2 Pità 3:17 - Mundani

¹⁷ Bèshu̧ bɔ̧, ndɨ̀ waa bɨ ko mènəè maa tè ndɔ̀Ꞌ la, bɨ̀ me baabe awɨ̧ mbɨ̀Ꞌɨ̀ ka bòt kàbɔ̀ŋ baa bɔ fà̧à̧tè èka bɔb la, e tsòkè ètsə bɨ̧ ngɨ̀ èka bɨ̧ e lɔŋ, èntɨ̧ɨ̧ wɨ̧ wu bɨ zi ane Mbɔ̧ɔ̧mà la è ka tsi ngua nkwèèla.

2 Pità 3:17 ပူးပေါင်းရင်းမြစ်များ

Matìù 16:11

A ghɨ̀ na ka à ka kɔꞋ àtsəa yɨ̧ nê mâ ghɨ̂ e nka wua ndàꞋà ànəa bled à? Bɨ̀ me ko awɨ̧ ane yis Bèfalèsiì bɔ̂ Bèsadùsiì.”

Matìù 16:6

Yesò shu abua yɔb nê, “Bɨ̀ me ko awɨ̧ mè mbààba awɨ̧ ane yis Bèfalèsiì bɔ̂ Bèsadùsiì.”

Matìù 7:15

“Bɨ̀ me ko awɨ̧ mbɨ̀Ꞌɨ̀ bèndàꞋàtɔŋ Mbɔ̧ɔ̧mà fɨte e nyi ayɔɔ yɨ̧. Bɔ̀ɔ ngɨ̀ bɔ me nyɨꞋte nê bɔ̀ɔ njùa ane mènəè mɔb mbɨ̀Ꞌɨ̀ njɨ̀tsə, ka mbɔ̂ ngu a èbem mbɨ̀Ꞌɨ̀ ngwitenyà̧.

Jɔ̌n 16:4

Ka e shu awɨ̧ mènəè maa mbɨ̀Ꞌɨ̀ è lɔ̀Ꞌɔ è te bɨ ku̧u̧tè nê mâ yaŋe làꞋa ànəa mùà abua yɨ̧. E ndi è nka shu awɨ̧ mènəè maa àfɨ̀Ꞌ yu bɨ li mbùꞋ me kùŋè am la, nkàà nê ba nɨ̧̀ ba e li ngu nɔ̂.

ÀfaꞋa 2:42

AfɨꞋa bɔ bɨ̧̀ɨ̧̀ne èngǎ̧ Yesò la, bɔ zì ètsə bɔb mbɨ̀Ꞌɨ̀ eko èghɨ bɔntu̧ Yesò bu e nyɨꞋtà la. Bɔ ghɨ̀ ale, ntsìꞋa ngɨ̀à mènəè mɔb ègème ane ètsəê wemɔꞋ, njɨ̀a èghɨjɨ bɔb mè ntsàꞋtè a Mbɔ̧ɔ̧mà adzìꞋ yeamɔꞋ.

Lûm 16:18

Èwuu bòt mbɔŋ è ka faꞋa abua Yesò Klistò Lefɨ̀Ꞌ wa, bɔ fàꞋà wuê abua tèbêm tɔb. Bɔɔ nɨa mèngǎ̧ ntsɔ̧̀ nè àvəèəèlè fɨ̀ta bòt bu bɔ̀ɔ ka kwaꞋte mènəè ntsɔ̧̀ la.

1 Kɔlìn 10:12

È wu ale, wòt tà mɨɨtè nê ye tɨ̧ɨ̧ ntsɔ̧̀ la me ko avi mbɨ̀Ꞌɨ̀ ka tà kwen.

1 Kɔlìn 15:58

È wu ale, à ngule bɔnyɨ bɔ̧, bɨ̀ tɨ̧ɨ̧ ntsɔ̧̀, àghɨ à ka nyìꞋì àwɨ̧. Bɨ̀ me ghɨ̌ àfaꞋa Lefɨ̀Ꞌ nɨa ngà nè mbì àfɨ̀Ꞌ àgème, ndɨ̀ wu bɨ ko nê betsiꞋa àfàꞋ àyɨ̧ abua Lefɨ̀Ꞌ à ka tse àku la.

2 Kɔlìn 11:3

Maà mbɔ̀ɔ nê bòt ko aa fɨte awɨ̧ mbɨ̀Ꞌɨ̀ Satàn nyà̧kàbɔ̀ŋ li nɨ̀ àŋɔꞋte fɨ̀te a Ive la, etsòkè ètsə bɨ̧, bɨa baka tsi ŋà wɨ̧ nè èntɨ̧ɨ̧ wemɔꞋ abua Yesò Klistò.

