2 Pità 3:10 - Mundani

¹⁰ Ka àli yu Tè Yesò Klistò nàa kɨꞋɨ la, aa li kɨꞋɨ kà wòt koê, wuê mbɨ̀Ꞌɨ̀ tsɔŋ nàa ngɨ̀ tà kɨ̀Ꞌɨ̂ la. Naa li ngu ane àlia mbɔŋ ègwet e jùꞋ ane ètɨ̧̂ nyɔ̂, àghɨ àgème àa ègwet və la, a ghɔ̀Ꞌ ndzàne, sitsǎꞋ nè àghɨa àgème àa adù̧ la è ghɔ̀Ꞌ nyɔ̂ mɨ̧̂.

2 Pità 3:10 ပူးပေါင်းရင်းမြစ်များ

Matìù 24:35

SitsǎꞋ bɔ̂ ègwet naa li lɔ̀Ꞌɔ lìa, ka àghɨ à ka wuê li ekubte ane èngǎ̧ am.

Ntu̧ Ntsɔ̧̀ MAK 13:31

SitsǎꞋ bɔ̂ ègwet naa li lɔ̀Ꞌɔ lìa, ka àghɨ à ka wuê li ekubte ane èngǎ̧ am.

Lûk 12:39

Bɨ̀ ko nê tǎt lob ko àfɨꞋa tsɔŋ nàa kɨꞋɨ ètsəꞋ la, kèlɔ kè ka nyia èghɨ tò mbɨ̀Ꞌɨ̀ bɔ gha ghɨ̌ nkɨ̀Ꞌî mbəèꞋəè lob tò.

Lûm 8:20

Èghɨ bu Mbɔ̧ɔ̧mà li ngɨ̀ la e li è ka wu àghɨa e wu wu la, è bɔ̂ è ka wu èghɨ mbɔŋ ka e ghɨ̀ ale la. Wu Mbɔ̧ɔ̧mà ka tà li ngɨ̀ nê è wu ale la. Tà li ngua nkɨà nê èghɨ mbɔŋ è me chɨ̀Ꞌɨ̀, wuê chɨ̀Ꞌɨ̀,

1 Kɔlìn 1:8

Taa ghɨ̌ èngǎ̧ waa aa shɨꞋɨ a mèntɨ̧ɨ̧ mɨ̧ te ghǎ e dzəâ ane àli yu tàa mě kɨꞋɨ la, tè wòt naa baka ye àghɨa tàa fèèlè àwɨ̧ adù̧ ane àlia ngaa la.

1 Kɔlìn 5:5

bɨ zì èwuu wòt waa a tèkitebu Satàn, mbɨ̀Ꞌɨ̀ tà ŋèꞋne mbɨ̧̀ ènyit tò ane kàbɔ̀ŋ tò, è wu ane àlia Yesò Lefɨ̀Ꞌ kɨꞋɨ la tà ghɨ̀ àlɨ̀ŋkè a ŋut a pem.

2 Kɔlìn 1:14

te tsě ndɨ bɨ yaã nko la, mbɨ̀Ꞌɨ̀ Yesò Lefɨ̀Ꞌ ghɨa tà kɨꞋɨ, bɨ me ghàꞋtè àwɨ̧ ambo ya wuê mbɨ̀Ꞌɨ̀ bàambɔŋ àa me ghàꞋtè àwa ambo yɨ̧ la.

1 Tèsàlonikà 5:2

Bɨ̀a mbɔŋ e neetè nko nê, Tǎt wa Yesò naa li kɨꞋɨ ka bòt e koê, mbɨ̀Ꞌɨ̀ tsɔŋ nàa ngɨ̀ tà kɨꞋɨ ètsəꞋ kà bòt e koê la.

1 Tèsàlonikà 5:4

Ka bɨ̀a bɔnyɨ bɔ̧ aa kà tseke mbɨꞋɨ̀ bòt bu bɔ̀ wu a èbem ndzěm la. È wu ale, àlia mbɔŋ à kâ kɨ̀Ꞌɨ̂ kà bɨ koê mbɨ̀Ꞌɨ̀ tsɔŋ nàa ngɨ̀ tà kɨ̀Ꞌɨ̂ bəèꞋəè lob wòt kà tà koê la a.

