2 Tèsàlonikà 2:9 - Mundani

⁹ Wòt wu kà bê ngua nkɨ ezə ànəa Mbɔ̧ɔ̧mà la naa me kɨꞋɨ, e kɨꞋɨ nê mètàŋ Satàn e me nɨa nyɨ̀Ꞌta nê ye bɔ tèwuute mètàŋ tègème, ngɨ̀à tèwuute ènəê kà ye fɨ̀Ꞌ, mè ndùta tèkaŋtsə nɨa fɨ̀ta bòt.

2 Tèsàlonikà 2:9 ပူးပေါင်းရင်းမြစ်များ

Matìù 12:22

ÀfɨꞋa mbɔŋ bɔ nɨ wòt kǒ fo kàbɔ̀ŋ ghɨ àghɨ atò a lem, tà kwene mbûꞋ la, nkɨ̀Ꞌɨ̂ abua Yesò tà bəa tò, tà bùꞋ me laꞋa mè ndzea èdziꞋ.

Matìù 24:24

Bòt aa li lɔ̀Ꞌte a si me fɨta shua nê bɔ wu Fɔ̧̀ mbɔŋ e mě me fɨta shua nê, bɔ wu bèndàꞋàtɔŋ Mbɔ̧ɔ̧mà. Bɔɔ li ghɨ̀ èghɨ a nyɨ̀Ꞌta mètàŋ Mbɔ̧ɔ̧mà la, e mě lute tèkaŋtsə mbɨ̀Ꞌɨ̀ efɨte banɔ̧̀, te e me nyɔ̀Ꞌte a màfɨta bòt Mbɔ̧ɔ̧mà na èlu̧ e wuà la.

Matìù 4:10

Ale, Yesò bɨ̀ɨ̀lè nê, “Lɔ̀Ꞌɔ a ngèt yaã à Satàn! Nkàà nê, Àkata Mbɔ̧ɔ̧mà a laꞋnê, ‘À bɔ ndɨ àa me wùꞋte wua Tǎt wè Mbɔ̧ɔ̧mà, mè ndzə wuê atò la’.”

Ntu̧ Ntsɔ̧̀ MAK 13:22

Bòt nyaŋ aa li kɨꞋɨ me fɨta shua nê bɔ wu Fɔ̧̀ mbɔŋ, èbeko aa me fɨte nê bɔ wu bèndàꞋàtɔŋ Mbɔ̧ɔ̧mà. Bɔɔ li me ghɨ̀ èghɨ àa nyɨ̀Ꞌta mètàŋ Mbɔ̧ɔ̧mà la e mě me lute tèkaŋtsə, enɨ fɨte bòt Mbɔ̧ɔ̧mà, na bɔ wu ko e ghɨ̀ la.

Lûk 11:25

Ale, è kua akwèn è kɨꞋɨ è ye ndɨ bɔ tuꞋu lob mbɔŋ nèètè è me bɔ̀ la,

Jɔ̌n 4:48

Tà làꞋ ale Yesò shuê abua tò nê “Bɨa anè ngu bòt bɔ bakà ye am ngɨ̀à èghɨ àa nyɨ̀Ꞌta mètàŋ Mbɔ̧ɔ̧mà la, nè ngɨŋa mènəè, wòt ane yɨ̧ ka zî èntɨ̧ɨ̧ vi ane yaã la.”

Jɔ̌n 8:41

Ka bɨ wua ngɨ̀à wuê àghɨa wɨ̧ ne tǎt li ngɨ̀ la.” Bɔ nê, “Mbɔ̧ɔ̧mà zìa ndziꞋne wu ndàꞋà Tǎt wa ba bɔ la. “Ba ntsě bɔ̧ mèdùùbè.”

Jɔ̌n 8:44

Satàn wu tǎt wɨ̧, àfàꞋ àyɨ̧ wu ndɨ bɨ̀a me ghɨ̀ wuê àghɨa tàa nkɨà la. Tà lè yaŋe wu wòt tàa mbùŋà bòt la, tà kà wua nkɨà nkûŋ, nkàà nê tà bakà li me làꞋa nkûŋ. Tàa ngɨ̀ tà me làꞋà mèfà̧, tà wua ndàꞋà mbɨ̀Ꞌɨ̀ tàa ndzìà ngɨ̀a àfɨ̀Ꞌ àgème la, nkàà nê, tà wu wòt mèfà̧, mè ngu tǎt mèfà̧ ègème.

ÀfaꞋa 13:10

mbɔ̂ nê, “À wu waã Satàn. À wu wɔ̀mbù̧ àghɨ a ntsɔ̧̀ àgème. Èbɨ̀Ꞌte èŋɔꞋte mènəè e lu̧u̧ a èbèm lê. Àa ntsèka nyɔ̀Ꞌtà mènəè Mbɔ̧ɔ̧mà mu è wu nkûŋ la ezi ane àfɨte.

2 Kɔlìn 11:14

Wòt yea àyaa à ka ntsè atò ngu nê nàa ngɨ̀ è wu àfɨ̀Ꞌ àko ka wuê Satàn fɨ̀te bòt tè bɔ tsiꞋa mɨ̀ɨ̀tà nê tà wu wantu̧ Mbɔ̧ɔ̧mà tàa nɨa èkaꞋà nɨa nkɨ̀Ꞌa la.

2 Kɔlìn 11:3

Maà mbɔ̀ɔ nê bòt ko aa fɨte awɨ̧ mbɨ̀Ꞌɨ̀ Satàn nyà̧kàbɔ̀ŋ li nɨ̀ àŋɔꞋte fɨ̀te a Ive la, etsòkè ètsə bɨ̧, bɨa baka tsi ŋà wɨ̧ nè èntɨ̧ɨ̧ wemɔꞋ abua Yesò Klistò.

