2 Pità 1:6 - Mundani

⁶ Bɨ̀ mě me nèèta nkùùla ènyit yɨ̧, nèètà nkùùla mèntɨ̧ɨ̧ mɨ̧, mè ntsèka mbɨ̀Ꞌɨ̀ Mbɔ̧ɔ̧mà nàa nkɨà la,

2 Pità 1:6 ပူးပေါင်းရင်းမြစ်များ

Lûk 21:19

Bɨ kuulà mèntɨ̧ɨ̧ mɨ̧ tè ngà ndzəè a mèndìa, ko bɨa li bɔ mèmpème.”

Lûk 8:15

È me wu èsaãaãme wu e kwente a si ntsɔ̧̀ la, e wu mbɨ̀Ꞌɨ̀ bòt bu bɔ zə èngà̧ wu, mbɨ̧̀ɨ̧̀nê nè èntɨ̧ɨ̧ wɔb wemɔꞋ nkùùla èntɨ̧ɨ̧ wɔb me ghɨ̀ àghɨ àa shua la nɨa ngà nè mbì la.”

ÀfaꞋa 24:25

Pɔ̂l è ghɨ̀ ale, tà mè ngà nè mbì me làꞋa ndɨ bòt e wu me ghɨ̀ mènəè Mbɔ̧ɔ̧mà nàa nkɨà la. Mè ndàꞋà ndɨ bòt e wu me baãaã mèntɨ̧ɨ̧ mɔb ka ngɨ̀à mènəè la, mè shu ndɨ Mbɔ̧ɔ̧mà nàa li esaꞋa a waa waa ane àlia ko la. Mbɨ̀Ꞌɨ̀ tàa ndàꞋà mènəè maa la, Felìk è bùꞋ me bɔa, tê ntsìꞋi shu abua tò nê, “TsiꞋ ale àfɨ̀Ꞌ yaa me ghǎ. Maa mě è mbɔ àfɨ̀Ꞌ, ka e mè ntɔ awê.”

Lûm 15:4

Àghɨ àgème bɔ li shɨ a èbem Àkata Mbɔ̧ɔ̧mà àfɨꞋa mbì la a li ngua mànyɨꞋte awa, è me ghɨ̌ baa me kuule mèntɨ̧ɨ̧ ma, mè ndzìà mèntɨ̧ɨ̧ ma, mbɨ̀Ꞌɨ̀ baa me chɨ̀Ꞌɨ èghɨ bu ègème Mbɔ̧ɔ̧mà kàꞋà àwa la.

Lûm 2:7

È me wu bòt bu bɔ̀ɔ nkùùla mèntɨ̧ɨ̧ mɔb ngɨ̀à mènəè ntsɔ̧̀, nkɨà ènɨ̧, nkɨà kènùke, mè me kɨ e li tseke ane àlia nè àlia la, ko Mbɔ̧ɔ̧mà nàa ŋa awɔb mèmpème kàlìà.

Lûm 8:25

Ka bàa me chɨ̀Ꞌɨ̀ àghɨa bàà baka ye la, ko baa bɔɔle awa ka me chɨ̀Ꞌɨ.

1 Kɔlìn 9:25

Wòt ègème tàa ngɨ̀à àlùùlà la nàa ngɨ̀ tà me kuule èntɨ̧ɨ̧ vi ndàna. Bɔ̀ɔ ngɨ̀ bɔ wua ngɨ̀à ale mbɨ̀Ꞌɨ̀ bɔ àbȩ̀ kà wu tseke, ka è wu awa è wu àbȩ̀ àa wu ane àlia nè àlia la.

2 Kɔlìn 6:4

Ka baa nyɨ̀Ꞌta àghɨa bà wu yùà la mbɨ̀Ꞌɨ̀ bɔfàꞋ Mbɔ̧ɔ̧mà ane balu̧ bàgème. Baa nkùùla mèntɨ̧ɨ̧ ma ane ngoꞋtsə tègème, ka te màà ngu wuê nà leꞋ.

Gàlashìà 5:23

nè màshuke awê a si, ndɔ̀Ꞌ nè màmbaãaã ènyit yê. Wòt ghɨà èghɨ bàa, ko tà bakà bəꞋ mbɨ̧.