2 Pità 3:11

Ndɨ̀ wu Mbɔ̧ɔ̧mà nàa li eliime èghɨ bàagème a èlɨ̀ waa la, bɨ̀a chɨɨme wu kà èwuu bòt à? Bɨ bɔ ndɨ bɨ̀a ŋa awɨ̧ nènkèm abua Mbɔ̧ɔ̧mà, e me ghɨ̀ mbɨꞋɨ̀ tàa nkɨà la,

2 Pità 3:12

mbɨ̀Ꞌɨ̀ bɨ̀a nchɨ̀Ꞌà àli yu tàa kɨꞋɨ la, mè ngɨ̀à ndɨ tàa yàŋe ekɨꞋɨ la. Naa li ngu ane àlia mbɔŋ èwet eshɨɨ ègwet, àghɨa àgème àa ègwet və la a ghɔ̀Ꞌ ndzàne a èbem èwet.

2 Pità 3:7

Mbɔ̧ɔ̧mà li ndàꞋ wuê èngǎ̧ vi mbɔŋ nɔ̀ŋè ègwet làa bɔ̂ sitsǎꞋ yàa àfɨ̀Ꞌ yaa la me chɨ̀Ꞌɨ èwet àa tò̧o̧. Aa li ghɔ̀Ꞌɔ ane àli yu tàa li esaꞋa bòt bu bɔ tu̧u̧ atò la eliime awɔb la.

Jûd 1:6

Bɨ̀ ku̧u̧te ànəa bɔntu̧ Mbɔ̧ɔ̧mà bu bɔ li ngwaꞋa àdziꞋa tà tsia awɔb la ntsiꞋi me ghɨ a èlɨ tsa la. Tà kuule awɔb ane fȩte kà wu li loote, nɔ̀ŋè àwɔb a èbem kèbìꞋà me chɨ̀Ꞌɨ̀ àli yu tàa li saꞋa ngɔ̀ŋ yaa la.

Ètsə 16:15

“Bɨ̀ yute, maa kɨꞋɨ mbɨ̀Ꞌɨ̀ tsɔŋ. Ntsɔ̧̀ wu wòt wu tà tseke àtatsi me lȩ, nɔ̀ŋè ndǐ ti a ngèt zi mbɨ̀Ꞌɨ̀ ye ghà kà kwaãaã ndǐ me bɔ àtsəa kɔꞋɔ la.”

Ètsə 20:11

ÀfɨꞋa mbɔŋ e ndze taꞋa àtɨ̧a kèfə. Wòt kǒ wu a ègwet tà tseke la. SitsǎꞋ bɔ̂ ègwet e nyɔ̂ a mbì ŋut tè bɔ̀ ka tsi ndze.

Ètsə 21:1

ÀfɨꞋa mbɔŋ e ndze ègwet fi nè sitsǎꞋ fi, nkàà nê ègwet mbì nè sitsǎꞋ mbì e nyɔ̂, *èdzî nyɔ̂ àzi mɨ̧̂.

Ètsə 3:3

Ale, bɨ̀ ku̧u̧te àghɨa bɨ li ndzə mbɨ̧̀ɨ̧̀nê la, me ghɨa yùà ngà nè mbì, mbɔ̂ mè nkùbte mèntɨ̧ɨ̧ mɨ̧ ane kàbɔ̀ŋ wu bɨ̀a ngɨ̀à la. Bɨ baka lɔke wɨ̧, ko maa kɨꞋɨ àfɨꞋa kà bɨ ko, mbɨ̀Ꞌɨ̀ tsɔŋ nàa ngɨ̀ tà kɨ̀Ꞌɨ̂ la.

Ètsə 6:14

Ègwelebuule e lebe mbɨꞋɨ̀ matà nyɔ̂. Tèbȩtsə tègème nè èdziꞋi si èyuube a èbem *èdzî e lɔꞋte adziꞋi e ghɨ ngu la.