2 Pità 1:4 - Mundani

⁴ Eyaa wu ndɨ Mbɔ̧ɔ̧mà tse ngɨ̀ ba bɔ ngule èghɨ ntsɔ̧̀ bu tà li ndzàŋe kàꞋà la. BetsiꞋa ba peme àfɨ̀Ꞌ yaa ane èbɨꞋte ènəê bu mèntɨ̧ɨ̧ bòt nàa ŋwèèlà wɔb bɔ ghɨa a ngɔ̀ŋ ŋaa la, tè ntsìꞋa ntsèka ndzəa wuê a Mbɔ̧ɔ̧mà ngɨ̀à mènəè mbɨ̀Ꞌɨ̀ tòà.

2 Pità 1:4 ပူးပေါင်းရင်းမြစ်များ

Lûm 9:4

Wu bòt Izəèlȩê, Mbɔ̧ɔ̧mà nɨ awɔb ane bɔ̧ bi la. Tà li nyɨ̀Ꞌte awɔb ènɨ̧ vi, ngɨ̀ mènkàꞋa kèkweelè mi bɔ̂ tò ba a ngo̧ a ngò̧, ŋa mbɨ̧ zi abua yɔb, nyɨ̀Ꞌte awɔb ndɨ bɔ̀ɔ me wùꞋtè àvi la, mè nkàꞋ àwɔb èghɨ nyaŋ.

2 Kɔlìn 1:20

Ale, wu tòà ka tàa ngɨ̀à àghɨ àgème Mbɔ̧ɔ̧mà kàꞋà la a wua wuê mbɨ̀Ꞌɨ̀ tà kàꞋà la. Eyaa wu lə bàa ngɨ̀ bà me ŋa kènuke abua Mbɔ̧ɔ̧mà bà laꞋnê “Àmèn” ba shu ane èlen Yesò Klistò la.

2 Kɔlìn 3:18

Bàa gème aa anè bà ka tsi ngu mbɨ̀Ꞌɨ̀ bòt bɔ kaba mèsi mɔb la. Bɔɔ ndzea èkaꞋa mètàŋ Mbɔ̧ɔ̧mà ane ya àfɨ̀Ꞌ àgème. Wu Fo Yesò Klistò yaa ka nàa ngɨ̀à àyaa ane ya la. Nàà ngɨ̀à ba kubtà ntsìꞋa mbɨ̀Ꞌɨ̀ Yesò Klistò wu zìambɔŋ, nyɨ̀Ꞌta mètàŋ Mbɔ̧ɔ̧mà nɨa ngà nè mbì.

2 Kɔlìn 6:17

“Ale Lefɨ̀Ꞌ laꞋnê, bɨ dzə ayɔɔ yɔb me tsèke tsa ane yɔb, bɨ̀ ka mbà̧à̧te àghɨa àa tsòkè àwɨ̧ la ko maa nɨ awɨ̧,

Gàlashìà 3:16

Mbɔ̧ɔ̧mà li ndɔ̀Ꞌ nkàꞋ mènəè mi abua Abàlàghâm bɔ̂ wòt àndà̧ vi. Èngǎ̧ Mbɔ̧ɔ̧mà e bakà laꞋnê, tà li nkàꞋ mènəè “Abua bɔbȩ”, è wu bòt nyaŋ la, ka e shu wuê nê, “Abua waã wê”, ngua ndàꞋà ànəa wòt wemɔ̀Ꞌ, è wu Yesò Klistò la.

Gàlashìà 6:8

Aa ale nkàà nê, wòt me ghɨ̀ àghɨa mbɨ̧̀ ènyit tò nàa nkɨà la, ko àbȩ̀ atò naa li wu èvə, è me wu wòt wu tàa ngɨ̀à àghɨa Fo Mbɔ̧ɔ̧mà nàa nkɨà la, àbȩ̀ atò wu mèmpème kàlìà.

Efesɔ̀s 4:13

Bɔɔ me ghɨ̀ ale, tè waa waa ane ya naa tsiꞋi bɨ̧ɨ̧ne àghɨ yeamɔꞋ, e zǐ mèntɨ̧ɨ̧ ma ane Yesò Klistò ane èlɨ̀ wemɔꞋ mè nè ndɨ baa neetè nko Waã Mbɔ̧ɔ̧mà la. Èghɨ ba ègème aa ghɨ̌ baa tsiꞋi mbɨ̀Ꞌɨ̀ bòt bɔ tsə tê nkùꞋ tè ntsìꞋi mbɨ̀Ꞌɨ̀ Yesò Klistò nàa la ane balu̧ bàgème.