Kɔ̀losìà 1:11

Maà ntsàꞋtà nê Mbɔ̧ɔ̧mà nɨ mètàŋ mi mu è ghe la ngɨ̀ mèntɨ̧ɨ̧ mɨ̧ neeta nkwèèlê, mbɨ̀Ꞌɨ̀ bɨa me kuule mèntɨ̧ɨ̧ mɨ̧ nkìà mènəè ègème nè mèngùꞋte,

1 Tèsàlonikà 1:3

Bàa ngɨ̀ baa me ku̧u̧te mènəè mu bɨ̀a ngɨ̀à ndɨ̀ wu bɨ zì mèntɨ̧ɨ̧ mɨ̧ ane Yesò la. Baa nkù̧ù̧ta mɨ̧̂ ndɨ bɨ taꞋa wua fàꞋà nkàà nê bɨ̀a nkɔ̀ŋkà tò la, mè me ku̧u̧te ndɨ bɨ nɔ̀ŋe ntɨ̀ yɨ̧ ane Yesò Klistò Lefɨ̀Ꞌ wa la.

2 Tèsàlonikà 1:4

Eyaa wu lə bàa ngàꞋtà wa ndàꞋà ànəa yɨ̧ ayɔɔ bèchɔsì Mbɔ̧ɔ̧mà la. Ba ghàꞋtà wa ale ngu ndɨ̀ wu bòt àa mbàtâ nkɨà àtsəa yɨ̧ enɨ, ngɨ̧̀ɨ̧̀nà wɨ̧, ka bɨ bɔ̂ me kweela ngà wuê nè mbì ane èntɨ̧ɨ̧ wɨ̧ wu bɨ zi ane Yesò la.

2 Tèsàlonikà 3:5

Baa tsàꞋtà nê, Yesò Klistò ghɨa bɨ̀ kuule mèntɨ̧ɨ̧ mɨ̧ me kweele ane mènəè tò, mè nko ndɨ Mbɔ̧ɔ̧mà nàa ndâ nkɔ̀ŋkà àwɨ̧ la.

1 Tɔ̀màtià 2:10

Ka bɔ me ghɨ̌ wuê mènəè ntsɔ̧̀ nàa nyɨ̀Ꞌte nê bɔ wu bèzi bɔ̀ɔ ngùꞋtà a Mbɔ̧ɔ̧mà la.

1 Tɔ̀màtià 2:2

Bɔ mè tsàꞋte a Mbɔ̧ɔ̧mà àtsəa bèfɔ̧̀, nè waa waa tàa mbà̧aã àlaꞋ la, mbɨ̀Ꞌɨ̀ baa me tseke ane àlàŋkè kà ye ànəa kàbɔ̀ŋ. À wu anè mbɨ̀Ꞌɨ̀ baa me nèèta ndzəèa a Mbɔ̧ɔ̧mà, mènəè ma naa mě me tsě ndɨŋndɨ̀ŋ.

1 Tɔ̀màtià 3:16

Ànəa ndò̧ yu ba ko ane èngǎ̧ Mbɔ̧ɔ̧mà la aà nkwèèla tè betsiꞋa wòt kà ko ntu̧. Yesò Klistò li mpùùlà ntsìꞋi wɔ̀bȩ̂. Fo Mbɔ̧ɔ̧mà è nyɨꞋte wòt tà wu wùà la, Bɔntu̧ Mbɔ̧ɔ̧mà e mè ndzě atò. Bòt e li ndàꞋà èngǎ̧ tò abua bòt èlaꞋ tsa, Bòt èdzìꞋ ègème a ngɔ̀ŋ ŋaa e zì mèntɨ̧ɨ̧ mɔb ane tò, Mbɔ̧ɔ̧mà nɨ atò a ègwet ntsìa a ègwet àtɨ̧a kèfɔ̧̀ àzi.

1 Tɔ̀màtià 6:11

Ka àwɔ̀, wòt Mbɔ̧ɔ̧mà, à ka ndzì àbu ayê ane àghɨ ako ane èghɨ ba mâ tɨ̧ɨ̧ tê ndɔ̀Ꞌ la. NyɔꞋta me ghɨ̀ àghɨa Mbɔ̧ɔ̧mà nàa nkɨà la mè me zə wuê atò, mè ndzìà èntɨ̧ɨ̧ wê wuê ane tò, mè nèètà nkɔ̀ŋkà bɔbȩ ko. Me kuule èntɨ̧ɨ̧ wê mè njùa ane mènəè mê.