2 Kɔlìn 4:4

Bòt ngaa e tu̧u̧ bɨ̧ɨ̧ne nkàà nê, Satàn wu tà wu mbɔ̧ɔ̧mà ngɔ̀ŋ yaa la, è kɔke mbàꞋ a mèntɨ̧ɨ̧ mɔb. Tà kabte àghɨ ayɔb mbɨ̀Ꞌɨ̀ ka bɔ ye èkaꞋà wu è wu Ntu̧ Ntsɔ̧̀ yu nàa ndàꞋà ànəa ènɨ̧ Yesò Klistò wu tà wù mbɨ̀Ꞌɨ̀ Mbɔ̧ɔ̧mà la.

Efesɔ̀s 2:2

È li ngu àfɨꞋa mbɔŋ bɨ me tseke mbɨꞋɨ̀ bòt ngɔ̀ŋ àa ntsèka ngɨ̀a èbɨte mènəê la. Bɨ li ngua ndzəa wòt kàbɔ̀ŋ wu tà wu àtsəa fote kàbɔ̀ŋ tu a ègwet la. Eyaa wu wòt kàbɔ̀ŋ wu tàa ngɨ̀à bòt e kweela àtsə abua Mbɔ̧ɔ̧mà la.

2 Tɔ̀màtià 3:8

Bòt mbɔŋ bɔ̀ɔ ngèèba ale la aa ntù̧a mènəè nkûŋ wuê mbɨ̀Ꞌɨ̀ Janèsìs bɔ̂ Jamblès è le tu̧u̧ mènəè mu Musì li ngua ndàꞋà la. Eyaa wu bòt bɔ̀ɔ ka tsi nko nkwàꞋtè mènəè ntsɔ̧̀, mèntɨ̧ɨ̧ mɔb ka meè ndâ ngu ane Yesò la.

Jimsì 3:15

Èwuu èyì waa è ka dzə abua Mbɔ̧ɔ̧mà, e dzə a sitsǎꞋ, Fo Mbɔ̧ɔ̧mà kà meè ngu adù̧. E dzə abua Satàn.

Ètsə 12:17

A ghɨ̀ ale, dlagɔ̀n wu tsǒ ane àvi wu kwàꞋ ànyaꞋne, tè ngà è màꞋà èbet nè àbəꞋa bòt àndǎ̧ atò, è wu bòt bu bɔ̀ɔ nɔ̀ŋà mbɨ̧te Mbɔ̧ɔ̧mà mè bɨ̧̀ɨ̧̀ne nê èghɨ bu Yesò nyɨꞋte la wu nkûŋ la. Dlagɔ̀n wu tɨ̧ɨ̧ a ngèt *èdzî.

Ètsə 12:9

Bɔ ghɨ̀ ale, màꞋà taꞋà dlagɔ̀n wu a sitsǎꞋ. Wu dlagɔ̀n wu è li ndzaŋe wu bɔ̀ɔ ntɔ ane fɔ̧̀ fote kàbɔ̀ŋ nè Satàn la, tà mè me fɨte bòt ngɔ̀ŋ bàgème la. Bɔ li màꞋà atò a sitsǎꞋ bɔ̂ bɔntu̧ bi.

Ètsə 18:23

ÈkaꞋà è ka li tsi e beꞋe abot a, bɔ̀ ka wu tsi e li zə àtɔŋ ndzà bɔ̂ lu̧ vi. Bòt bɔ li ngua nta èwen bɨ tò ba la li ngu bòt kekweelè a sitsǎꞋ, à mè nɨ tèkàŋ tê nɨŋ fɨ̀te bòt ngɔ̀ŋ bàgème.

Ètsə 19:20

Bɔ nù ale mbà̧aã nyà̧mɔ̀Ꞌ yu mbɨ̀Ꞌɨ̀ àbùꞋ a èbet, mè baãaã ndàꞋàtɔŋ fɨ̀te wu tà li ngua ngɨ̀à mènəè ngɨŋa a mbì tò fɨ̀ta bòt la. Tà li ngua fɨ̀ta bòt bu bɔ bɔ àlȩê nyà̧mɔ̀Ꞌ yu ane yɔb, mè me kukte a wamâlem tò wu la. Bɔ ghɨ̀ ale, màꞋà nyà̧mɔ̀Ꞌ yu bɔ̂ ndàꞋàtɔŋ fɨ̀te wu èyu̧ a èbem èwet ko àa mbɨ̀Ꞌɨ̀ èlemè nkòòla nè èkem adù̧ la.

Ètsə 20:10

Bɔ ghɨ̀ ale, maꞋa Satàn wu tà fɨte awɔb la a èwet ko àa mbɨ̀Ꞌɨ̀ èlemè nkòòla nè èkem adù̧, bɔ zǐ màꞋa nyà̧mɔ̀Ꞌ yu bɔ̂ ndàꞋàtɔŋ fɨ̀te wu a èbèm la. Bɔ̀ɔ me ye ngoꞋ a èbèm, ètsəꞋ nè nèngû̧ ane àlia nè àlia.

Ètsə 9:11

Fɔ̧̀ ènkàfuŋ mbɔŋ li ngu wantu̧ wu tà wu àtsəa èbɨ lu kà ye ndìa la. Èlen tò ane ndɨ̧ Ebùlù wu Abadòn, ane ndɨ̧ Glɨ̂k wu Apoliyɔ̀n.