2 Pità 3:14 - Mundani

¹⁴ È wu ale à bèshu̧ bɔ̧, mbɨ̀Ꞌɨ̀ bɨ̀a nchɨ̀Ꞌà èghɨ bàa la, bɨ̀ la ndzì àtsə ndze nê bɨa ntsèka ntsɔ̧̀ nè Mbɔ̧ɔ̧mà tè tà ka ndzè ka wuê adziꞋi kàbɔ̀ŋ ane yɨ̧.

2 Pità 3:14 ပူးပေါင်းရင်းမြစ်များ

Matìù 24:26

“È wu ale, bɔ shua wɨ̧ nê, tà wu àbâ àlaꞋ àyuube, bɨ̀ ka ngà, kò wuê nê tà wu a èbem àtsəa lob leꞋ, bɨ̀ ka mbɨ̧̀ɨ̧̀ne ànəa bɔ shua la,

Matìù 25:7

“Bɔɔ̀zi bu e lɔ̀Ꞌtè a si bàgème nèètè mèkàꞋà mɔb nkɔ̀ktê.

Lûk 12:43

WafàꞋ ngaa naa taꞋa wùꞋtè àvi, na tǎt àfàꞋ tò me kɨꞋɨ àpfəè ndze atò fàꞋà la.

Lûk 2:29

“Tê, à ghɨ̀ mbɨ̀Ꞌɨ̀ à li nkàꞋ la, ghɨa wafàꞋ wê sa sitsǎꞋ àfɨ̀Ꞌ yaa bò̧ bò̧.

1 Kɔlìn 1:8

Taa ghɨ̌ èngǎ̧ waa aa shɨꞋɨ a mèntɨ̧ɨ̧ mɨ̧ te ghǎ e dzəâ ane àli yu tàa mě kɨꞋɨ la, tè wòt naa baka ye àghɨa tàa fèèlè àwɨ̧ adù̧ ane àlia ngaa la.

1 Kɔlìn 15:58

È wu ale, à ngule bɔnyɨ bɔ̧, bɨ̀ tɨ̧ɨ̧ ntsɔ̧̀, àghɨ à ka nyìꞋì àwɨ̧. Bɨ̀ me ghɨ̌ àfaꞋa Lefɨ̀Ꞌ nɨa ngà nè mbì àfɨ̀Ꞌ àgème, ndɨ̀ wu bɨ ko nê betsiꞋa àfàꞋ àyɨ̧ abua Lefɨ̀Ꞌ à ka tse àku la.

Filìpȩ 1:10

A wu ale, ko bɨa me ntsèka nkoa àghɨa è wù àyea ntsɔ̧̀ la. Ko bɨa tsiꞋi bòt mèntɨ̧ɨ̧ kèfə, kà wòt wuê ko eshu nê bɨ ghɨa kàbɔ̀ŋ te eghǎ edzə ane àli yu Yesò Klistò nàa li e mě ekɨꞋɨ la.

Filìpȩ 2:15

Bɨ ghɨ ale, ko bɨa tsiꞋi bòt kà fâ̧ ànəê a mbì Mbɔ̧ɔ̧mà, bòt è ka meè ngu ye àghɨa bɔ̀ɔ nɨ efèèlè àwɨ̧ la, bɨ mè ngu etsiꞋi ngule bɔ̧ Mbɔ̧ɔ̧mà kà ye àlɔꞋ a èbem ngɔ̀ŋ yaa, è lu̧u̧ ne bòt mènəè mɔb è toŋke la, nè bòt kàbɔ̀ŋ la. Bɨ̀ me beꞋe ayɔɔ yɔb mbɨ̀Ꞌɨ̀ těnto̧tsə tèa nkaꞋa a èbem ndzěm la,

Filìpȩ 3:20

Ka è wu awa, ko àpfəa ya a wu nè kèfɔ̧̀ Mbɔ̧ɔ̧mà. Baa nchɨ̀Ꞌà nê Yesò Klistò Lefɨ̀Ꞌ, Mpemnà wa chu a ègwet və nkwène ane ya.

1 Tèsàlonikà 3:13

Bɨ me ghɨ̀ ane ko Mbɔ̧ɔ̧mà naa zì mèntɨ̧ɨ̧ mɨ̧ e mě ghɨ̌ bɨa tsiꞋi bòt tò nènkèm mbɨ̀Ꞌɨ̀ è li e wu ane àli yu Yesò Lefɨ̀Ꞌ wa nàa kɨꞋɨ ne bòt bi bàgème la, bɨ tɨ̧ɨ̧ a mbì Tǎt wa Mbɔ̧ɔ̧mà kà ye àghɨa wòt nàa fèèlè àwɨ̧ adù̧ la.