1 Tɔ̀màtià 6:3

Wòt ègème tàa nyɨ̀Ꞌta mènəè tsǎ, mè ntù̧ ngule mènəè Yesò Klistò Lefɨ̀Ꞌ wa, nè ndɨ bàa nyɨ̀Ꞌta mènəè Mbɔ̧ɔ̧mà ma la,

1 Tɔ̀màtià 6:6

Ka bòt bu bɔ̀ɔ ndzə wuê a Mbɔ̧ɔ̧mà, mě me yele àghɨa bɔ bɔ la, e lâ mbɔ̀ ngule àbȩ̀.

2 Tɔ̀màtià 3:5

Naa li ngu ane èli mbɔŋ, bòt e me shu nê bɔ wu bòt Mbɔ̧ɔ̧mà ka bɔ̀ ka wu eye àghɨa mètàŋ Mbɔ̧ɔ̧mà ghɨ̌ ane yɔb la. À yea èwuu bòt baa, à ka ngà a ngèt yɔb.

Tȩtɔ̀s 1:1

Letà Pɔ̂l, wɔ̀fàꞋ Mbɔ̧ɔ̧mà, nè wantu̧ Yesò Klistò. Mbɔ̧ɔ̧mà li ndȩ̀ atò nê nè tà tɨŋe bòt bu ye làà la, ndɨ bɔ̀ɔ nèète zì mèntɨ̧ɨ̧ mɔb ane zi, e mě ko mènəè nkûŋ mu nàa nyɨ̀Ꞌta ndɨ betsiꞋa ba tsekè tè a bɔ a Mbɔ̧ɔ̧mà la,

Tȩtɔ̀s 1:8

Ka ŋut e bɔ ndɨ tàa wu wòt tàa nkòa èsèà bègɨ̧̀ a lob zi la, mè ngu wòt tàa nkɔ̀ŋkà wuê àghɨa àa mbɔ̀ la. Ngu wòt tàa mbà̧aã èntɨ̧ɨ̧ vi ka ngɨ̀à mènəè, mènəè tò mè ntɨ̧ɨ̧ ndɨŋndɨ̀ŋ la. Tà bɔ ndɨ tàa wu ngule wòt Mbɔ̧ɔ̧mà, e mě me ghɨ̌ mènəè mbɨ̀Ꞌɨ̀ wòt tà ko èdziꞋ la.

Tȩtɔ̀s 2:2

Shu abua mbà̧te juŋ nê, bɔ̀ me yu ane mènəè mɔb, nɨ̀a èyì ka ngɨ̀à mènəè, mè mbà̧aã mèntɨ̧ɨ̧ mɔb ka ngɨ̀à mùà. Bɔ̀ mě me nèèta ndzìà mèntɨ̧ɨ̧ mɔb ane Mbɔ̧ɔ̧mà, nèètà nkɔ̀ŋkà bòt, mè nkìà ngoꞋtsə.

Ebùlù 10:36

Bɨ bɔ ndɨ bɨ̀a kuule èntɨ̧ɨ̧ wɨ̧ mbɨ̀Ꞌɨ̀ ghɨ̀ àghɨa Mbɔ̧ɔ̧mà nàa nkɨà la, ebɔ àbȩ̀ yu tà kàꞋà la.

Ebùlù 12:1

È me wu awa ko ba bɔ taꞋà ènɔ̧̂ bòt baa bɔ li ndzì mèntɨ̧ɨ̧ mɔb ane Mbɔ̧ɔ̧mà la, bɔ ghaale awa ndzi a kètsìà la. Ale, bɨ̀ tsiꞋ bà waꞋ àghɨ àgème àa nkèla wa nê bà ka ngɨ̀ àghɨa ba wu e ghɨ̀ la, mè ngwàꞋà mènəè kàbɔ̀ŋ mu è kuule awa la. Bà kuule mèntɨ̧ɨ̧ ma ndùùlà àlùùlà yu ba bɔ ndɨ bàa lùùla àyùà la.

