2 Pità 2:13 - Mundani

¹³ NgoꞋ naa nɔ̀ŋke àtsəa yɔb wuê mbɨ̀Ꞌɨ̀ bɔ ghɨ̂ è nɔ̀ŋke àtsəa bòt ko la. Àghɨa àa mbɔ̀ àwɔb la, wu màngɨa àghɨ àgème mbɨ̧te ènyit tɔb tèa nkɨà la kwàꞋ a kètsìà nèngû̧. Bɔ wua ndòa mèkù mɔb mɨ̧̂. Bɔ̀ɔ ngɨ̀ bɔ me fɔte èghɨjɨ bɨ tò ba njɨ̀a àdziꞋa bɨ̀a mbù̧ù̧tà la, mbɔ̂ mènəè mɔb wu èbɨꞋte ènəê àtsəa kɔꞋɔ. Aà mbɔ̀ àwɔb ndɨ bɔ̀ɔ ngɨ̀à èghɨ ngaa a kètsìà wɨ̧ la.

2 Pità 2:13 ပူးပေါင်းရင်းမြစ်များ

Lûm 13:13

Bàà me ghɨ̀ mènəè ma ane ndɨ è wu wu la, mbɨ̀Ꞌɨ̀ bòt bɔ̀ɔ ntsèka a èbem èkaꞋà la. Bàà ka me jɨ mèpǎ̧ màpaꞋta àbɨ̧, kò nùa mbea leꞋ, bàà ka me jɨ àbȩ kò ngɨ̀à èbɨꞋte mènəè leꞋ, bàà ka me nù èbet kò ngòꞋna bòt leꞋ.

Efesɔ̀s 5:27

Tà li ngɨ̀ anè mbɨ̀Ꞌɨ̀ enɨ a chɔsì waa ane ndzà zi è ghe nàa mbɔ̀ la, kà ye a kàbɔ̀ŋ adù̧, àghɨ à ka wuê betsiꞋa bɔ fèèle atò adù̧ la. Bɔɔ mbɨ̀Ꞌɨ̀ wòt kà ye àlɔꞋ ane zi, kà ye ka wuê adziꞋi kàbɔ̀ŋ ane zi nè àghɨa ko tsa betsiꞋa a tsòkè wòt la.

Filìpȩ 3:19

Bɔɔ li nyɔ, nkàà bɔ nɨ èghɨ mbɨ̧te ènyit tɔb tèa nkɔ̀ŋkà la ngɨ̀ e tsiꞋi mbɨ̀Ꞌɨ̀ mbɔ̧ɔ̧mà. Bɔɔ ngɨ̀à tè ngù̧a nkùꞋ tɔb ane àghɨa ètsə bɔb e wu me kɔꞋɔ adù̧ la. Bèŋût aà nkwàꞋtà wuê èghɨ ngɔ̀ŋ yaa.

2 Tɔ̀màtià 4:14

Àlèkzandà, talà̧ li ndâ ngɨ̀ am àbɨꞋte ànəê. Mbɔ̧ɔ̧mà naa li etsɔꞋɔ àfàꞋ atò ane àghɨa tà ghɨ̀ la.

Jimsì 5:5

Bɨ tseke a sitsǎꞋ ntsɔ̧̀, mè me ghɨ̀ mbɨ̀Ꞌɨ̀ èntɨ̧ɨ̧ wɨ̧ e kɔ̀ŋkè la. Bɨ jɨ te fàŋkê ntsìꞋi mbɨ̀Ꞌɨ̀ mpɔ̀ŋtsə nchɨ̀Ꞌà àlia bɔ̀ɔ wààlè àwɔb la.

1 Pità 4:4

A taꞋa tsě bòt ngaa kà ko a Mbɔ̧ɔ̧mà la ndɨ̀ wu bɨ̀a ka tsi nkùŋè àwɔb a màngɨa èwuu èbɨꞋte ènəê kèkweelè baa la, ale bɔ tsiꞋi me tsɔ̧̀ɔ̧̀tè àwɨ̧ tsɔ̧̀ɔ̧̀te.

2 Pità 2:15

Bɔ sà èlu̧ ntsɔ̧̀ ntsìꞋa nkùŋà èwe kàbɔ̀ŋ. Bɔ tsiꞋi kùŋè wuê tèkate Balààm waã Beò wu tà li nkɔ̀ŋkè e ghɨ a kàbɔ̀ŋ, mbɨ̀Ꞌɨ̀ ebɔ èkab ane àbȩ̀ àzi la.

Ètsə 18:6

Bɨ̀ ghɨ àghɨa tà ghɨ ane bòt ko la ane tò mɨ̧̂. Bɨ̀ ghɨa tà ye ngoꞋ tà ghɨ̂ bòt ko e ye la ngò̧ tebe. Bɨ̀ nɨ ndɔŋ yu tà nɨŋ ndzì mèlùꞋ ŋa bòt e nu la, ndzì mèlùꞋ kèkweelè è tse me tò mu la ngò̧ tebe ŋa tà nu.