2 Tèsàlonikà 2:7 - Mundani

⁷ Bòt nyaŋ bɔ̀ɔ ka bê nkɨ ezə mènəè Mbɔ̧ɔ̧mà la e yaŋe ewu àbȩ tè ndɔ̀Ꞌ, ka ndàꞋ àghɨa àa ghɨ baa ko ayea mbɔŋ la, wu àghɨa Mbɔ̧ɔ̧mà ghɨ baa ko la. Ka betsiꞋa àghɨa e ndi nê aa ghɨ la à ka ghɨ tè Mbɔ̧ɔ̧mà ghɨ̀ ntsì wòt wu nkèla èlu̧ nê èghɨ ngaa ègème è ka ngɨ̀ la.

2 Tèsàlonikà 2:7 ပူးပေါင်းရင်းမြစ်များ

ÀfaꞋa 20:29

Mâ ko nê, maa me ghɨ̀ tê sà àwɨ̧, bòt ko mbɨ̀Ꞌɨ̀ ngwitenyà̧ e nyi a kètsìà wɨ̧ ka bɔ̀ ka wu sa wòt ane yɨ̧.

2 Tèsàlonikà 2:6

Bɨ ko àghɨa nkèla atò nê tà ka nkɨ̀Ꞌɨ̂ àfɨ̀Ꞌ yaa la. A wu anè mbɨ̀Ꞌɨ̀ taa tsiꞋi ekɨꞋɨ àfɨꞋa tà bɔ ndɨ tàa kɨꞋɨ la.

1 Tɔ̀màtià 3:16

Ànəa ndò̧ yu ba ko ane èngǎ̧ Mbɔ̧ɔ̧mà la aà nkwèèla tè betsiꞋa wòt kà ko ntu̧. Yesò Klistò li mpùùlà ntsìꞋi wɔ̀bȩ̂. Fo Mbɔ̧ɔ̧mà è nyɨꞋte wòt tà wu wùà la, Bɔntu̧ Mbɔ̧ɔ̧mà e mè ndzě atò. Bòt e li ndàꞋà èngǎ̧ tò abua bòt èlaꞋ tsa, Bòt èdzìꞋ ègème a ngɔ̀ŋ ŋaa e zì mèntɨ̧ɨ̧ mɔb ane tò, Mbɔ̧ɔ̧mà nɨ atò a ègwet ntsìa a ègwet àtɨ̧a kèfɔ̧̀ àzi.

1 Jɔ̌n 2:18

Bɔ̧ bɔ̧, ngɔ̀ŋ bele yàŋe elìa. Bɨ li ndzə nê, wɔ̀mbù̧ Yesò Klistò naa li ekɨꞋɨ. Ka nè àfɨ̀Ꞌ yaa bɔmbù̧ tò e taꞋa saꞋa a si tè àyea mbɔŋ a ghɨ̂ ba ko nê ngɔ̀ŋ bele yàŋe elìa.

1 Jɔ̌n 4:3

Ka wòt ègème tà tu̧ nê Yesò Klistò li tà kà tsiꞋi wɔ̀bȩ̂ la, bɨ ko nê fo yu ane ŋut la ntsě ye Mbɔ̧ɔ̧mà. Fo mbɔŋ wu ye wɔ̀mbù̧ Yesò Klistò wu bɨ li ndzə nê taa li ekɨꞋɨ la, è bê nkɨ̀Ꞌɨ̂ tè ntsìꞋi àbȩ àfɨ̀Ꞌ yaa la.

Ètsə 17:5

Bɔ shɨ èlen a èsi tò e bɔ lə ndò̧ la nê, “TaꞋà àpfəèà nɨ̧ a Babilɔ̀n, nyɨ̌ bèghȩ̀ȩ̀nè ghȩȩne, nè èbɨꞋte èghɨ ègème àa ngɔ̀ŋ la.”

Ètsə 17:7

Ka wantu̧ Mbɔ̧ɔ̧mà wu biite am nê, “Ànəa mbɔŋ a ghɨ̀ na ka me tsè àwê à? Maa shu àwê lə ànəê ndò̧ ane àvi wu, nè nyà̧mɔ̀Ꞌ yu è ŋeꞋe atò mbɔ̀ ètsə besà̧à̧mbe nè ndɔŋtsə èghem la.