu ba li shɨ abua yɨ̧ la.

2 Tèsàlonikà 3:7

Bɨ̀a mbɔŋ e lâ nko nê, bɨ bɔ ndɨ bɨ̀a me ghɨ̀ mbɨ̀Ꞌɨ̀ ba li ngua ngɨ̀à a kètsìà wɨ̧ la. Ba li bà ka wua ndȩ̀ȩ̀ta ane àfàꞋ.

1 Tɔ̀màtià 5:21

Mâ chɨɨme shù̧ù̧te awê a mbì Mbɔ̧ɔ̧mà nè Yesò Klistò nè bɔntu̧ bu tà làà la nê, yute nkɨ̀a tàa e ŋa la ntsɔ̧̀. Me ghɨ̌ àghɨ àgème kà wua ndɨ̀ŋkà mèsi, à ka mè ngɨ̀ ànəê nê ye kɨ efɨte etɨŋe wòt kǒ.

1 Tɔ̀màtià 6:5

Àyaa aà mè ngɨ̀à bòt bu mèyǐ mɔb nàa ka tsi efàꞋ ntsɔ̧̀, ànəa nkûŋ à ka tsi ngu a èbem lɔb la, e tseka nkàànà wuê mènəè, mɨ̀ɨ̀tà nê e wu wòt Mbɔ̧ɔ̧mà wu alu̧ màmbɔ èkab nè èghɨ ko tsa nyaŋ.

2 Tɔ̀màtià 3:5

Naa li ngu ane èli mbɔŋ, bòt e me shu nê bɔ wu bòt Mbɔ̧ɔ̧mà ka bɔ̀ ka wu eye àghɨa mètàŋ Mbɔ̧ɔ̧mà ghɨ̌ ane yɔb la. À yea èwuu bòt baa, à ka ngà a ngèt yɔb.

2 Tɔ̀màtià 4:1

TsiꞋ è neeta shu awê ànəê yaa a mbì Mbɔ̧ɔ̧mà bɔ̂ Yesò Klistò wu tàa li mě ekɨꞋɨ tseke a ègwet atɨ̧ kèfɔ̧̀ vi, esaꞋa bòt, èbe be pfəꞋte la, nè èbe be bele yû̧ la.

2 Jɔ̌n 1:10

È wu ale, wòt kɨ̀Ꞌɨ̂ a lob yê me làꞋa èngǎ̧ ko tsa ka nè è waa Yesò li nyɨ̀Ꞌte la, à ka sèè atò. À ka ndem ntsàꞋte atò.