2 Pità 2:14 - Mundani

¹⁴ Mèmɨ̀ɨ̀te mɔb ègème bê ngu wuê ànəa mànjɨa àbȩ, tè bɔ̀ ka wua nkà̧aã a màngɨa kàbɔ̀ŋ. Bɔɔ səèà bòt bu mèntɨ̧ɨ̧ mɔb nàa njùa ane Mbɔ̧ɔ̧mà la, ngɨ̀à bɔ ghɨa kàbɔ̀ŋ. Bɔ ghe bɔ̀ɔ nkɔ̀ŋkà e me nɨ nɨ la. Mbɔ̧ɔ̧mà nɔ̀ŋe ndɔ̀ àtsəa yɔb tè ndɔ̀Ꞌ.

2 Pità 2:14 ပူးပေါင်းရင်းမြစ်များ

Matìù 12:34

Bɨ̀a àndǎ̧ nyaãtekàbɔ̀ŋ! BetsiꞋa bɨ ko ndàꞋà ntsɔ̧̀ na nè ndɨ bɨ̀ wu bòt kàbɔ̀ŋ la à? Ètsəê wòt aà ndàꞋà wuê àghɨa àa èbem èntɨ̧ɨ̧ tò la.

Matìù 23:14

Aa li bɨ̀a wɨ̧ bɨ̀a bènyɨꞋtà mbɨ̧te Musì nè Bèfalèsiì, bɨ̀a wu bɨ̀a shua nê bɨ wu àghɨa kà wu yùà la. Bɨ̀a ngɨ̀ bɨ fɨte bènempfə njɨ̀ lob tɔb mbɔ̂ ndɔ̀Ꞌ me tsàꞋta Mbɔ̧ɔ̧mà ndà̧à̧nà mbɨ̀Ꞌɨ̀ enɨ evəèəèlè àghɨ a bòt. Bɨ̀a li bɔ ngoꞋ è tsě ye bòt bàgème la.]

Matìù 25:41

“Taa shu ale, e gheble avi è shu abua bòt bu àbâ àbuantoŋ zi la nê ‘Bɨ̀ lɔꞋɔ a ngèt yaã, bɨ̀a wu Mbɔ̧ɔ̧mà zi ndɔ̀ àtsəa yɨ̧ la ngà a èbem èwet kà wu li elìa Mbɔ̧ɔ̧mà taŋke abua Satàn bɔ̂ bɔntu̧ bi la.

Matìù 5:28

Ka e ngua shua wɨ̧ nê, wòt tà ye àvi mɨ̀ɨ̀tè nê ye wu paꞋte atò la, è jɨ̀ àbȩ bɔ̂ tò a èntɨ̧ɨ̧ vi tè ndɔ̀Ꞌ.

Ntu̧ Ntsɔ̧̀ MAK 13:22

Bòt nyaŋ aa li kɨꞋɨ me fɨta shua nê bɔ wu Fɔ̧̀ mbɔŋ, èbeko aa me fɨte nê bɔ wu bèndàꞋàtɔŋ Mbɔ̧ɔ̧mà. Bɔɔ li me ghɨ̀ èghɨ àa nyɨ̀Ꞌta mètàŋ Mbɔ̧ɔ̧mà la e mě me lute tèkaŋtsə, enɨ fɨte bòt Mbɔ̧ɔ̧mà, na bɔ wu ko e ghɨ̀ la.

Jɔ̌n 5:44

Bɨ̀a nkɔ̀ŋkà wòt wɨ̧ naa me wùꞋtè wanyɨ vi, ka bɨ̀ ka wua nyɔ̀Ꞌtà nkɨ̌ è ghɨ̌ èghɨ ndàꞋa Mbɔ̧ɔ̧mà nàa wùꞋtè àwɨ̧ la.

Lûm 16:18

Èwuu bòt mbɔŋ è ka faꞋa abua Yesò Klistò Lefɨ̀Ꞌ wa, bɔ fàꞋà wuê abua tèbêm tɔb. Bɔɔ nɨa mèngǎ̧ ntsɔ̧̀ nè àvəèəèlè fɨ̀ta bòt bu bɔ̀ɔ ka kwaꞋte mènəè ntsɔ̧̀ la.

1 Kɔlìn 11:19

Ka àghàbtè wu ànəa ntsɔ̧̀ ndɨ̀ wu betsiꞋa a ghɨ̀ bɔ ko bòt nkûŋ ayɔɔ yɨ̧ la.

Efesɔ̀s 2:3

Bàa gème e li ngu mbɨ̀Ꞌɨ̀ bɔ̀ɔ̀ba wàa, me tseke mbɨꞋɨ̀ mbɨ̧te ènyit ta tèa nkɨà la mbɨ̀Ꞌɨ̀ bɔbȩ. Ba li ngua ngɨ̀à àghɨ àgème a kɔꞋɔ a ètsə ba la, nè àyea mbɨ̧te ènyit ta tèa nkɨà la mbɨ̀Ꞌɨ̀ bɔbȩ. Ale, ntsǒ Mbɔ̧ɔ̧mà li mbɔ̌ ndɨ nàa nɔ̀ŋke a ètsə ba wuê mbɨ̀Ꞌɨ̀ nàa nɔ̀ŋke àtsəa wɔ̀bȩ̂ ègème la.

