2 Pità 3:16 - Mundani

¹⁶ Tà làꞋa ànəê yaa a èbem èkatè ègème tà shɨ la. Mènəè ko naa a èbem èkatè mbɔŋ nàa nkwèèla a mànkoa la. Eyaa mènəè bòt bu kà ko àghɨa nkûŋ wu yùà la, bɔ̀ ka mê nko àdziꞋa bɔ tɨ̧ɨ̧ la, àa mbà̧aã nəèꞋà wuê mbɨ̀Ꞌɨ̀ bɔ̀ɔ ngɨa ane èdzìꞋ ko a èbem Àkata Mbɔ̧ɔ̧mà la. Bɔɔ ngɨ̀à àyaa ale ngua ngaꞋa èlu̧ abua Mbɔ̧ɔ̧mà taa li eliime awɔb.

2 Pità 3:16 ပူးပေါင်းရင်းမြစ်များ

Matìù 15:3

Yesò bɨ̀ɨ̀lè nê, “Àghɨ yu a ghɨ̂ ka bɨ gha ambo mɨ̧ ne mènəè, bɨ̀ ka wua ngɨ̀à àghɨa Mbɔ̧ɔ̧mà shu nê bɨ̀ me ghɨ̀ la wu ghà à?

Matìù 15:6

Ale, bɨ gha ambo mènəè ndɨ̧ yɨ̧, ngwaꞋa ànəa Mbɔ̧ɔ̧mà shu nê bɨ̀ me ghɨ̀ la.

Matìù 22:29

Yesò bɨ̀ɨ̀lè èngǎ̧ wɔb nê, “Bɨ fâ̧, nkàà nê bɨ bakà ko èngǎ̧ Mbɔ̧ɔ̧mà, bɨ̀ ka mě ko mètàŋ tò.

Filìpȩ 3:19

Bɔɔ li nyɔ, nkàà bɔ nɨ èghɨ mbɨ̧te ènyit tɔb tèa nkɔ̀ŋkà la ngɨ̀ e tsiꞋi mbɨ̀Ꞌɨ̀ mbɔ̧ɔ̧mà. Bɔɔ ngɨ̀à tè ngù̧a nkùꞋ tɔb ane àghɨa ètsə bɔb e wu me kɔꞋɔ adù̧ la. Bèŋût aà nkwàꞋtà wuê èghɨ ngɔ̀ŋ yaa.

Ebùlù 5:11

Ba taꞋa bɔ mèngǎ̧ bàa làꞋa ane ànəê yaa la, ka è me kweele awa ndɨ bàa ghaꞋte shu la, nkàà nê ànəê aà kà yàŋè nyi àtsəa yɨ̧.

1 Pità 1:1

Letà Pità, wantu̧ Yesò Klistò, Abua bòt Mbɔ̧ɔ̧mà bu bɔ taa awɔb bɔ sàbtè ntsìꞋa ntsèkâ mbɨ̀Ꞌɨ̀ bègɨ̧̀ a Pontùs, nè Gàlashìà, nè Kàpàdosìà bɔ̂ Esìà nè Bìtinìà la.

1 Pità 2:8

Mè nê, “Eyaa wu èti lu àa ghɨ̌ bòt aa sèmne la, mè ngu èwu lu àa ghɨ̌ bɔɔ sèmne ekwene la.” Bòt bu bɔ tu̧u̧ ebɨ̧ɨ̧ne èngǎ̧ Mbɔ̧ɔ̧mà la, àa sèmnà nkwèna a èlɨ̀ waa. A bê ngu wuê mbɨ̀Ꞌɨ̀ Mbɔ̧ɔ̧mà li nê aa li ewu ane èwuu bòt mbɔŋ la.

2 Pità 2:1

Bòt ko e li ndɔ̀Ꞌte a si ayɔɔ bòt Izəèlȩê me fɨta shua nê bɔ wu bèndàꞋàtɔŋ Mbɔ̧ɔ̧mà. È bê ngu wuê èlɨ bènyɨꞋtà ko àa lɔ̀Ꞌte a si ayɔɔ yɨ̧ e me fɨte awɨ̧ mɨ̧̂ la. Bɔɔ yɨ̧ɨ̧te kɨꞋɨ me làꞋà mèngǎ̧ tsòkè ètsə bɨ̧. Bɔɔ ghɨ̀ ale, te gha ewu àdziꞋa bɔ̀ɔ tu̧ a Tè Yesò Klistò wu tà li njù̧ ètsə bɔb la, ale etɔ ngoꞋ naa bê kwene a ègwet lɔb eliime awɔb.

2 Pità 2:14

Mèmɨ̀ɨ̀te mɔb ègème bê ngu wuê ànəa mànjɨa àbȩ, tè bɔ̀ ka wua nkà̧aã a màngɨa kàbɔ̀ŋ. Bɔɔ səèà bòt bu mèntɨ̧ɨ̧ mɔb nàa njùa ane Mbɔ̧ɔ̧mà la, ngɨ̀à bɔ ghɨa kàbɔ̀ŋ. Bɔ ghe bɔ̀ɔ nkɔ̀ŋkà e me nɨ nɨ la. Mbɔ̧ɔ̧mà nɔ̀ŋe ndɔ̀ àtsəa yɔb tè ndɔ̀Ꞌ.

2 Pità 3:14

È wu ale à bèshu̧ bɔ̧, mbɨ̀Ꞌɨ̀ bɨ̀a nchɨ̀Ꞌà èghɨ bàa la, bɨ̀ la ndzì àtsə ndze nê bɨa ntsèka ntsɔ̧̀ nè Mbɔ̧ɔ̧mà tè tà ka ndzè ka wuê adziꞋi kàbɔ̀ŋ ane yɨ̧.

2 Pità 3:2

E nkɨa bɨa ku̧u̧te mèngà̧ mu ngule bèndàꞋàtɔŋ Mbɔ̧ɔ̧mà e li ndàꞋ àfɨꞋa mbì la, nè ànəa Lefɨ̀Ꞌ Mpemnà wa li ngɨ̀ bɔntu̧ tò elàꞋ la.

Jûd 1:4

E shɨa ale nkàà nê, bòt ko bɔ tu̧u̧ a Mbɔ̧ɔ̧mà la e yɨ̧ɨ̧tè nyi a kètsìà wɨ̧. Bɔɔ ngèbla èngǎ̧ tò wu àa nyɨ̀Ꞌta èkɔŋ tò la, mbɨ̀Ꞌɨ̀ ebɔ èlu̧ e me ghɨ̌ èbɨꞋte ènəê, mè ntù̧a Yesò Klistò Lefɨ̀Ꞌ wu tà wu Tǎt wa mè ngu ndàꞋ wòt ba bɔ ndɨ bàa me zə atò la. Mbɔ̧ɔ̧mà li ndzaŋe saꞋa ànəa bòt baa, tè nê aa li ebɨɨ abà yɔb.