Ebùlù 6:12

Baà kà kɨ laꞋnê bɨ̀ wu bòt àlȩ̀ȩ̀tè, ka baa nkɨà nê bɨ̀ wu mbɨꞋɨ̀ bòt bu bɔ li ndzì mèntɨ̧ɨ̧ mɔb ane Mbɔ̧ɔ̧mà, mè nchɨ̀Ꞌ tè mbɔ̀ àghɨa Mbɔ̧ɔ̧mà kàꞋà wɔb la.

Ebùlù 6:15

Ale, Abàlàghâm kùùle èntɨ̧ɨ̧ nchɨ̀Ꞌ tè ngɨ̀ mbɔ̀ àghɨa Mbɔ̧ɔ̧mà li nkàꞋ atò la.

2 Pità 1:3

Mètàŋ Mbɔ̧ɔ̧mà è ghɨ ndɨ bàa me koa ntsèka àfɨ̀Ꞌ àgème mbɨ̀Ꞌɨ̀ Mbɔ̧ɔ̧mà kɨa la. Ba tsiꞋi a èlɨ̀ waa nkàà ndɨ ba ko a Mbɔ̧ɔ̧mà àfɨ̀Ꞌ yaa la. Wu tòà tà nɨ awa ane bòt bi ngɨ̀ ba bɔ ènɨ̧ tò mè ngu bòt mènəè ntsɔ̧̀ mbɨ̀Ꞌɨ̀ tòà la.

2 Pità 3:11

Ndɨ̀ wu Mbɔ̧ɔ̧mà nàa li eliime èghɨ bàagème a èlɨ̀ waa la, bɨ̀a chɨɨme wu kà èwuu bòt à? Bɨ bɔ ndɨ bɨ̀a ŋa awɨ̧ nènkèm abua Mbɔ̧ɔ̧mà, e me ghɨ̀ mbɨꞋɨ̀ tàa nkɨà la,

Ètsə 1:9

Mmɔ̌ Jɔ̌n wanyɨ wɨ̧, ba nɨ̧̀ ba è tsìꞋi àghɨ yeamɔꞋ ane Yesò Klistò la. Ba nɨ̧̀ ba e kuule mèntɨ̧ɨ̧ ma a èbem ngoꞋ tu ndzèa wa la, nkàà nê ba nɨ a Yesò Klistò mbɨ̀Ꞌɨ̀ fɔ̧̀ wa. Bɔ li mbà̧ am ntsàà a èbem àdziꞋa si àyuube ako a èbem *èdzî bɔɔ ntɔ nê Patmɔ̀s la, nkàà ndɨ mâ làꞋa èngǎ̧ Mbɔ̧ɔ̧mà, Yesò Klistò nyɨ̀Ꞌte nê wu nkûŋ la.

Ètsə 13:10

Wòt a li ngu nê bɔɔ baãaã atò la, bɔɔ bê baãaã atò. Wòt a li ngu nê bɔɔ bùŋe atò ane nyi la, bɔɔ bê bùŋe atò ane nyi. Ale, a nyɨꞋtè nê, bòt Mbɔ̧ɔ̧mà è kuule mèntɨ̧ɨ̧ mɔb, mè me kùŋe atò nè èntɨ̧ɨ̧ wɔb wemɔꞋ.

Ètsə 14:12

Ale, a nyɨꞋtè nê bòt Mbɔ̧ɔ̧mà è kuule mèntɨ̧ɨ̧ mɔb, bòt bu bɔ̀ɔ nɔ̀ŋà mbɨ̧te Mbɔ̧ɔ̧mà mèè me kùŋa Yesò nè èntɨ̧ɨ̧ wɔb wemɔꞋ la.

Ètsə 2:2

Mâ ko èghɨ bɨ̀a ngɨ̀à la. Mâ ko tèbəꞋte bɨ faꞋ mbɔŋ, mè nkùùlè mèntɨ̧ɨ̧ mɨ̧ a èbem ngoꞋtsə la. Mâ ko nê bɨ̀a ka bɨ̧ɨ̧ne nê bòt kàbɔ̀ŋ è wu ayɔɔ yɨ̧. Bɨ bàŋe bòt bu bɔ̀ɔ shua nê bɔ wu bɔntu̧ Yesò, ka bɔ̀ ka wu bùà la, ndze nê bɔ wu bòt mèfà̧.