Kɔ̀losìà 3:10

Bɨ tsiꞋi bòt fi. Mbɔ̧ɔ̧mà wu tà ghɨ̀ àwɨ̧ ale la nàà ntsèka àfɨ̀Ꞌ àgème ngɨ̀à a èlɨ bɨ̀a tsiꞋi mbɨꞋɨ̀ zìambɔŋ, mbɨ̀Ꞌɨ̀ eko avi te paa la.

Ebùlù 12:10

Bètǎt ba mbɔŋ e li ngua mbà̧à̧te awa ane èbu kekweelè mbɨ̀Ꞌɨ̀ bɔ kɔ̀ŋkè la. Ka Mbɔ̧ɔ̧mà nàa ngɨ̀ tà me baãaãte awa èlɨ mbɔŋ, tà wua nkɨà mbɨ̀Ꞌɨ̀ baa wu ane ntsɔ̧̀, etsiꞋi mbɨꞋɨ̀ tòà.

Ebùlù 9:15

Ale, Yesò wu wòt tà tɨ̧ɨ̧ a kètsìà ka ngɨ̀ Mbɔ̧ɔ̧mà ghɨ̀ mènkàꞋa kèkweelè fi, mbɨ̀Ꞌɨ̀ bòt bu bɔ̀ tsiꞋi e be Mbɔ̧ɔ̧mà la, aa ye a ntsɔ̧̀ Mbɔ̧ɔ̧mà ane àlia nè àlia, mbɨ̀Ꞌɨ̀ tà kàꞋà la. BetsiꞋa àyaa a wu ale nkàà nê, Yesò Klistò li ŋà àtsəa zi mbɨ̀Ꞌɨ̀ e ghɨ̌ bòt aa peme ane mènəè kàbɔ̀ŋ mu bɔ li ngua ngɨ̀a àfɨꞋa bɔ li mbèle a èten mènkàꞋa kèkweelè mu Mbɔ̧ɔ̧mà li ngɨ a mbì la.

Jimsì 1:27

Wòt Tǎt wa Mbɔ̧ɔ̧mà nɨa tò mbɨ̀Ꞌɨ̀ wòt tà nèètè nko avi la, wu wòt tàa ntɨ̀ŋa batsi bɔ̂ bènempfə a èbem ngoꞋ tɔb, mè me baabe avi mbɨ̀Ꞌɨ̀ ngɔ̀ŋ zi a kàbɔ̀ŋ ane zi la.

2 Pità 1:1

Letà Simùn Pità, wɔ̀fàꞋ nè wantu̧ Yesò Klistò, Abua bòt bu bɔ̀ɔ nkùŋà alu̧ Mbɔ̧ɔ̧mà, è wù alu̧ bàa bɔntu̧ àà nkùŋà la. Wu Yesò Klistò ka tà ghɨ̂ bɨ me kùŋè ale la, nkàà nê tàà ngɨ̀à mènəè wuê mbɨ̀Ꞌɨ̀ Mbɔ̧ɔ̧mà nàa nkɨà la. Wu Mbɔ̧ɔ̧mà bɔ̂ Yesò Klistò Mpemnà wa.

2 Pità 3:13

Ka ba wua nchɨ̀Ꞌà ègwet fi nè sitsǎꞋ fi yu Mbɔ̧ɔ̧mà kàꞋà la, è wù àdziꞋa waa waa nàa tsiꞋa ntsèka ngɨ̀à wuê àghɨa Mbɔ̧ɔ̧mà nàa nkɨà la.

2 Pità 3:9

Mbɔ̧ɔ̧mà nàà kà lȩ̀ȩ̀tè a màngɨa àghɨa tà kàꞋà la mbɨ̀Ꞌɨ̀ bòt ko àa nkwàꞋtà la. Ànəa àa və la wu nê tà kuule èntɨ̧ɨ̧ vi me chɨ̀Ꞌà wɨ̧ nê bɨ̀ waꞋa mènəè kàbɔ̀ŋ mɨ̧, kùŋè àvi, nkàà nê tàa kà kɨ nê wòt kǒ nyɔ.

1 Jɔ̌n 2:25

Eyaa wu àghɨa Yesò Klistò zìambɔŋ li nkàꞋ àwa la. Tà li nkàꞋ àwa mèmpème kàlìà.

1 Jɔ̌n 3:2

Ngule bèshu̧ bɔ̧, ba wu bɔ̧ Mbɔ̧ɔ̧mà àfɨ̀Ꞌ yaa, kò tètsɔꞋ nàa sàꞋa ewu na leꞋ, ko ànəa ba ko la wu nê Yesò Klistò naa li mè nkɨ̀Ꞌɨ̂, ba tsiꞋi mbɨ̀Ꞌɨ̀ tòà, nkàà nê baa li ye atò mbɨ̀Ꞌɨ̀ tàa la.