Gàlashìà 5:4

Bɨ̀a wu bɨ̀a nyɔ̀Ꞌtà nkɨ etɨ̧ɨ̧ ndɨŋndɨ̀ŋ a mbì Mbɔ̧ɔ̧mà nkàà na bɨ̀a ngɨ̀à mbɨ̀Ꞌɨ̀ mbɨ̧tsə te kɨa la, bɨ tsì àwɨ̧ ane Yesò Klistò. Bɨ tu̧ àghɨa Mbɔ̧ɔ̧mà ŋa abua yɨ̧ àku la.

Efesɔ̀s 4:14

Ba tsiꞋi anè ko bà ka tsi ewu mbɨ̀Ꞌɨ̀ bɔtechɨɨle, bòt mèfà̧ àa nɨa kèghebte fɨ̀ta wɔb mpàà wɔb mbɨ̀Ꞌɨ̀ àfeme maꞋa àbâ abà, ngɨ̀à èbeko ane yɨ̧ e bɨ̧̀ɨ̧̀nà mènəè fɨ̀te la a.

Filìpȩ 3:2

Bɨ̀ me ko awɨ̧ ane bòt kàbɔ̀ŋ bu bɔ̀ wu mbɨꞋɨ̀ babə bɔ̀ɔ ŋwèèla shua nê bɔ naŋe wòt mbɨ̀Ꞌɨ̀ mbɨ̧te Bèjuê tèa shua la, ka tà bɔ̂ ngu wòt Mbɔ̧ɔ̧mà la.

Kɔ̀losìà 2:5

Bɨ̀ ko nê, mâ batè è nka wu adzìꞋ yu ba nɨ̧̀ ba ale, mbɔ̂ mbèla mɨ̀ɨ̀tà wɨ̧ àfɨ̀Ꞌ àgème. Aa mbɔ̀ am ndɨ̀ wu mâ ye bɨ lâ fɔtè ntɨ̧̀ɨ̧ me kweele ane mèntɨ̧ɨ̧ mɨ̧ mu bɨ zi ane Yesò Klistò la.

Kɔ̀losìà 2:8

Bɨ̀ me ko awɨ̧ mbɨ̀Ꞌɨ̀ ka wòt kǒ nɨ mèmɨ̀ɨ̀te àkû mu nàa fɨ̀ta bòt la ngɨ̀ bɨ tsiꞋi èbùꞋ. Èwuu mèmɨ̀ɨ̀te maa dzə ane èghɨ bu bɔbȩ àa nyɨ̀Ꞌta nê bòt è me ghɨ̀ la, mè ndzə abua fo tu tèa mbǎ̧ ngɔ̀ŋ yaa la. Mènəè mbɔŋ ka dzə abua Yesò Klistò.

2 Tɔ̀màtià 4:15

Me ko mbɨ̀Ꞌɨ̀ tà ghɨ ane yê mɨ̧̂, nkàà nê tà li tà kà bê ngùa nkɨ̌ eyute mèngà̧ mu ba nyɨꞋtà la.

Ebùlù 3:14

Bɨ̀ ghɨ̀ ale, nkàà nê bà tsiꞋi àghɨ yeamɔꞋ nè Yesò Klistò na èntɨ̧ɨ̧ wa wu ba li ndzi ane Mbɔ̧ɔ̧mà la e me kweele tê ngà ndzə a mèndìa la.

1 Pità 5:9

Bɨ̀ teme kwen tɨ̧ ŋǎ abua tò, ndzì mèntɨ̧ɨ̧ mɨ̧ wuê ane Mbɔ̧ɔ̧mà me kweele, ngu nê bɔnyɨ bɨ̧ a èdzìꞋ ègème a ngɔ̀ŋ ŋaa aà ndzea èwuu ngoꞋ mbɔŋ mɨ̧̂.

2 Pità 2:7

Tà li ngɨ̀ Lɔ̂t wu tà li ngu wòt ntsɔ̧̀ la pem. Lɔ̂t waa li nguê tàa ngɨ̀ tà ye èbɨꞋte ènəê bu bòt kàbɔ̀ŋ baa àa ngɨ̀à la, a taꞋa saa atò.

2 Pità 3:1

Bèshu̧ bɔ̧, eyaa wu ngò̧ tebe e shɨa àkatè abua yɨ̧. E shɨa èkatè mbɔŋ enɨ ku̧u̧te awɨ̧ mènəè mu bɨ ko tê ndɔ̀Ꞌ la, mbɨ̀Ꞌɨ̀ elɔ̀ktè mèntɨ̧ɨ̧ mɨ̧ bɨa bɔ mèmɨ̀ɨ̀te ntsɔ̧̀.

Ètsə 2:5

È wu ale, bɨ̀ ku̧u̧te àdziꞋa èkɔŋ wɨ̧ è le wu ane yaã la, nkùbte mèntɨ̧ɨ̧ mɨ̧, mè me ghɨ mbɨ̀Ꞌɨ̀ bɨ li ndzaãaã ngùa ngɨ̀à la. Bɨ̀ baka kubte, ko ma kɨꞋɨ e tsì àyɨ̧ ne àghɨ yu bɔɔ ntsia èkaꞋà adù̧ la adzìꞋa zi.