Efesɔ̀s 4:14

Ba tsiꞋi anè ko bà ka tsi ewu mbɨ̀Ꞌɨ̀ bɔtechɨɨle, bòt mèfà̧ àa nɨa kèghebte fɨ̀ta wɔb mpàà wɔb mbɨ̀Ꞌɨ̀ àfeme maꞋa àbâ abà, ngɨ̀à èbeko ane yɨ̧ e bɨ̧̀ɨ̧̀nà mènəè fɨ̀te la a.

Kɔ̀losìà 2:18

Bɨ̀ ka mbɨ̧̀ɨ̧̀nê wòt kǒ tà mɨɨtè nê ye tsě bòt nkàà ndzò̧ tu tàa ndzèa la è fɨ̀ta awɨ̧. Eyaa èwuu bòt bu bɔ̀ɔ shɨ̀ɨ̀bà nê, bòt è me nɨa wɔb a si mè shua nê, bòt è me ŋa kènuke wuê abua bɔntu̧ Mbɔ̧ɔ̧mà la. MènkwàꞋte tò mbɨ̀Ꞌɨ̀ è me bòt ko nàà ngɨ̀à tà wu̧a nkùꞋ zi kà ye lə.

2 Pità 2:18

Bɔ taꞋa wua ngwàbta mètsəê mɔb ngù̧a nkùꞋ tɔb, mbɔ̂ ngua ndàꞋà mènəè àku. Bɔɔ nyɨ̀Ꞌta nê bòt è me ghɨ̌ àghɨ àgème mbɨ̧te ènyit tɔb tèa nkɨà la, nɨa səèà bòt bu mbèla ndzəèa dzəâ ayɔɔ bòt bɔ fà̧à̧tè èka bɔb la, mè mvəèəè àwɔb a èbèm.

2 Pità 2:3

BènyɨꞋtà fɨte bàa aa gha ambo èlɨ̀ wu bɔ̀ɔ nkɨ me nɨ nɨ la, me dèbè mètaã mɔb mènəè kɔ̀Ꞌa bɔ shua mbɨ̀Ꞌɨ̀ enɨ èghɨ àku abua yɨ̧. Bɔ li mbê ndzaŋe saꞋa awɔb tè ndɔ̀Ꞌ, tè Mbɔ̧ɔ̧mà wu tàa eliime awɔb la tsiꞋì àtatsi nchɨ̀Ꞌà.

2 Pità 3:16

Tà làꞋa ànəê yaa a èbem èkatè ègème tà shɨ la. Mènəè ko naa a èbem èkatè mbɔŋ nàa nkwèèla a mànkoa la. Eyaa mènəè bòt bu kà ko àghɨa nkûŋ wu yùà la, bɔ̀ ka mê nko àdziꞋa bɔ tɨ̧ɨ̧ la, àa mbà̧aã nəèꞋà wuê mbɨ̀Ꞌɨ̀ bɔ̀ɔ ngɨa ane èdzìꞋ ko a èbem Àkata Mbɔ̧ɔ̧mà la. Bɔɔ ngɨ̀à àyaa ale ngua ngaꞋa èlu̧ abua Mbɔ̧ɔ̧mà taa li eliime awɔb.

1 Jɔ̌n 2:16

Èghɨ bu ègème a ngɔ̀ŋ ŋaa, è wu èghɨ mbɨ̧̀ ènyit nàa nkɨà la, nè èghɨ bòt àa ndzea mè nkɨà la, nè àghɨ àgème a sitsǎꞋ ŋàa bòt àa ŋèꞋa tèkwȩ tɔb adù̧ la, è ka dzə abua Tǎt wa Mbɔ̧ɔ̧mà. Èghɨ mbɔŋ wu èghɨ sitsǎꞋ.

Jûd 1:11

Aa li bɨɨ awɔb nkàà nê bɔɔ̀ ngȩȩna ane alu̧ Kên li ngȩ̀ȩ̀nè la. Bɔɔ ngɨa kàbɔ̀ŋ wuê mbɨ̀Ꞌɨ̀ Balààm li ngɨ̀ la ambo èkab, mè nkwèèla àtsə mbɨ̀Ꞌɨ̀ Kolà li nkwèèle la tè Mbɔ̧ɔ̧mà wu li eliime awɔb wuê mbɨ̀Ꞌɨ̀ tòà.

Ètsə 12:9

Bɔ ghɨ̀ ale, màꞋà taꞋà dlagɔ̀n wu a sitsǎꞋ. Wu dlagɔ̀n wu è li ndzaŋe wu bɔ̀ɔ ntɔ ane fɔ̧̀ fote kàbɔ̀ŋ nè Satàn la, tà mè me fɨte bòt ngɔ̀ŋ bàgème la. Bɔ li màꞋà atò a sitsǎꞋ bɔ̂ bɔntu̧ bi.