1 Tèsàlonikà 5:23

TsiꞋ Tǎt wa Mbɔ̧ɔ̧mà wu tàa ngɨ̀à ba bɔ àlàŋkà èntɨ̧ɨ̧ la ghɨa bɨ̀ tsiꞋi mbɨꞋɨ̀ tòà ane balu̧ bàgème. TsiꞋ mèntsèke mɨ̧ nènkèm, nè mèmɨ̀ɨ̀te mɨ̧, nè mbɨ̧̀ ènyit yɨ̧ è wu ka ye àghɨa wòt nàa fèèlè àwɨ̧ adù̧ la, tè ndɨ Yesò Klistò Lefɨ̀Ꞌ wa nàa li mèe ekɨꞋɨ la.

1 Tɔ̀màtià 6:14

Mâ shu awê nê, ghɨ àghɨ àgème e shua nê à ghɨa la kà ŋɔꞋte ànəê adù̧. Ko mbɨ̀Ꞌɨ̀ à ghɨ̀ ànəê àko ndɨ bòt àa fèèlè awê la, tè ndɨ Yesò Klistò Lefɨ̀Ꞌ wa nàa li e mě kɨꞋɨ la.

Ebùlù 9:28

Yesò Klistò zìambɔŋ li ŋà àtsəa zi ngò̧ yemɔ̀Ꞌ mɨ̧̂ nɨŋ shùù mènəè kàbɔ̀ŋ bòt nyaŋ. Tàa mèe ekɨꞋɨ a ngo̧ kwèn, mbɔ̂ ngu kɨꞋɨ ale, tà kà tsi ngua nkɨ̀Ꞌa e ghɨ̌ Mbɔ̧ɔ̧mà naa waꞋa mènəè kàbɔ̀ŋ bòt, tà tsìꞋa nkɨ̀Ꞌa e ghɨ̌ bòt bu bɔ̀ɔ nchɨ̀Ꞌà atò la aa peme.

Jimsì 1:27

Wòt Tǎt wa Mbɔ̧ɔ̧mà nɨa tò mbɨ̀Ꞌɨ̀ wòt tà nèètè nko avi la, wu wòt tàa ntɨ̀ŋa batsi bɔ̂ bènempfə a èbem ngoꞋ tɔb, mè me baabe avi mbɨ̀Ꞌɨ̀ ngɔ̀ŋ zi a kàbɔ̀ŋ ane zi la.

1 Pità 1:7

NgoꞋte mbɔŋ te ye awɨ̧ anè, mbɨ̀Ꞌɨ̀ bɔɔ ye nê bɨ zì mèntɨ̧ɨ̧ mɨ̧ ane Yesò nkûŋ nkûŋ. Ka è màà ngu wuê goêl wu è wù àghɨa betsiꞋa a bɨ la, ko bɔ̀ɔ ngɨ̀ bɔ to̧ a èbem èwet, ngɨ̀ mèkɔb mu adù̧ la dzəè. Mèntɨ̧ɨ̧ mɨ̧ mu bɨ zi ane Yesò la, è taꞋa tsèa goêl. Ale, ngoꞋtsə te bɔ ndɨ tèa nyìꞋì àwɨ̧ mbɨ̀Ꞌɨ̀ bɨa paa ezì mèntɨ̧ɨ̧ mɨ̧ ane Yesò la. A wu ale, ko Mbɔ̧ɔ̧mà naa li ewùꞋtè àwɨ̧, e mèe lɔ̀kè èlen lɨ̧ a ègwet ane àli yu Yesò Klistò nàa li kɨꞋɨ la.

2 Pità 3:1

Bèshu̧ bɔ̧, eyaa wu ngò̧ tebe e shɨa àkatè abua yɨ̧. E shɨa èkatè mbɔŋ enɨ ku̧u̧te awɨ̧ mènəè mu bɨ ko tê ndɔ̀Ꞌ la, mbɨ̀Ꞌɨ̀ elɔ̀ktè mèntɨ̧ɨ̧ mɨ̧ bɨa bɔ mèmɨ̀ɨ̀te ntsɔ̧̀.

2 Pità 3:16

Tà làꞋa ànəê yaa a èbem èkatè ègème tà shɨ la. Mènəè ko naa a èbem èkatè mbɔŋ nàa nkwèèla a mànkoa la. Eyaa mènəè bòt bu kà ko àghɨa nkûŋ wu yùà la, bɔ̀ ka mê nko àdziꞋa bɔ tɨ̧ɨ̧ la, àa mbà̧aã nəèꞋà wuê mbɨ̀Ꞌɨ̀ bɔ̀ɔ ngɨa ane èdzìꞋ ko a èbem Àkata Mbɔ̧ɔ̧mà la. Bɔɔ ngɨ̀à àyaa ale ngua ngaꞋa èlu̧ abua Mbɔ̧ɔ̧mà taa li eliime awɔb.

1 Jɔ̌n 3:3

Waa waa tà nɔ̀ŋe ntɨ̀ zi ane Yesò Klistò la, nàà nɔ̀ŋà èntɨ̧ɨ̧ vi è kèfə wuê mbɨ̀Ꞌɨ̀ èwe Yesò Klistò àa fəèa la.